UCL atangin petchhuah anni a, manager an dem a, squad nei tha tawk lovah an puh.  Chumai ala ni lo, an players ṭhahnem tak an inhliam a, midfield a ruaka, captain armband pawh vice captain in a hrêng. Gameweek hmasa zawk a Gerrard-a pa in a preview na a, “Manchester United hi hun harsa aṭanga tal chhuah dan an thiam riau….” a tih kha a dik chiang ngei mai. Manchester United chuan Loftus Road ah mual neitu Queens Park Rangers chu 2-0 in an tlawm.

He game hi Manchester United tan game pawimawh tak a ni ang bawkin QPR lam tan pawh hi game pawimawh tak a ni ve tho. Manchester United chuan midfield awl hnawhkhah nan Phil Jones hmangin, United game thar an rawn chhawpchhuak. QPR hian an defence an khawng tawkloh zia an rawn ti lang leh a, Adel Taarabt game an ṭan tir loh kha an chhiatpui ta a ni.

1^st HALF : A SEN AN HLAUHAWM…

1 min : “Its Rooney score…….”

Inkhel an ṭan chiah a, min 1 pawh ala ni lo tihin Wayne Rooney chuan a lu in dinglam panga awm Valencia chu ball a pe a, Valencia chuan tlan luh puiin a kang in ball a vawrh chhova, chu chu  Rooney chuan free takin, dive chungin alo tauh lut a ni. He goal ah hi chuan QPR defender te position fuhloh zia kan hmu awm e.

1—30^th Mins: United an hlauhawm hle…

Tan tirh lamah QPR lamin nawr ve zeuh zeuh thin mahse, United lam goal nawr hian awmzia a nei hle a, lehlam lehlam ten counter attacking game an inkhelh chhawk zak zak a, a hmuhnawm kher mai. 27^th Mins ah Luiz Nani corner chhuih tha zet mai chu Danny Welbeck chuan tauh pial in Johny Evans chuan hnai set sawt aṭangin goal chungkham a head per! Hemi hnu hian United lamin an nawr chhunzawm zel a, 28^th Mins ah Rooney chuan midfield ah ball changin ball fing zet a sem chhuak a, chu chu Phil Jones chuan lo la in keeper chiah a awm tawh tih ah keeper a pet per. Midfield ah Jones leh Carrick an tangkai hle a, QPR player te ball an chhuhsak chak hle. 30^th Mins ah Nani chuan Rooney tan siam sakin goal ah a pet a, QPR keeper Radek Creny chuan alo dang per a, chumi kir lehlam chu Valencia chuan mar tha zet maiin alo pet leh a, chu pawh chu Creny hian alo dan per sak leh a ni. Cerny chetṭhat zan chu nilo se chu QPR lam hian goal an chhuah nual ngei ang.

31-43^rd Mins : QPR an inlar ve….

31 mins a nih chiah chuan QPR an rawn ṭhangharh ṭan ve a, counter attack an rawn bei ve ta zeuh zeuh a. 31 mins a Helguson a pet, United keeper De Gea lo save phei kha chu uihawm tak a ni. De Gea kher kher chu nilo se dan hman chi a ni hauh lo. Evra lam ah ball a chhuak hlauhawm teuh thei hle. QPR an ṭangkhawng a, United in nawr ve bawk thin mahse, goal hlauhawm an siam thei meuh tawh lo.

44- 46^th Mins : A sen bawk… Manchester United hlauhawmna ber a sir kil atanga nawr chu United lam chuan an rawn hmang chho leh tan ta a. Nani ball khawih a hmuhnawm tan hle. 44^th mins a United chuan an thu teuh leh hle a, a sir kil atanga ball lir lo kal chu United striker ten an nang hman lo hlauh a ni.

2^ND HALF : “ARGENTINE TAN CHAUH A NI LO,” – CARRICK OF ENGLAND

45-54^th mins : Goal hlauhawm a awmlo….

Second half hnuah inkhel hmuhnawm kan tih ang chi kha kan hmu tawh dawn lo emaw kan ti hman hial a, 54^th mins thleng chu goal hlauhawm a awmlo. QPR midfield an khel ṭha hle a, United lamin tihngaihna tak an hre bik lo. QPR in an nawr tam a, mahse United tlarhnung a phui tha hle. Ball possession an an in thlau lova United lam erawh in ball an chang tam mah zawk.

55^th mins : “its Michael Carrick. He did it!!”….

55^th mins a nih meuh chuan thlanlunga ziah chi hial khop a thil ropui a rawn thleng ta! Michael Carrick chuan united lam centre half atanga ball tlanluh puiin QPR midfielder leh defence tlan pel pheiin, Argentine Players ropui te chauh in an tih theih a kan lo ngaih ṭhin, solo goal turu tak a thun!! A ball khalh hrim hrim chu thu hran nise a finishing class lutuk kha a ropui khawp mai.

55-68^th mins : A sen bawk an hlauhawm leh….

2-0 a ni tawh a QPR tan chuan beisei a bo ṭan ta khop mai. United game a ṭha tual tual a, an goal nawr a na tulh tulh bawk. QPR lam hian nawr ve ṭhin bawk mahse, United midfielder leh defender an tan chuan duh aiin an hrawl mah mah thin. 61^st mins ah Danny Welbeck chuan veilam sir kil atangin goal ah a pet a QPR keeper in alo dang per hman hram. Hemi hnu lawk hian inhliam avanga kar thum dawnlai kan hmuh tawh loh Javier Hernandez chuan Welbeck rawn thlakin a rawn lut. 62^nd mins ah Rooney chuan a sir kil atangin ball tha zet mai a vawrh lut a, Phil Jones chuan a lu a lo tauhin goal ban a per hlauh!

65^th mins ah Adel Taarabt chuan Helguson thlakin, DJ Campbell chuan Wright-Philips a rawn thlak a, QPR game an rawn thlak danglam. QPR in nawr ve thin mahse goal hlauhawm an siamchhuak thei lova, 68^th mins ah Jones bawk chuan QPR goal ban a head per leh a ni.

69-76^th mins : QPR an harhchhuak….

Taarabt leh Campbell an rawn lut a chin QPR game in awmzia a rawn nei chho ve tan a, an attack a na tulh tulh a, United ṭan tute an dawr a îp ve thei hle. 74^th mins ah Taarabt chuan ball ṭha lutuk vawrh lutin changtu neilo DJ Campbell chuan Yard 4 vel lek atanga hla in a goal a head khum. He goal hi lût ngat se chuan inkhel tâwplam a hmuhnawm lehzual khawp ang.

77-93^rd mins : United an khawng…

Goal hnih nei United tan tṭn a nuam tawh aniang, an defence line a phui ṭha hle a, ball inchan chhawk zak zak thin mahse a tu lam lam mahin goal hlauhawm an siam meuh lo.

He hnehna hi Manchester tan a hlu hle a, Rooney-a goal thun theih a kal tluang leh dawn a ang hle a. Nani a form lai tak a ni a, a sen bawk hi hlauh tur annih leh hmel ta khawp mai!!

Lineups :

QPR – GK :Radek Cerny, DF: Gabbidon, Connolly, Traore, Young, MID: Faurlin, Barton, W.Philips (Campbell 65’), Mackie, FW: Bothroyd(Client Hill ), Helguson (Taarabt 65’)

Man United – GK: De Gea, DF: Evra, Ferdinand, Evans, Smalling, MID: Jones, Carrick, Nani (Young 87’), Valencia, FW: Rooney (Giggs 77’), Welbeck (Hernandez 61’)

Carrick goal