2011-2012 season-a MFA hmachhawp

Mizoram Football Association chuan footballer leh football club leh association hruaitu zawng zawngte kum thar chibai a buk e.
Kum 2011- 2012 season chhung hian MFA chuan hmalakna thahnem tak tihhlawhtlin tawh a nei a, season chawhnu lama tih tur hmachhawp tam tak a la bnei bawk. January atangin inkhel chi hrang hrang a buatsaih nghal dawn a, kumin May-a season a tawp hma chu inkhel chi hrang hrang a indawta buaipui turin hmachhawp a nei thahnem hle.

1. MFA LEAGUE
January 16 atangin MFA League second leg khelh chhunzawm a ni dawn. First division-a tel team parukte vawi khat theuh an inkhel kual chhuak tawh a, a tahwhhnihna atan an inkhel chhuak leh ang. He MFA League-a pakhatna hian North East Premier League (NEPL) lamah Mizoram quota-in a khel thei dawn a, a pahnihna pawh NEPL qualifier-ah an khel thei bawk ang.

2. RED RIBBON INTER VILLAGE FOOTBALL
Hl;awhtling taka kum hnih kalpui tawh, Red Ribbon Inter Village Football Tournament chu February thla tawp lama neih tura ruahman a ni a, MFA thawhpui tur MSACS lam nen pawh indawr fel a ni tawh. Mizoramin North East Games a thlen tur neih zawh ve leh he Red Ribbon Football hi khelh tan tur a ni dawn a, he inkhela tel tumte chu tun atanga inbuatsaih tan tahw turin MFA chuan a chah a ni.

3. UNDER 19, UNDER 16 & UNDER14 FOOTBALL
National Under 19 Football Championship, January 19-a khel \an turin Mizoram team chu tunah hian an inbuatsaih mek a, Ramhlun Sports Complex-ah residential camp an nei mek a ni. Siliguri-a khelh tur he tournament-a khel tur hian nikum October atang khan inbuatsaihna kalpui tan a ni tawh.
National Under 14 Football Festival for Boys chu AIFF-in tun hnaiah a buatsaih dawn a, he football talent zawnna hunpuia tel turin MFA pawhin ruahmanna a siam tan tawh bawk. January-ah vek hian National Under 16 Football Championship khelh tan tur a ni a, Mizoram hi champion lai a ni.

4. NORTH EAST PREMIER LEAGUE
India hmar chhak football club thate inelna tur, North East Premier League chu Match thla chawhnu lama khelh tan tura ruahman a ni a, tun hnai khan NEPL Governing Council thukhawm chuan a kalphung turte a ruahman fel a ni.
NEPL kalpui tur hian NEPL Governing Council leh Kolkata-a hmunpui nei sports management group lian Celebrity Management Group (CMG)-te chuan kum 15 chhung inremna an ziak tawh a ni. NEPL-ah hian hmar chhak state pasariha club champion theuhte an inkhel kual thin dawn a, hei bakah hian state tina pahnihna team zinga a titha ber (pahnihna team-te tan hian qualifier hranpa knockout tournament buatsaih a ni ang) chu NEPL-ah hian an khel thei bawk dawn a ni. NEPL-a khel tur hian private club nih a ngai thung tawh a, sorkar enkawl club leh corporation leh public sector undertaking hnuaia mi club-te chu an tel a remchang ve lo thung ang.
NEPL-ah hian sum thahnem tak a awm dawn a, India hmarchhak football mai ni lo India ram football pawh sawi danglam thei tura ruahman tum a ni a, March-May, 2012 chhungin India hmar chhak khawpui hrang hrangah home and away zelin club thate hi an inkhel kual dawn a, CMG lamin sum leh pai an tum dawn a ni.

5. SECOND DIVISION I LEAGUE
Mizoram football club pahnih – Luangmual Footballb leh Aizawl Football Club-te chu Second Division I League qualifier khel turin AIFF chuan a pawm tawh a, an inkhelhna tur hmunte leh an khingpui turte pawh ruahman fel a ni tawh.
He intihsiaknaa tel tur hian football club-te hi private limited company anga inziahluh a ngai a, player-te pawh contract mumal taka ziaka inrelbawlna fel tak neih a ngai a, AFC ‘A’ Licence coach-in a enkawl a ngai bawk. Hetiang tehnaah hian Mizoram club-te hi an la tling thei ngai lo a, Mizoram team-te harsatna neih hre chungin MFA lamin AIFF-ah an dilpui a, AIFF lam chuan Second Division I League qualifier khel tur hian hriatthiamna zau tak nen an khelh an phalsak dawn ta a ni.
February 1 atanga inkhel tan tura ruahman a ni a, Luangmual FC hi Nagpur-ah an inkhel ang a, Aizawl FC hi New Delhi-ah an inkhel thung ang a; club dang pasarih ve ve nen group khatah an awm a, an inkhelh kual hnuah a sang pahniha an tel thei a nih chuan Second Division I League final round an khel thei dawn a ni.

6. MFA CUP
Kum tina neih thin MFA Cup chu Red Ribbon Football khelh zawh hnu lamah Aizawi District FA-in an thleng dawn a, a inkhelh hun tur leh a inkhelh dan tur kimchang hi ka duan tur a ni. NEPL leh Second Division I League qualifier khel tur team-te an awm dawn avangin secon chawhnu lamah hun awl remchang ngaihtuah a ni ang.

7. INTER DIST UNDER 19
Inter District Under 19 Football Championship chu Lawngtlaia nghah turin MFA General Body Meeting chuan a lo rel tawh a, hei hi tun season zawh hma hun remchang hmasaah buatsaih a ni ang.
Hei bakah hian February 21-24 chhunga Aizawla neih tur XXVI Norrt East Games-ah MFA chuan mipa leh hmeichhe team chak tak din tumin hma a la mek a, a mawhphurtu turte pawh ruat fel an ni tawh a, MFA League leh inkhel danga player tha tha thlang turin ruahmanna siam chhoh mek a ni.

Issued by Information and Publicity Sub Committee, MFA

You May Also Like

More From Author

47Comments

Add yours
  1. 45
    Lalzarzova

    Hei hi chu MFA lam rawn tihchhuah a nia, a bengvar thlak khawp mai. Point tin ah khian post tam tak a awm thei ang. MFA pawn football hmasawnna tak tak an khawih tan a tih theih a, a lawmawm khawp mai. Hmasawn zel in beisei phawt mai teh ang.

  2. 46
    Laldinsanga

    ni e. Mizoram-ah hian khunkhan takin football hi kalpui ni teh se. A foundation a that zawh poh leh thangthar te tan football-ah malsawmna ani mai dawn si a.

+ Leave a Comment

2011-2012 season-a MFA hmachhawp

Mizoram Football Association chuan footballer leh football club leh association hruaitu zawng zawngte kum thar chibai a buk e.

Kum 2011- 2012 season chhung hian MFA chuan hmalakna thahnem tak tihhlawhtlin tawh a nei a, season chawhnu lama tih tur hmachhawp tam tak a la bnei bawk. January atangin inkhel chi hrang hrang a buatsaih nghal dawn a, kumin May-a season a tawp hma chu inkhel chi hrang hrang a indawta buaipui turin hmachhawp a nei thahnem hle.

1. MFA LEAGUE

January 16 atangin MFA League second leg khelh chhunzawm a ni dawn. First division-a tel team parukte vawi khat theuh an inkhel kual chhuak tawh a, a tahwhhnihna atan an inkhel chhuak leh ang. He MFA League-a pakhatna hian North East Premier League (NEPL) lamah Mizoram quota-in a khel thei dawn a, a pahnihna pawh NEPL qualifier-ah an khel thei bawk ang.

2. RED RIBBON INTER VILLAGE FOOTBALL

Hl;awhtling taka kum hnih kalpui tawh, Red Ribbon Inter Village Football Tournament chu February thla tawp lama neih tura ruahman a ni a, MFA thawhpui tur MSACS lam nen pawh indawr fel a ni tawh. Mizoramin North East Games a thlen tur neih zawh ve leh he Red Ribbon Football hi khelh tan tur a ni dawn a, he inkhela tel tumte chu tun atanga inbuatsaih tan tahw turin MFA chuan a chah a ni.

3. UNDER 19, UNDER 16 & UNDER14 FOOTBALL

National Under 19 Football Championship, January 19-a khel \an turin Mizoram team chu tunah hian an inbuatsaih mek a, Ramhlun Sports Complex-ah residential camp an nei mek a ni. Siliguri-a khelh tur he tournament-a khel tur hian nikum October atang khan inbuatsaihna kalpui tan a ni tawh.

National Under 14 Football Festival for Boys chu AIFF-in tun hnaiah a buatsaih dawn a, he football talent zawnna hunpuia tel turin MFA pawhin ruahmanna a siam tan tawh bawk. January-ah vek hian National Under 16 Football Championship khelh tan tur a ni a, Mizoram hi champion lai a ni.

4. NORTH EAST PREMIER LEAGUE

India hmar chhak football club thate inelna tur, North East Premier League chu Match thla chawhnu lama khelh tan tura ruahman a ni a, tun hnai khan NEPL Governing Council thukhawm chuan a kalphung turte a ruahman fel a ni.

NEPL kalpui tur hian NEPL Governing Council leh Kolkata-a hmunpui nei sports management group lian Celebrity Management Group (CMG)-te chuan kum 15 chhung inremna an ziak tawh a ni. NEPL-ah hian hmar chhak state pasariha club champion theuhte an inkhel kual thin dawn a, hei bakah hian state tina pahnihna team zinga a titha ber (pahnihna team-te tan hian qualifier hranpa knockout tournament buatsaih a ni ang) chu NEPL-ah hian an khel thei bawk dawn a ni. NEPL-a khel tur hian private club nih a ngai thung tawh a, sorkar enkawl club leh corporation leh public sector undertaking hnuaia mi club-te chu an tel a remchang ve lo thung ang.

NEPL-ah hian sum thahnem tak a awm dawn a, India hmarchhak football mai ni lo India ram football pawh sawi danglam thei tura ruahman tum a ni a, March-May, 2012 chhungin India hmar chhak khawpui hrang hrangah home and away zelin club thate hi an inkhel kual dawn a, CMG lamin sum leh pai an tum dawn a ni.

5. SECOND DIVISION I LEAGUE

Mizoram football club pahnih – Luangmual Footballb leh Aizawl Football Club-te chu Second Division I League qualifier khel turin AIFF chuan a pawm tawh a, an inkhelhna tur hmunte leh an khingpui turte pawh ruahman fel a ni tawh.

He intihsiaknaa tel tur hian football club-te hi private limited company anga inziahluh a ngai a, player-te pawh contract mumal taka ziaka inrelbawlna fel tak neih a ngai a, AFC ‘A’ Licence coach-in a enkawl a ngai bawk. Hetiang tehnaah hian Mizoram club-te hi an la tling thei ngai lo a, Mizoram team-te harsatna neih hre chungin MFA lamin AIFF-ah an dilpui a, AIFF lam chuan Second Division I League qualifier khel tur hian hriatthiamna zau tak nen an khelh an phalsak dawn ta a ni.

February 1 atanga inkhel tan tura ruahman a ni a, Luangmual FC hi Nagpur-ah an inkhel ang a, Aizawl FC hi New Delhi-ah an inkhel thung ang a; club dang pasarih ve ve nen group khatah an awm a, an inkhelh kual hnuah a sang pahniha an tel thei a nih chuan Second Division I League final round an khel thei dawn a ni.

6. MFA CUP

Kum tina neih thin MFA Cup chu Red Ribbon Football khelh zawh hnu lamah Aizawi District FA-in an thleng dawn a, a inkhelh hun tur leh a inkhelh dan tur kimchang hi ka duan tur a ni. NEPL leh Second Division I League qualifier khel tur team-te an awm dawn avangin secon chawhnu lamah hun awl remchang ngaihtuah a ni ang.

7. INTER DIST UNDER 19

Inter District Under 19 Football Championship chu Lawngtlaia nghah turin MFA General Body Meeting chuan a lo rel tawh a, hei hi tun season zawh hma hun remchang hmasaah buatsaih a ni ang.

Hei bakah hian February 21-24 chhunga Aizawla neih tur XXVI Norrt East Games-ah MFA chuan mipa leh hmeichhe team chak tak din tumin hma a la mek a, a mawhphurtu turte pawh ruat fel an ni tawh a, MFA League leh inkhel danga player tha tha thlang turin ruahmanna siam chhoh mek a ni.

Issued by Information and Publicity Sub Committee, MFA

You May Also Like

More From Author

+ There are no comments

Add yours