2011-12 UCL CHAMPION CHELSEA : EUROPE AH LAL THAR A PIANG TA!

Matteo leh a sipai te chuan Munich kulh ropui chu su chim in khawvel awm tirh ata Chelsea in an la chawi ngai loh, mumang lamah pawh an la man ngai hauh loh, UEFA Champions leaque trophy chu an kut ngeiin an chawi ta! Dingdihlip chunga inkhel Chelsea hian Bayern Munich chu hun pangaiah 1-1 a in hnehtawk puiin penalty shot-out ah 4-3 in hnehna an chang ta a ni.

1st half : Goal lut lo inkhel hmuhnawm tak si chu…

Inkhel tan a ni a, beisei ang ngeiin Beyern lamin inkhel an thunun nghal. Bayern hi an taksa a tet deuh zawk avangin lei hrulah ball an in pe kual nasa hle a, mual neitu ten inkhelh nuam anti tan hle niin a lang. Chelsea players te a tir lamah an talbuai angreng hle a, mahse a tlar hnung inrem fuh lutuk erawh kha chu Chelsea fans tan chuan hmuh a nuam hle in a rinawm.

Min.21-naah Bayern chuan chance duhawm lutuk an hmu nghal a.  Arjen Robben chuan tha lutuk in goal ah a shot a, mahse Chelsea keeper Peter Cech chuan alo dan chhuah sak hlauh. Cech hian a dang chhuak zo lo teuh hle a, ball chuan ‘goal bar’ a per a, a chhuak hram a ni. Allianz Arena-ah Bayern fans ten goal tam tak hmuh an beisei ngei in a rinawm.

Chelsea an inthlahdah lo va, Bayern erawh an huangtau hle thung. Bayern tan Robben a langsar hle a, tin, dan pangai angin Kroos pawh kan hmu ngun leh khawp mai. Bayern chuan chances tha tak tak an ‘missed’ nual a, min.35-na a Robben a shot goal loh te; min.35-na a Ribery shot goal loh te, tin, min.36-na a Thomas Muller a shot goal loh te chu Bayern fans te tan chuan a uihawm duh hle in a rinawm.

An tih dan pangai ang bawkin Chelsea chuan counter attack an nei leh zauh zauh va.  min.37-na a Solomon Kalou-a shot Manuel Neuer-an a lo save chu a uihawm kher mai. Bayern lamin ball an chang tam leh deuhva, min.39-na a Mario Gomez-a tih goal loh chu a uihawm duh kher mai. Alianz Arena-a Chelsea fans te dawr a ip thei hle in a rinawm. Bayern tan an goal nawr khawl Robben leh Ribery ten an thawhhlawk hle a, tin, captain Philip Lahm pawh a langsar leh khawp mai. Min.42-ah Mario Gomez-a chuan mawi lutuk a ball in her leh puiin free chance-ah penalty-box chhung atangin goal kham a pet khum hlauh va, a vawi engmaw zat nan Chelsea dawr a ip leh ta.

Chelsea players te a ball chang tlem zawkah tang mahse an khel a chhe lova, mahse bayern khel erawh an phalo hret niin a lang. First half ah Bayern an chungnung tluan a, goal erawh an thun thei mai bik lo. Chelsea defence line a pherh lek lek thin a, mahse,Chelsea players te an thawkrim a, an fakawm thlawt.

2nd half : Drogba ‘The Hero’
Second half tan a ni a, inkhel ah danglamna engmaw tak a thlen ngei beiseiin Alianz Arena-a team pahnih fans ten thawm an nei tha hle. Bayern lam bawk ball chang tamtu anni leh a, mahse goal chances erawh an nei hlei thei bik lo. Min.49-na  a Kross-a shot tha lutuk chu Chelsea defender, David Luiza chuan   alo tauh chhuah sak hlauh. Chelsea an rawn khel tha chho ve tan a, mahse Bayern defence line an pal tlang zo meuh lo a tih theih. Min.51-na a Drogba shot goal loh te chu Chelsea chance neih awmchhun chu a ni deuh mai. Team pahnih te an innawr tawn zak zak a, khawvel a winger nawr na ber te zing ami, Robben chu a tal na leh hle a, mahse, khawvela defence line khauh ber pawl a an sawi thin, Chelsea defence line thiah chu thil awlsam tak a ni lo tih chu a lang reng mai.

Chelsea khel a mumal a, Bayern khel erawh a hlauhawm tel thung. Chelsea manager chuan a hmatawngah Drogba chauh a dah a, hei hian Bayern defender ho hna a ti tlem deuh niin a lang. Midfield-ah ball a tam a, team pahnih te an inchai tawk hle. Ball an in chan chhawk zak zak a, chances erawh an nei hlei thei lo ve ve. Min.74-na a Drogba tih goal loh pawh a uihawm leh kher mai.

Second half a tawp dawn meuh chuan Thomas Muller a rawn inlar tan ta! Min.78-na a a (Muller) shot goal loh te, Min.82-na a a ball tauh tha lutuk Peter Cech-an  a lo dan sak te chu Bayern fans tan chuan a uihawm duh viau ang le.  Inkhel kal hmang enin hun tawp lamah thil enge maw tak a thleng ngei dawn ani tih chu a hriat theih reng mai. Min.83-na a ni a, Captain Philip Lahm chuan veilam kil sir atangin ball tha zet a rawn vawr lut a, heihi changtu neilo Muller-a chuan ball chu kawh zet maia lei tauh perin a sawh ting leh chu khawvel goal keeper tha ber tih ngam, Peter Cech tan pawh a dan rual a ni lo. Ball chu a sir kilah tawh buai lohvin a lut a, 1-0 in Bayern in hma an hruai ta! Allianz Arena-a Bayern fans te an pawr ta kher mai. A sen a fawn vel a, a pawl an chim pil ta!

Bayern manager chuan defensive game khelh tumin goal thuntu Muller-a chu lachhuak in Van Buyten a luh tir. Chelsea manager pawhin an goal nawr a nat deuh beiseiin kalou lachhuakin Fernando Torres a rawn dah lut ve a. Chelsea an zam lova, tlawm an tum bawk hek lo. Anmahni tantu te an beidawn tawh hnuah pawh nasa takin an bei let a, a tawpah chuan a sen in a chim pil tawh rawng pawl chu Drogba-a goal ropui dangdai tak chuan a rawn lan chhuah tir leh ta! Min.88-na ah Chelsea chuan dinglam pangah corner an hmu a. Hei hi Juan Mata chuan pet in ‘The Goal Machine’ chuan mawi mangkhengin kil tha zetah a lo tauh lut a ni. 1-1 a ni a beiseina awm tawh lohna ruam atanga beiseina eng de ve ve thlir a, theih tawp chhuaha beitu Chelsea chu an him ta! Hun a tawp a, extra-time khel turin team pahnihte an in tha then.

Extra-Time : Cech ‘The Saviour’…

Extra-time khelh a ni a, game tan phat atangin Chelsea in an nawr nghal a, chances erawh an nei hlei theilo thung. Min.93-na a ni a, Drogba chuan penalty box chhungah Ribbery a tih thluk avangin Chelsea chu penalty chawi tir an ni. Bayern fans an phur a, Chelsea fans erawh an ngawi thuap mai. Bayern tan phur zetin Robben a rawn pen chhuak a, a club hlui Chelsea laka phuba lakna hun tha a nei ta! Robben chuan keeper veilam sirah kawh zet maiin a pet a, mahse Cech-a zuanna lam alo ni hlauh mai a, a goal zo ta lo. Bayern fans ten thawm an chhuah ngam ta lo!

Bayern tan lut thar Olic chu a rawn tal na ang reng khawp mai a, min.108 -naa a pet goal loh chu a uihawm duh kher mai. Min.112-na ah Gomez chuan goal a thun teuh leh kher mai. Chelsea defender te an fakawm thlawt a, tin, Bayern midfielder te pawh an khel tha kher mai. Hun pek belh a zo a, tie-break hmanga chak zawk zawn a ngai ta!

Penalty Shot-Out : Aw Ropui ber Didier Drogba!!!

Nomawi pakhat chiah a awm avangin a chawi tu tur pawh pakhat chiah an awm a ngai. Extra-time-ah pawh chak zawk an la awmloh cheu avangin penalty shot-out hmanga chak zawk zawn a ngai ta!

Bayern Munich tan Captain Philip Lahm a rawn ding chhuak a , Bayern tan a chhin hawn nan chiang zet in a rawn pet goal. Chelsea in an thiampuipa Juan Mata chu rawn tir chhuak ve in, awlsam takin dinglam kilah a pet a, a kil tha kher mai! Mahse, Neuer a kut ropui chuan alo dang hlauh mai! 1-0 in Bayern in bul an tan ta!

Bayern tan Mario Gomez a rawn pen chhuak leh a, chiang zet in a rawn pet goal leh. Khawvel a keeper tha ber pawl, Peter Cech pawh a hawihai chiang kher mai. Chelsea tan defender David Luiz a rawn pet chhuak ve leh a, a inringtawk bawk a, a pet goal chiang kher mai. 2-1 in Bayern in hma an la hruai.

Bayern tan rinloh deuh maiin an keeper, Manuel Neuer chu a rawn pen chhuak a. Keeper dinglam pangah pet in Cech chuan a nem chhuak hman lo chiah chiah a ni. Chelsea tan penlaty expert, Frank Lampard a rawn ding chhuak ve leh a, a ni pawhin a rawn pet goal chiang kher mai. 3-2 in Bayern in hma an la hruai.

A vawi 4 na’n Bayern tan Olic a rawn pen chhuak ve leh a, mahse khawvel a kut mawi ber tih ngam, Peter Cech –a chuan a lo dan per sak ve leh ta tlat mai! 3-2 ala ni a, Chelsea in beiseina duhawm tak an nei  ta! Chelsea tan defender Ashley Cole a rawn pen chhuak ve leh a, a rawn pet goal chiang kher mai. Tunah chuan 3-3 a ni ta!

Bayern tan Semi-final-a an chhandamtu lo ni tawh, Bastian Schweinsteiger bawk chu a rawn pen chhuak leh ta. Bastian chuan dinglam kil sirah a pet a, a kil tha kher mai. Mahse vanduaithlak takin goal ban a fuh hlauh mai! 3-3 a la ni cheu va, Chelsea tan hun duhawm tak a rawn her chhuak leh ta! Chu veleh Chelsea chuan mihrang, Didier Drogba chu an rawn tir chhuak nghal a.  A ni chuan chiang taka pet goal in Chelsea history a dai leh ngai tawh lo turin UCL trophy a rawn pet chhuak ta!!!

Chelsea fans thlabar leh mangang reng reng a inkhel en te tan HAHCHAWLHNA a rawn thlen ta! An thi a an tho leh ta a ni! Munich ah mai nilo London-ah thawm a tha hle a, Chelsea tan tu telawmna  mittui tla chu hruk hul theih a ni meuh lo!!! A vawi khat nan Chelsea UEFA Champions Leaque ah champion an ni a, Europe ah lal thar a piang ta!!!

Sawizuina : Chelsea hian champion an phu hle a, chutih rualin tunlai khawvela team tha ber tih ngam – Bayern Munich erawh an vanduai hle thung. Chelsea players-te an discipline a tha hle tih a lang chiang hle a, tin, Bayern players te class san zia pawh kan hmu nawn leh niin ka hria. Bayern hian an vanduai vang liau liau in cup an chawi thei lo ti ila kan sawi sual tamin ka ring lo. Chelsea fighting spirit tha lutuk kha Chelsea chakna hnar ber niin a lang.

‘Chelsea hian an vanneih vang liau liauvin UCL trophy hi an la a ni,’ kan ti mai thei. Mahse, hei erawh kan hriat a tha hle in ka hria : insualnaa a hnek tam zawktu leh hnek thelh tam zawktu nih ai chuan mahni a tul huna indang thiam leh hnek chhun a hnek fuh tam zawktu nih chu tu pawhin kan duh theuhvin ka ring. A hnek thal tu chu a vannei nge kan tih anga a thiam zawk?

Engpawh nise, Zofooty chuan UCL champion thar Chelsea FC fans-te thinlung takin kan lawmpui tak meuh meuh che u a ni tih min lo hriatsak dawn nia. Thil dang chu comment lamah kan sawi chhunzawm tawh mai dawn nia.

 

Posted in Chelsea FC, Review, UCL.

41 Comments

  1. Comment #24 David Pachuau kha i swi dik ltuk…a khelh-ah cuan eg ag pwhin bet xwk mah ila kn game plan kn chakpui cuan kn thiam xwk animy…cuan Chelsea cu an vannei, an cuti khati, penalty kha pet goal ta se, ta se tiho kha vannei tur cuan thiam agai…cuti ta se ta se tih cuan dwn cuan keini pwh khan goal riat thun ta se…hahaha

  2. Drogpuia penalty chawi kha cu kwg lehlamah cuan kn vanneih pui khwp my…an player hlauhwm ber pwl Ribery a inhliam phah a…egpwh nise.,WE ARE THE CHAMPION…huuhu

  3. RDM a ropui thlwt e.cuan cahill leh luiz inkwp fuhzia kha.cuan an indrw na tura bul tumtu torres inhmaih tlt.a khl rei lo nia in a khl tha ka ti khp mai.terry leh ivanovic cu wm se an champion ka rig lo.CHELSEA fans ka lwmpui e

  4. Good post, hei aia chhiar ngaihnawm hi kuminah a awm tawh kher lovang. Soccer-ah hian Lal ngai Lal reng hi a ti hmuhnawmlotu a ni a, tan bik Club nei mah ila, Lallukhum inchawi chhawk hi a thain a ti hmuhnawmtu a ni a. Chubakah kumin chu Club lar lem lo an nih lai atanga lo tantu Chelsea fan keini ang tan chuan beisei ngam loh dingdihlipa kan thlir ve tawk tawk, Trophy chawi kan chak em em ni si, mak tak maia kan chawi ta tlat maite hian a tihluin Soccer ropui zia a lantir ve tlatin ka hria. Nakumah kan chawi nawn tawh awm der si lova.

  5. Drogpuia cugchag hi ka swi lh lwk chak,Chel history player ropui br th gam cu ahar maitheia,mhse an trophy lak jwng2(aluh hnuah an ropui jual miaua)a athwhhlwk br ani jel t ila hnialtu antlem maitheia,t cunga aphut ag cntrct anpe theilo anh cuan….ka vuipui v viauag,an in mamwh twn c a

  6. inkhel hmuhnawm tak ani…. Thinphu a rang duh deuh tih mai loh chu… Se kan CHAMPION tho e…..

  7. Good post.. Para then fel bawk a Mobile phone atang pawn chhiar a nuam zaih. Drogba leh RDM te an lo ropui e.
    Muller anla chhuak vat kha a fuh ka ti lo. Tin, Drogba goal score na tura corner hlawh chhuaktu Torres hming pawh ka sawi lang ve hrim hrim chak. A khelh chhunah Kalou aiin a tha ka ti mah e. Bertrand pawh kha rin aiin a zia.

  8. Ngaihnawm hle mai. A dik chiah, a hunah HNEK fuh hi a pawimawh. Kumin hi CHelsea an vannei ve hrim hrim bawk a ni. Nou Camp-a MEssi penalty thelh leh nizana Robenna thelh te kha lut ta se chuan CHelsea hi an champion awm si lova. CHelsae ho an lawmpui awm e, a ziaktupa a fakawm bawk. ziak ngaihnawm lutuk tlat !

  9. A post tu hi ni khel tha ka tih tak ber chu….a ngaihnawm thlawt e….kal zel rawh..

  10. Chelsea kha chu champion tur hrim hrim a chunglam ruat lawk an ang zawk alawm le. An champion zawh hnu lawka commentator in Destiny, sheer Destiny a tih khan ka lu ka lo bu ve nghat nghat a 😀

    Ashley Cole kha Chelsea players ah chuan a khel ṭha deuh ber in ka hria. Second half-a Lahm ball cross tur a tackle leh extra time-a Robben shot a lo dan te kha dang lo se chu a goal ngeiin a rinawm. Roman Abramovich chuan a duh ber a nei thei ta bawk a, vawiin chu a mood a ṭha ve khawp ang le.

  11. Bayern h an game tradition hmuhnwm tk avag hyan k tan thn a,mhs Chel player ho k duhsak jwk deuh lwi bwk sia,hahthlak khp mai,Robben ka khwgaih zozai ta mange,Romana hote ka lwmpui,Bayern lh Spurs ka tuarpui,tiag game hmuhnwmlo champ pui thn ho hi cu pilbo duak rih mhse pwi kati lo

  12. An vannei em bawk atin ni. Semi finalah Barcelona nen an intum tum khan penalty Messi khan an home-ah a pet goal lova, chak thei dinhmuna Barcelona kha an din tawh hnuin an chak lo ta a. Tun tum finalah pawh khan Bayern Munich tan penalty kha time pangngaiah khan Robben khan a pet goal lo leh chiah a, Bayern Munich home a ni leh chiah a, Bayern Munich kha an chak lo ta a ni. Messi leh Robben hi veikhawr ve ve an ni a, Barcelona leh Bayern Munich laka penalty chawitu kha Drogba ve ve. Barcelona leh Bayern Munich club hming hi B ve vein a intan. Bayern hming leh Barcelona hming intanna B leh Drogba hming intanna D inkarah hian C a awm a, C for Chelsea & Champion. A mak khawp mai..hehehe

  13. RDM chu che fuh khawp mai, Chelsea ka lawmpui e, chuan Spurs erawh ka khawngaih khawp mai UCL ah an hmel kan hmu ve dawn ta lo chu niah.

  14. Post hlu leh mawi,ngaihnawm bawk si a ni e. A en theuh2 tan pawh he post hi chhiar a manhla mang e. Tactics leh game plan hrang2 a awm thin a, neutral tan leh Bayern fans tan chuan a hmuhnawm lutuk lo a ni thei e! Mahse, mahni game plan Champion pui theitu chu engang pawn bet mah sela, anthiam zawk ka lo ti ve thin! Heihi tamtak chuan an hnial nghal ngei in ka ring bawk. Eng Club pawhin defensive e maw, attacking pawn khel se, an game plan an chakpui chuan an thiam zawk chiang a ni. Team pahnih ten attacking game an play dun lo a, mi tamtak chuan an sawisel ang. Mahse, Chelsea khan Champion an phu ka ti tlat! RDM leh Drogba pawh an nghet in ka ring bawk.

  15. Post hlu leh mawi,ngaihnawm bawk si a ni e. A en theuh2 tan pawh he post hi chhiar a manhla mang e. Tactics leh game plan hrang2 a awm thin a, neutral tan leh Bayern fans tan chuan a hmuhnawm lutuk lo a ni thei e. Mahse, mahni game plan Champion pui theitu chu engang pawn bet mah sela, anthiam zawk ka lo ti ve thin. Heihi tamtak chuan an hnial nghal ngei in ka ring bawk. Eng Club pawhin defensive e maw, attacking pawn khel se, an game plan an chakpui chuan an thiam zawk chiang a ni. Chelsea khan Champion an phu ka ti tlat. RDM leh Drogba pawh an la nghet in ka ring bawk.

  16. A ngaihnawm e..Mahse Ashley Cole kha kei khel tha ka ti (I ziak lang lo riau a..) Trophy lian lak duh chuan Arsenal leh Liverpool chhuahsan hi a fuh hmel riau..:-D Eg. A.Cole, Clichy, Torres, Toure,etc…

  17. CHelsea tanlo tute tan chuan sawi leh sel tur chu a tam ang…mahse kum 2011-2012 Champions Leaque a champion chu CHELSEA tho2..chuvangin minlo lawmpui ve mai mai teh u..haha.

  18. Post chhiar a nuam khawp mai.. Nizan kha chu “a hahthlak leh pek, mahse a nuam thung” khatiang teh hrep atanga kan han champ mai kha a ropui zia leh a hlut zia a tilang zual…. BPL lama kan chet that loh tuma UCL kan han khel tho tur hi nuam a ni… BPL-a 1st, 2nd, 3rd position te nen UCL kan khel dawn kan intluk tlang e

  19. avan nuam mai mai ve le..Mikel pawh hma a sawn ve tawh khawp mai..Lampard khel han cool leh confi zia kha..

  20. Drogba head goal mawlh kha…ropui lutuk..Chelsea khan champion an phu a, an champion a ni mai…

  21. Bayern chu mahni stadium UCL final khel hmasa ber leh chaklo hmasa ber an ni ta ringawt a.

  22. Bayern-ah khan star player chu an tam khawp mai, mahse an finishing a tha lo hlawm em a ni. Europe a lal thar piang tantu zinga kan awm thei hi a va nuam em. 🙂

  23. Bayern-ah khan star player chu an tam khawp mai, mahse an finishing a tha lo hlawm em a ni. Europe a lal thar piang tantu zinga kan awm thei hi a va nuam em.

  24. Chelsea fan ka ni ngai lo nain Abramovich ka lawmpui hle. Mi hausa, football-a ain pekna hi ka appreciate ve tlat. Vawin lam chu ENGKIM mai an FREE hulh vek mai thei e ti ru thiante u?

  25. Inkhel hmuhnawm tak niin ka hre lo. Post erawh a ngaihnawm thlawt e. English football ropui lo titute tan – England-a parukna chu Europe-a thiam ber an ni tlat mai! 😀

  26. insualnaa a hnek tam zawktu leh hnek thelh tam zawktu nih ai chuan mahni a tul huna indang thiam leh hnek chhun a hnek fuh tam zawktu nih chu tu pawhin kan duh theuhvin ka ring. A dik full lutuk a ka rawn copy paste tawp.

  27. Lalpa..lwmthu kan hrilh a ce..min lwmpui tute zwg2 inchugah kan lwm e..champion tur rega pathian ruatsa kan ag ka ti twp..semi a messi penalty thun loh leh nizana robbena thun loh te,akhelha hnehlo viau thin si ina ahun taka goal kan han thun ve leh tlat thin te kha amak ani e..egtipwn swihnwm pwl wm mahse kan champion..

  28. @Lalhriata, nia ka hre tho mawle,.. ka hmanhmawh deuh avangin ka thil type sa ka copy-paste tawp vang a ni e. Ka siam tha vek tawh e. & Thankz 4 the feedback

  29. An va lawmpui awm tak em…EPL club ngei maiin Cup an han chawi chu. An chak chiah a ka rilru a awm hmasa ber chu, an chakna a bul tumtu te pahnih interim coach D Mateo leh Chhandamtu,LalDrogba-a te Future mawlh hi. Drogba’an an Boss/Owner Cup a chawi tir laite kha in lo hmu ve em? Min khawngaih la Chelsea ah kum2 contract min sign tir leh laaaa a ti tep in ka hria

  30. Ngaihnawm hle mai. Mahse, in report ziah thinah hian chhiar buaithlak deuh a awm thin. Entirnan: “74th a Drogba tih goal loh pawh a uihawm leh kher mai” han tih ang chi ah hian English style-a chhiar a ngai thin a. Chu ai chuan Mizo tawnga kan ziak rau rau anih chuan “Min. 74-na a Drogba tih goal loh..” tihte ni ta zawk se chhiar a nuam zawk ang. Thahnemngaihna liau liau……..

  31. Chelsea an lawmpuiawm hleee mai … Inkhel kha Bayern khan an thunun lutuk a, hmuhnawm tur angin a hmuhnawm loh. Drogba nge nge a ropui zel e. Chelsea hian an hnehloh an hneh thin ni ta berin ka hria …

  32. a va ngaihnawm emm.RDM chu nghet ngei se ka va tihpui em,drogba chhuak lo bawk se.chelsea ka lawmpui che u.english premier league chungnun zia in tilang chiang hle.

Leave a Reply

Or

2011-12 UCL CHAMPION CHELSEA : EUROPE AH LAL THAR A PIANG TA!

Matteo leh a sipai te chuan Munich kulh ropui chu su chim in khawvel awm tirh ata Chelsea in an la chawi ngai loh, mumang lamah pawh an la man ngai hauh loh, UEFA Champions leaque trophy chu an kut ngeiin an chawi ta! Dingdihlip chunga inkhel Chelsea hian Bayern Munich chu hun pangaiah 1-1 a in hnehtawk puiin penalty shot-out ah 4-3 in hnehna an chang ta a ni.

1st half : Goal lut lo inkhel hmuhnawm tak si chu…

Inkhel tan a ni a, beisei ang ngeiin Beyern lamin inkhel an thunun nghal. Bayern hi an taksa a tet deuh zawk avangin lei hrulah ball an in pe kual nasa hle a, mual neitu ten inkhelh nuam anti tan hle niin a lang. Chelsea players te a tir lamah an talbuai angreng hle a, mahse a tlar hnung inrem fuh lutuk erawh kha chu Chelsea fans tan chuan hmuh a nuam hle in a rinawm.

Min.21-naah Bayern chuan chance duhawm lutuk an hmu nghal a.  Arjen Robben chuan tha lutuk in goal ah a shot a, mahse Chelsea keeper Peter Cech chuan alo dan chhuah sak hlauh. Cech hian a dang chhuak zo lo teuh hle a, ball chuan ‘goal bar’ a per a, a chhuak hram a ni. Allianz Arena-ah Bayern fans ten goal tam tak hmuh an beisei ngei in a rinawm.

Chelsea an inthlahdah lo va, Bayern erawh an huangtau hle thung. Bayern tan Robben a langsar hle a, tin, dan pangai angin Kroos pawh kan hmu ngun leh khawp mai. Bayern chuan chances tha tak tak an ‘missed’ nual a, min.35-na a Robben a shot goal loh te; min.35-na a Ribery shot goal loh te, tin, min.36-na a Thomas Muller a shot goal loh te chu Bayern fans te tan chuan a uihawm duh hle in a rinawm.

An tih dan pangai ang bawkin Chelsea chuan counter attack an nei leh zauh zauh va.  min.37-na a Solomon Kalou-a shot Manuel Neuer-an a lo save chu a uihawm kher mai. Bayern lamin ball an chang tam leh deuhva, min.39-na a Mario Gomez-a tih goal loh chu a uihawm duh kher mai. Alianz Arena-a Chelsea fans te dawr a ip thei hle in a rinawm. Bayern tan an goal nawr khawl Robben leh Ribery ten an thawhhlawk hle a, tin, captain Philip Lahm pawh a langsar leh khawp mai. Min.42-ah Mario Gomez-a chuan mawi lutuk a ball in her leh puiin free chance-ah penalty-box chhung atangin goal kham a pet khum hlauh va, a vawi engmaw zat nan Chelsea dawr a ip leh ta.

Chelsea players te a ball chang tlem zawkah tang mahse an khel a chhe lova, mahse bayern khel erawh an phalo hret niin a lang. First half ah Bayern an chungnung tluan a, goal erawh an thun thei mai bik lo. Chelsea defence line a pherh lek lek thin a, mahse,Chelsea players te an thawkrim a, an fakawm thlawt.

2nd half : Drogba ‘The Hero’

Second half tan a ni a, inkhel ah danglamna engmaw tak a thlen ngei beiseiin Alianz Arena-a team pahnih fans ten thawm an nei tha hle. Bayern lam bawk ball chang tamtu anni leh a, mahse goal chances erawh an nei hlei thei bik lo. Min.49-na  a Kross-a shot tha lutuk chu Chelsea defender, David Luiza chuan   alo tauh chhuah sak hlauh. Chelsea an rawn khel tha chho ve tan a, mahse Bayern defence line an pal tlang zo meuh lo a tih theih. Min.51-na a Drogba shot goal loh te chu Chelsea chance neih awmchhun chu a ni deuh mai. Team pahnih te an innawr tawn zak zak a, khawvel a winger nawr na ber te zing ami, Robben chu a tal na leh hle a, mahse, khawvela defence line khauh ber pawl a an sawi thin, Chelsea defence line thiah chu thil awlsam tak a ni lo tih chu a lang reng mai.

Chelsea khel a mumal a, Bayern khel erawh a hlauhawm tel thung. Chelsea manager chuan a hmatawngah Drogba chauh a dah a, hei hian Bayern defender ho hna a ti tlem deuh niin a lang. Midfield-ah ball a tam a, team pahnih te an inchai tawk hle. Ball an in chan chhawk zak zak a, chances erawh an nei hlei thei lo ve ve. Min.74-na a Drogba tih goal loh pawh a uihawm leh kher mai.

Second half a tawp dawn meuh chuan Thomas Muller a rawn inlar tan ta! Min.78-na a a (Muller) shot goal loh te, Min.82-na a a ball tauh tha lutuk Peter Cech-an  a lo dan sak te chu Bayern fans tan chuan a uihawm duh viau ang le.  Inkhel kal hmang enin hun tawp lamah thil enge maw tak a thleng ngei dawn ani tih chu a hriat theih reng mai. Min.83-na a ni a, Captain Philip Lahm chuan veilam kil sir atangin ball tha zet a rawn vawr lut a, heihi changtu neilo Muller-a chuan ball chu kawh zet maia lei tauh perin a sawh ting leh chu khawvel goal keeper tha ber tih ngam, Peter Cech tan pawh a dan rual a ni lo. Ball chu a sir kilah tawh buai lohvin a lut a, 1-0 in Bayern in hma an hruai ta! Allianz Arena-a Bayern fans te an pawr ta kher mai. A sen a fawn vel a, a pawl an chim pil ta!

Bayern manager chuan defensive game khelh tumin goal thuntu Muller-a chu lachhuak in Van Buyten a luh tir. Chelsea manager pawhin an goal nawr a nat deuh beiseiin kalou lachhuakin Fernando Torres a rawn dah lut ve a. Chelsea an zam lova, tlawm an tum bawk hek lo. Anmahni tantu te an beidawn tawh hnuah pawh nasa takin an bei let a, a tawpah chuan a sen in a chim pil tawh rawng pawl chu Drogba-a goal ropui dangdai tak chuan a rawn lan chhuah tir leh ta! Min.88-na ah Chelsea chuan dinglam pangah corner an hmu a. Hei hi Juan Mata chuan pet in ‘The Goal Machine’ chuan mawi mangkhengin kil tha zetah a lo tauh lut a ni. 1-1 a ni a beiseina awm tawh lohna ruam atanga beiseina eng de ve ve thlir a, theih tawp chhuaha beitu Chelsea chu an him ta! Hun a tawp a, extra-time khel turin team pahnihte an in tha then.

Extra-Time : Cech ‘The Saviour’…

Extra-time khelh a ni a, game tan phat atangin Chelsea in an nawr nghal a, chances erawh an nei hlei theilo thung. Min.93-na a ni a, Drogba chuan penalty box chhungah Ribbery a tih thluk avangin Chelsea chu penalty chawi tir an ni. Bayern fans an phur a, Chelsea fans erawh an ngawi thuap mai. Bayern tan phur zetin Robben a rawn pen chhuak a, a club hlui Chelsea laka phuba lakna hun tha a nei ta! Robben chuan keeper veilam sirah kawh zet maiin a pet a, mahse Cech-a zuanna lam alo ni hlauh mai a, a goal zo ta lo. Bayern fans ten thawm an chhuah ngam ta lo!

Bayern tan lut thar Olic chu a rawn tal na ang reng khawp mai a, min.108 -naa a pet goal loh chu a uihawm duh kher mai. Min.112-na ah Gomez chuan goal a thun teuh leh kher mai. Chelsea defender te an fakawm thlawt a, tin, Bayern midfielder te pawh an khel tha kher mai. Hun pek belh a zo a, tie-break hmanga chak zawk zawn a ngai ta!

Penalty Shot-Out : Aw Ropui ber Didier Drogba!!!

Nomawi pakhat chiah a awm avangin a chawi tu tur pawh pakhat chiah an awm a ngai. Extra-time-ah pawh chak zawk an la awmloh cheu avangin penalty shot-out hmanga chak zawk zawn a ngai ta!

Bayern Munich tan Captain Philip Lahm a rawn ding chhuak a , Bayern tan a chhin hawn nan chiang zet in a rawn pet goal. Chelsea in an thiampuipa Juan Mata chu rawn tir chhuak ve in, awlsam takin dinglam kilah a pet a, a kil tha kher mai! Mahse, Neuer a kut ropui chuan alo dang hlauh mai! 1-0 in Bayern in bul an tan ta!

Bayern tan Mario Gomez a rawn pen chhuak leh a, chiang zet in a rawn pet goal leh. Khawvel a keeper tha ber pawl, Peter Cech pawh a hawihai chiang kher mai. Chelsea tan defender David Luiz a rawn pet chhuak ve leh a, a inringtawk bawk a, a pet goal chiang kher mai. 2-1 in Bayern in hma an la hruai.

Bayern tan rinloh deuh maiin an keeper, Manuel Neuer chu a rawn pen chhuak a. Keeper dinglam pangah pet in Cech chuan a nem chhuak hman lo chiah chiah a ni. Chelsea tan penlaty expert, Frank Lampard a rawn ding chhuak ve leh a, a ni pawhin a rawn pet goal chiang kher mai. 3-2 in Bayern in hma an la hruai.

A vawi 4 na’n Bayern tan Olic a rawn pen chhuak ve leh a, mahse khawvel a kut mawi ber tih ngam, Peter Cech –a chuan a lo dan per sak ve leh ta tlat mai! 3-2 ala ni a, Chelsea in beiseina duhawm tak an nei  ta! Chelsea tan defender Ashley Cole a rawn pen chhuak ve leh a, a rawn pet goal chiang kher mai. Tunah chuan 3-3 a ni ta!

Bayern tan Semi-final-a an chhandamtu lo ni tawh, Bastian Schweinsteiger bawk chu a rawn pen chhuak leh ta. Bastian chuan dinglam kil sirah a pet a, a kil tha kher mai. Mahse vanduaithlak takin goal ban a fuh hlauh mai! 3-3 a la ni cheu va, Chelsea tan hun duhawm tak a rawn her chhuak leh ta! Chu veleh Chelsea chuan mihrang, Didier Drogba chu an rawn tir chhuak nghal a.  A ni chuan chiang taka pet goal in Chelsea history a dai leh ngai tawh lo turin UCL trophy a rawn pet chhuak ta!!!

Chelsea fans thlabar leh mangang reng reng a inkhel en te tan HAHCHAWLHNA a rawn thlen ta! An thi a an tho leh ta a ni! Munich ah mai nilo London-ah thawm a tha hle a, Chelsea tan tu telawmna  mittui tla chu hruk hul theih a ni meuh lo!!! A vawi khat nan Chelsea UEFA Champions Leaque ah champion an ni a, Europe ah lal thar a piang ta!!!

Sawizuina : Chelsea hian champion an phu hle a, chutih rualin tunlai khawvela team tha ber tih ngam – Bayern Munich erawh an vanduai hle thung. Chelsea players-te an discipline a tha hle tih a lang chiang hle a, tin, Bayern players te class san zia pawh kan hmu nawn leh niin ka hria. Bayern hian an vanduai vang liau liau in cup an chawi thei lo ti ila kan sawi sual tamin ka ring lo. Chelsea fighting spirit tha lutuk kha Chelsea chakna hnar ber niin a lang.

‘Chelsea hian an vanneih vang liau liauvin UCL trophy hi an la a ni,’ kan ti mai thei. Mahse, hei erawh kan hriat a tha hle in ka hria : insualnaa a hnek tam zawktu leh hnek thelh tam zawktu nih ai chuan mahni a tul huna indang thiam leh hnek chhun a hnek fuh tam zawktu nih chu tu pawhin kan duh theuhvin ka ring. A hnek thal tu chu a vannei nge kan tih anga a thiam zawk?

Engpawh nise, Zofooty chuan UCL champion thar Chelsea FC fans-te thinlung takin kan lawmpui tak meuh meuh che u a ni tih min lo hriatsak dawn nia. Thil dang chu comment lamah kan sawi chhunzawm tawh mai dawn nia.

 

Posted in Rampawn.

Leave a Reply

Or