European football kan tuipui a, hmun hrang hrang-ah chhiar tur tam tak a awm bawk a. Result thar lam lo chu post ngam chi a ni meuh lo. Mahse kan ramchhung football erawh chhiar tur a tlem a, result han hmuh mai pawh har tak a ni, Army XI te pawh kumtir lama an inkhelhna ni mahse kan rawn post tho e.

KALINGA GOLD CUP
Army XI chuan Kalinga Gold cup, Bhubaneswar-ah Quarterfinal atanga khel tanin Semi-final an thleng a. Semi-Final-ah hian Mohammedan S.C. hnehlovin an tla ta a ni.

C. Lalhruaitluanga (Hruaite-a), Republic Veng telna Army XI hian Quarterfinal-ah Kolkata club Kalighat 3-1 in an hneh a, semifinal-ah hian Mohaddedan S.C. chu hun pangai ah 1-1 a an draw hnuin, tie-break ah 4-2 in an hneh ta lo a. He tournament-ah hian an hnehloh Mohammedan Sporting Club hi an Champion.

BIHAR CM TROPHY
Bihar CM Trophy-ah erawh Army-XI ten final-ah KSB, Kerela 1-0 a hnehin an champion thung. He tournament ah hian inhliam vangin C. Lalhruaitluanga tel theilo mahse Mizo dang pahtum Gordon Zoramchhana (Chanmari West), Laldingliana (Champhai) leh Lalvulluaia (Ramhlun South) te an tel tho a.

Army XI hian first match (Quarterfinal)-ah Indian Navy chu penalty-ah an hneh a, Semi-final-ah Tata Football Academy 2-0 a hneh lehin, final-ah KSB Kerela 1-0 a hnehin an Champion ta a ni.

Thubelh
Gordon Zoramchhana, Laldingliana leh Lalvulluaia te hi Mizo zingah chuan a lar ber te zing ami annia. An chanchin hre chak pawh hi an tam ngei ang. Chutihrualin C. Lalhruaitluanga (Hruaite-a) pawh hi midang pathum ang hian lar lo mahse player tha tak erawh a ni a. Kum naupang takin Republic Veng YMA team, Central YMA final a thlen pui a, final-ah hian Ramhlun South YMA team 1-0 in an hneh lo a. Hruaitea hian Mizoram U-16 team pawh a captain na hnuaiah a lo Champion pui tawh a, kum naupang takin Assam Regiment Centre (ARC)-ah a luh vangin mi hriat a hlawhlo pawh a tih theih ang. Mahse ruiththeih thila fihlim leh invawng tak hi Mizo zingah chuan Central Defensive Midfielder tha ber zing ami a ni.