A chung ber nih inchuhnaah chak zawk awm lo

chanmari-fc-1-1-bethlehem-vtMizoram Premier League Round 9 inkhel vawi thumnaah table chung bera awm pahnih Bethlehem Vengthlang FC leh Chanmari FC te si khat ve ve inpein an inhnehtawk. November 4, Zirtawpni tlai inkhelah BVT tan player thar Lalnunmawia chuan hmahruaina goal a thun a, Chanmari tan a u Malsawmfela chuan a sut a ni. Chhum zing nasa tak hnuaia inkhelah hian BVT tlarhnung innghahna H. Lalhlimpuia chu man of the match atan thlan a ni.

Pakhatna inchuh
Table a pakhatna leh pahnihna inkhel hi beisei ang chiahin a boruak a tangin chak tum ve vein an innawr nghal a, BVT tan player thar Mawitea a tangkaiin PC Zosanga leh Lalrammuanpuia (Apuia) te nen Chanmari tlarhnung an tibuai thei hle. BVT tlarhnung lamah Lalhlima a tangkaiin a nghet bawk a, BVT-in bul an tan tha zawk niin a lang a, Chanmari lam an khel chhia tihna a ni chuang lo.

BVT lam hian goal an thun hmasa zawk a, mual dinglam atangin Lalrintluanga (Tuka) ball vawrh luh chu a lut hret niin lang mah se Chanmari keeper MS Dawngliana a tlak zeh hman loh avangin Mawitea’n a lu hmangin a khung. Ramhlun South tlangval hian Chanmari West an hneh tumin goal awmchhun a lo khung tawh bawk.

Goal a luh hnuah Chanmariin theihtawp chhuahin an nawr zui a, amaherawhchu, minute 39-naah chhum a zin nasat avangin inkhel tihtawp a ni a, minute 20 vel chawlh a nih hnuah khelh chhunzawm leh a ni.

Chanmari hian Sawmfela leh Mabiaa te hmangin chance tha hmu thin mah se Lalhlima leh Dinpuia te an nghet a, mual laiah R. Malsawmtluanga che tha lo deuh bawk nen sikhat faia hnu fum zawk nichungin chawlhlawk an hmang.

Chawlhlawk hnuah Chanmari lam bawkin an nawr na leh a, mah se minute ruk vel awrh an khel chauh tihah chhum zing vang bawkin chawlh a ni leh a, minute 20 bawr vel bawk chawlh a nih hnuah inkhel chhunzawm leh a ni.

Chanmari hian an nawr na hle a, Fela Zote chuan chance tha hmuin goal kham chung chiah chiahah a pet hlauh. A nawrtu zawk Chanmari a tawpah an vannei ta nge nge a, Sawmfela chuan tun season a a goal rukna thunin Laldampuia (Chanmari West) leh Michael Lalremruata (Dinthar FC) te nihrualin top scorer zingah a inhlangkai ve ta bawk.

Tihian, BVT hian point 20 hmu tawhin hma an la hruai chhunzawm zel a, pahnihnaa awm Chanmariin hmahruaitu an phak lohna hi point khat chauh a ni.

Enge hmabak?
Bethlehem VT hian November 10 tlai dar 3:00-ah Ramhlun North an hmachhawn dawn a, zan lamah Chanmari FC-in Chhinga Veng an hmachhawn thung ang.

ZoFooty Statistics
Bethlehem Vengthlang FC 1-1 Chanmari FC
BVT : Lalnunmawia 34′
CFC : Malsawmfela 90′
MoM: H. Lalhlimpuia, BVT FC
44% Ball Possession 56%
11 Shots 13
8 Shots 7
1 Yellow Cards 1
o Red Cards 0
Powered by Rainbow Multibrand Mobile Showroom.

Tute nge khel?
Bethlehem VT : Malsawmdawngzela, H. Lalhlimpuia, K. Lalmalsawma, Lalrammuanpuia, Hmingthanmawia, Laldinliana Varte, Zosangkima, Lalrintluanga, PC Zosangliana, PC Laldinpuia, Lalnunmawia.
Subs: Lalmuansanga, Lalhruaitluanga, B. Zothanmawia, Lalmawizuala, Samson Ramengmawia, Lalvenkima, Lalzatluanga.
Chanmari : MS Dawngliana, Lalrinchhana Tochhawng, Lalmuanawma, Thomas Lalengkima, C. Lalrosanga, R. Malsawmtluanga, Vanlalbiaa Chhangte, Lalruatfela Zote, Rochhingpuia, Malsawmfela, Lalrammawia.
Subs: Lalrinnunga Hnamte, F. Lalmuanawma, Umunnakwe Ugochukwu Godswill, Ramfangzauva, MS Dawngzela, Thasiama, Lalrinchhana, Lalmuanawma, Isak Vanlalruatkima.

Posted in Tualchhung and tagged , , , , .

Leave a Reply

Or