Aizawl FC-in vawiin tlai khan RG Stadium Mualpuiah Chennai City chu 2-0 in hneh a, I League nomawi humhim turin kawng a la inhawng. Mizo club tan hian Japanese forward Yugo Kobayashi leh David Lalrinmuana ten goal an khung a, Zemabawk North tlangval David hi Hero of the Match a thlan a ni.
AFC hian match sarih an khelh atangin point 13 an hmu a, Paulo Meneses-a hote hian parukna dinhmun chauh hauh pha mah se hmahruaitu Minerva Punjab chu point ruk chiahin an pha lo a, match khatin an khel tlem bawk.
Mizo club hian January 16, Thawhlehni hian pahnihna dinhmun hauhtu East Bengal an mikhual dawn a, inkhel pawmawh bik tiha chhal theih a ni ang. Kolkata club hian AFC aiin point ngain an hmu tam a, amaherawhchu Khalid Jamil-a hote hian match hnihin an khel tam thung.
Chak phu AFC
Aizawl FC-in minute 90 chhung inkhel an thunun a, ZoFooty statistics atanga thlirin Mizo club hian 77% ball possession an nei a, inkhelh banah pawh Chennai City coach V. Soundararajan-a’n mualneitu team chu chak an phu zawk thu a zep lo.
AFC hian Albert Zohmingmawia hmangin mual dinglam atangin an nawr na nghal a, amaherawhchu Kawnpui tlangval hian a tawp a khar fuh thei thin lo a, hei hi goal luh harna chhan a ni.
Inhliam vanga Mohun Bagan nena inlan lo David-a chu AFC midfield-ah a langsar a, goal hmasa ber luh theih nan a thawhhlawk bawk. Ball thiam David-a hian box pawnah Chennai City player-te a bum hnuin box chhung a thleng a, defender Veniamin Shumeiko-a’n dan a tumna lamah a kutin ball a per a , Aizawl FC penalty chu Yugo-a’n a pet goal.
Chennai City-in Shillong khaw vawtah khelh an harsat a, an che thei tawh lo. Aizawl lamah pawh a danglam chuang lo a, mikhual team tlarhnung pherh hmang tangkaiin David-a’n goal hnihna a khung. Mizo club tana thu lawmawm loh awmchhun chu hero of the match-a thlan David hi minute 59-naah lakchhuah a ni.
Aizawl FC-in goal hnih an khung hnuah harsatna an tawk lo a, vawiin inkhelah hian C. Lalrosanga chu a vawi khat nan I League-ah inkhel bul tantir mual vei lam sirah a khel tha hle. Hun tawp lamah bench atangin Rochharzela a rawn inlan a, Chhinga Veng rawlthar hian a thiamna phochhuah ngam phawt chuan khelhna hun a hmuh chhoh zel a beiseiawm.
ZoFooty Statistics
Aizawl FC 2-0 Chennai City FC (Full Time)
AFC : Yugo Kobayashi 26′ (P); David Lalrinmuana 32′
Hero Of The Match: David Lalrinmuana, Aizawl FC
77% Ball Possession 23%
10 (5) Shots 8 (4)
477 (378) Pass (Completed) 324 (244)
10 Fouls 11
7 Offsides 2
6 Corner Kick 1
0 Yellow Cards 1
0 Red Cards 0
Powered by Darchiauva Hardware.
cialis on line
cialis from india
Levitra vs cialis
Price of cialis in canada