Ole 100 Games, Not Out!

#ZoFooty
Manchester United-in zanina Wolves an hneh kha Manager Ole Gunnar Solskjaer hnuaia Premier League game 100-a game 53 an chakna niin Sir Alex Ferguson aiin Solskjaer-a’n record a nei țha!

Kum 48-a upa, Norwegian football manager Solskjaer hnuaia Manchester United-in Premier League game 100 an khelh naah hian record siam bawkin khualmual (away)-a hneh loh nei lova kaltluang rei ber record an siam.

United hian record ding lai game 27 unbeaten (away), April 2003 ațanga September 2004 inkara Arsenal ‘The Invincibles’ lo siam tawh chu Southampton an draw țum khan an nihrual a, zanina Wolves an hneh chiah khan record thar, game 28 unbeaten (away) an siam. Game 28 ah hian game 18 chakin game 10 ah an tumpuite an draw thung a ni.

Solskjaer hian December 2018 khan Jose Mourinho thlakin United a enkawl țan a, top flight ah game 53 a chakpui a, a chak zat percentage hi 53% niin amah aia record neițha chu Ernest Mangnall (1866-1932) chiah a ni.

Ernest Mangnall hian 1903 ațanga 1912 inkar khan game 100-ah game 54 a lo chak pui tawh a, League title pahnih lakpui hmanin league title hmasa zawk, 1908 ami phei hi chu Manchester United major trophy lak hmasak berna a ni a, a hnuah a vawikhatna atan FA Cup-ah a champion pui bawk.

United Manager ropui Sir Alex Ferguson khan top flight game hmasa 100-ah game 45 a chak pui a, pangana dinhmun a luah a ni.

Man United Manager top flight-a game 100 hnua an record neihdan chu hetiang hi a ni.

Manager Hming – Chak zat

Ernest Mangnall – 54
Ole Gunnar Solskjaer – 53
Ron Atkinson – 50
Sir Matt Busby – 48
Sir Alex Ferguson – 45
Dave Sexton – 39
Tommy Docherty – 38
Herbert Bamlett – 34
Jack Robson – 33