Naktuk hi 22 October ani a, India rama cheng, football ngaina mi tan chuan Hun pawimawh lutuk ani, I-leauge season thar an ṭan dawn!!!

Hei hi I-League 2011-2012 atana Logo thar chu ani.

Sawi tawh ṭhin angin I-League hi kan hre lar lo hle a, a hmingbak hi kan hre meuh lo a, team engzat nge tel pawh kan hre lo a, khawi khua te nge tel tih pawh kan hre ngai lem lo. Zofooties-ah East Bengal, Mohun Bagan leh Lajong tih loh team dang 5 hria kan awm angem le? Atam zawk chuan kan hre kher lo ang. Mahse a awm ve tho, Inkhel hmuhnawm tak ani ngai lo a, chuta karah TV-ah an la pe chhuak lo zui a, club awmna khawpui ah pawh information a ṭhalo thei hle a. Local tournament pangngai angin a kal ve mawp mawp ani ber mai a. East Bengal leh Mohun Bagan inkhel a awm in kan phul hluai a, abak chu thehmeh ang vang vang ani leh mai a. Hriatloh karin champion an lo awm leh ringawt ṭhin.

Kumin ah chuan thil a danglam tawh ang. AIFF hi tunhnai té aṭang khan an active thar khawp mai a. Sport Ministry pawhin an duhsak khawp mai a, hmalakna tur tamtak an pawmpui anih kha. National team te pawh an lar ve viau tawh ani. Grass root level aṭangin hma an la nasa tawh khawp mai a, U-16 ho pawhin asia khawmualpui chu an barakhaih der tawh! Hmun tamtakah intuaihriamna hmun an bun thar zel a. Hetiang zela an kal chho anih chuan Future chu a bright ve det e.

An hmalakna tamtak zingah, I-League bikah chuan Prize money an tihpun bakah IMG-Reliace nen ṭangkawpin match 75 zet TV lamah an pe chhuak dawn a. Hei hian nasa takin hma a sawn phah ngei tura ngaih ani. Cricket nin a in ṭan ve deuh a, sport dang a ṭhang ṭan a, heng zingah hian Football hi a ṭhang ber pawl ani. India leh UAE inkhel pawh rin aia tam ruahsur hnuaiah an rawn chhuak anih kha. TV a en theih na na na, game kan lo hmuh ve ṭhin na na na, kan hnampuite tel ve na na na na, football en ve ṭhin tan chuan han enliam reng mai theih ani lo hrim hrim. Alar chho zel dawn.IMG lam hian Tutak rawn host tir dawn i maw? Mayanti Langer hi host hmasa kha chu aniah. Hetiang hman hian mi a hip ve hrim hrim ani. Ten Sport in an tichhuak ṭhin dawn a ni.

2011-2012 season-a kan hriat tur te :

Club tel tur te :

Manager te :

Goal thun lam : Foreigner te hi an thiam bik vanga lakluh anni bawk a, I-League season tinah hian top scorer anni ziah a, Odafe Onyeka Okolie chu goal thun hnem ber la niin goal 89 a thun tawh a. Indian-ah chuan Sunil Chhetri-an thun hnem ber tawh in goal 31 a khung tawh a. Nikum lamah pawh Mizo tlangval Jeje-a chu India zinga goal khung hnem ber a nih nghe nghe kha.

22nd October-a inkhel tur te :

Margaon: Salgaocar SC vs Dempo SC – 3.30pm (Live on Ten Action)

Kolkata: Kingfisher East bengal vs Churchill Brothers – 6.30pm (Live on Ten Action)

Pune: Pune FC vs Shillong Lajong FC (6.30pm)

Bangalore: HAL vs Chirag United, Kerala (3.30pm).

Inkhel hi hun khatah pahnih an inkhel dawn avang hian match khat zawk chauh kan hmu thei ṭhin dawn a, Naktuk-a inkhel turah hian Robert-a, Bei-a (East Bengal), Didika (Churchill) te inkhel kan hmu thei dawn ani.