AFC IN AN HOME AH BENGALURU CHELH – Zosangliana Khawlhring

Aizawl FC 1-1 Bengaluru FC

Brandon VL Remdika 40′ – Sunil Chhetri 45′

Hero of the Match: Albino Gomes (AFC)

Tute nge khel?
Aizawl FC: Albino Geovanni Gomes, Lalramchullova, Kingsley Obumneme Eze, Zohmingliana Ralte, Lalruatthara, Ashutosh Mehta, Mahmoud Al Amna, Alfred Kemah Jaryan, Brandon VL Remdika, Jayesh Rane, Bayi Kamo Stephane
.
Subs: Zothanmawia, Lalrinzuala Khiangte, Jonathan Lalrawngbawla, Laltanpuia, Laldanmawia Ralte, H. Lalmuankima, William Lalnunfela
.
Bengaluru FC: Amrinder Singh, Harmanjot Singh Khabra, Sandesh Jhingan, Salam Ranjan Singh, Lalhmangaihsanga Ralte (Sena Ralte), Kumam Udanta Singh, Cameron Alexander John Watson, Eugeneson Lyngdoh, Lenny Rodrigues, Sunil Chhetri, Daniel Lalhlimpuia.
.
Subs: Arindam Bhattacharja, Keegan Pereira, Seiminlen Doungel, Alwyn George, Nishu Kumar, Chekiyot Kizhakkeveettil Vineeth, Mandar Rao Dessai.

Inkhelh tan atang game a rangin an in nawr tawn nghal zak zak a, minute 10 naah Kamo-a’n chance tha tak a nei a, mahse ball a la fuh tawk lo chu a uiawm duh hle a ni. Minute 25 naah Kamo bawkin mawi takin a la lut a, crossball tha tak nei in Rane’n goal ah a pet nghal a, Bengaluru defender ten an dang hman hlauh. Aizawl FC in game an thunun a, chance erawh an in siam thei bik lo.

Minute 32 naah Bengaluru goal keeper ball ben chhuah chu Amna’n goal ah a tauh a, goal ngei tur a ngaih hnuah ball in goal kham a fuh hlauh a, Aizawl FC an vanduai. Alfred-a goal shot tha tak pawh Bengaluru goalkeeper Amrinder Singh’n mawi takin a beng chhuak leh. Minute 39 naah Sunil Chhetri’n Chullova leh Zotea a bum hnuah goal ah shot nghalin goal zawnah a kal lo hlauh. AFC in nawr let nghal a, Ashutosh crossball fing tak chu buaina awm loin Brandon VL Remdika’n mawi takin goal ah a thun nghal. Minute 45 naah Sunil Chhetri’n mawi takin goal a thun ve nghal. Goal dang lut loin half time an hmang.

Second half tan a ni leh a, AFC an bet nghal. Minute 54 naah BFC in corner an hmuh chu Ruatthara’n a lo foul vangin penalty pek a ni a, Sunil Chhetri a rawn ding chhuak, mahse AFC goal keeper Albino Gomes’n mawitak in a lo dan sak. Minute 60 naah BFC in corner atang an head lut mahse BFC player dang ten AFC goalkeeper an nek buai avangin goal ah an pawm lo. BFC lam hian half chance an in siam hnem hle a, mahse Snnil Chhetri ball control fuh tawk loh avangin goal an thun belh thei lo. AFC in game ah an ngam lo tual tual a, goal venhim lam erawh an thawk tha viau.Minute 79 naah AFC in chance an neih chu Kamo’n goal ah a chantir thei lo. Goal thunna chance insiam loin 1-1 result nen an in tha then ta ni.

Ziaktu ngaihdan

AFC hian home match ah record thatak an nei a, chumi chu hre rengin Bengaluru lamin hma takah goal thun tumin an nawr nghal a, minute 10 chhung chu Bengaluru lamin inkhel an thunun hle a, an duh ang goal an thun mai loh avangin AFC in chance an in siam ve tan a, inkhel a hmuhnawm tak a ni. AFC lamah Kamo a tangkai lo leh hle a, player 10 a khel ang an ni a, AFC goal thun dan ang hi MPL lamah pawh kan entawn a, kan tih ve theih a hun tawh.

Bengaluru FC lam hian game rang tak a an nawr laiin AFC lamin goal an thun hmasa thung si a, BFC lam hian hre thiam nghal in game tampo an pawt dul nghal a, AFC lam tan khelh a har sawt a ni.AFC lam hian goal chance tha an in siam tam lova, chak lo zawk nih tum loin an khel a ni ber awm e. Hun tawp lamah an hmahmawh duh loh dan atang a hriat thiam theih viau. Mahni home a champion lai BFC draw hi result chhia ani lova, AFC tan result tha a ni.

Bengaluru lam tan chuan result tha a ni lova, champion thei tur a player nei tha leh sum seng hnem tan chuan chak ngei ngei an mamawh a ni.BFC lam hian penalty an thun loh hnuah an game a fuh thei lova, penalty dang tu AFC goalkeeper Gomes a fak awm hle a ni. Bengaluru in second half tan atang goal thun tum a an nawr hi a hmuhnawm a, coach tha enkawl tih a hriat theih.
AFC tan home ground a chak loh an la tawng lo hi champion theihna meichher la ti de reng tu chu a ni.