#ZoFooty
ATK-in semi final lut!
AFC CUP Group D match hnuhnung berah ATK Mohun Bagan-in point khat hlu tak hlawchhuakin Inter-zone play-off semi-final an lut a, Bengaluru FC erawhin inkhel awmze nei tawh lovah Maziya an sawp ve bawk.
ATK Mohun Bagan 1-1 Bashundhara Kings(FT)
Scorers
Bashundhara Kings : Jonathan Fernandes 28′
ATK : David Williams 62′
Red card : Sushanto Tripura 45′ (Bashundhara Kings)
Vawiin tlai dar 4:30-a Rasmee Dhandu Stadium, Maldives-a inkhelah hian Bangladesh Premier League champion Bashundhara Kings chuan Jonathan Fernandes hmangin goal an thun hmasa a, round sang zawk lut thei turin dinhmun țhaah an ding. Table hmahruaitu chauhvn Inter-zone play-off semi-final an luh dawn avangin Bashundhara Kings hian goal khat hi a tawk tih an hria.
Mahse Bashundhara Kings winger Sushanto Tripura chu red carad vangin hnawhchhuah a ni a, ATK Mohun Bagan chuan a tam zawk an nih hman țangkai tumin an nawr a, minute 62 naah an duh an hmu a, ATK Australian striker David Williams chuan an siphurh sutin 1-1 in an inhnehtawk.
Tihian ATK in point 7 hmuin table hmahruaitu an ni a, Inter-zone play-off semi-finals an lut. Bashundhara Kings erawhin point 5 hmuin pahnihna dinhmun an luah.
ATK Mohun Bagan hian September ni 22 hian Inter-zone play-off semi-final-ah Central Asia Zone champion an tum ang a, an chak anih chuan October ni 20 ah Inter-zone play-off final ah Hong Kong Premier League Club Lee Man FC an tum leh ang.
Maziya 2-6 Bengaluru FC (FT)
Scorers
BFC : Udanta Singh 6′, Cleiton Silva 19′, Leon Augstine 36′, Sivasakthi Narayan 70′, Bidyashagar Singh 85′ 90+2′
Maziya : Hamzath Mohamed 67′, Ahmad Abdullah 82′
Zanin dar 9:30-a inkhelah hian team pahnihten hian beisei tur na nei tawh lo bawk a, an game pawh a open khawp mai. Goal 7 lai lutin India team tha Bengaluru FC hian match hmasa bera ATK an hneh lo kha an tlak pui a tih theih.
Tihian, Bengaluru FC-in point 4 hmuin pathumna dinhmun an luah a,a thlengtu Maziya erawhin point an hmu ve ta lo a ni. AFC CUP Group D group match zawng zawng hi Dhivehi Premier League (Maldives League) champion Maziya chuan an thleng a ni.
