AFC U-22 Qualifiers : Didika leh Jeje-a goal hmangin India-in Turkmenistan an sawp!

AFC U-22 Qualifiers pawh tluang takin khelh chhoh zel a ni a. Nimin tlai (30th July) khan India chuan an match li-na Sultan Qaboos Stadium Muscat-ah an khel a, 4-1 ngawtin Turkmenistan an hneh a. India tan hian Lalrindika Ralte, Alwyn George, Romeo Fernandes leh Jeje Lalpekhlua te’n an pet goal a ni. July ni 3-ah an match hnuhnung ber an khel ang a, a thlengtu ram Oman an tum ang.

Inkhelh hma chanchin
Group khat atang pahnih chiah an lut dawn a. India hi an chak chuan luhna chance an la nei a mahse midang chak leh chak lovah an innghat tel tho bawk a. Chuvang chuan an chak ngei ngei a ngai a ni.

UAE an draw tuma goal awmchhun thuntu Romeo Fernandes chu a start a. Jeje-a erawh Coach-in a la start tir ngam lo thung. Tin, playmaker Alwyn paw’n a khel ve leh tawh a ni.

Tute nge khel?
Goalkeeper : Gurpreet Singh Sandhu (Captain)
Defenders : Vishal Kumar, Deepak Devrani, Souvik Ghosh, Narayan Das
Midfielders : Ganeshan (Tirthankar Sarkar – 63), Milan Singh, Lalrindika Ralte, Romeo Fernandes (Abhishek Das – 82), Alwyn George
Striker : Manandeep Singh (Jeje Lalpekhlua – 69)

First half-ah goal khat phawt
India hian inkhelh tantirh atang an nawr a. Midfield-ah Didika, Alwyn leh Milan Singh te’n ro an rel nghal a. Mahse goal erawh an thun thei mai bik lova.  Minute 36-ah super-sub Romeo chu Turkmenistan defender Komekov Hemayat chuan penalty box chhungah a titlu a. India hian penalty an hmu a. India ‘dead ball specialist’ Didika a rawn pen chhuak a. Keeper dive loh lamah a rawn pet a, a goal chiang kher mai. Hemi hnu lawk hian Alwyn George chuan chance tha zet a nei a mahse a pet goal lo hlauh a ni. Goal dang a luh belh lova, half time a ni zui a.

Second half-ah goal a sur !
Turkmenistan lam hian bul an rawn tan tha a.  Minute 8 chhung vel chu India hi a bet zawkah an tang a. Mahse goal an thun thei lo hlauh a ni. Hemi hnu hi chuan India bawkin game an thunun leh a. Didika leh Alwyn te bawk midfield-ah kan hmu tam leh a. India hian Romeo leh Manandeep Singh-a hmangin tih goal-na chance an nei a mahse an pet goal lo hlauh a ni.

Turkmenistan lam zawk hian rin loh tak maiin minute 59 naah Italmazov Farhad hmangin an rawn ti goal a. Mi tam tak chuan hei hian Indian players te chu ‘pressure’ a siam sak an ring a. An khelhchhiat phah an ring a ni. Mahse Indian players te hi an chiai awzawng lo mai, an khelhthat phah zawk a ni. Turkmenistan hian an chhaihkawlh a ni ber.

Minute 69 naah playmaker Alwyn George chuan a rawn pet goal a. Hei hian Indian players te a tiphur thar a. Jeje-a a lut bawk a. India hian an nawr chhunzawm zel a ni. Alwyn George vanneih zan phei chu ni se, ‘hattrick’ siamna chance a nei a ni. Romeo Fernandes chuan minute 76 naah a rawn ti goal veleh bawk a. Minute 86 naah Jeje-a chu penalty box-ah an titlu hlauh a, referee-in penalty a pe a. Jeje-a vek hian petin a pet goal a ni. Goal dang a luh belh tawh lova, India hi 4-1 in an chak ta a ni.

Sawi zui ang 

  • Tunah hian India hian point 7 hmuin pathumna dinhmun an hauh mek a. An chungah hian Iraq leh UAE awmin anni pahnih hian point 10 ve ve an hmu thung a ni.
  • India la qualify theih dan : Last match ah hian India leh Oman an intum dawn a. Iraq leh UAE an intum thung ang. India leh Iraq hi an chak chuan an lut ve ve dawn a ni. Head to head ni lovin Goal Difference zawk an en ang.
  • Coach Papas chuan Shyju Mon aiah Romeo Fernandes a luhtir a, a tifuh khawp mai. A zawnin goal hnih a thun tawh a ni.
  • India defender Vishal Kumar hi throw specialist niin ‘India Rory Delap’ ti an awm nawk.
  • Double yellow card vangin defender Narayan Das leh midfielder Tirthankar Sarkar chuan last match an khel ve lovang.
  • India top scorer chu Alwyn George niin match 4 ah goal 4 a thun a ni.
  • India tana tun tournament-a goal thun tawhte : George Alwyn – 4, Jeje Lalpekhlua – 3, Romeo Fernandes – 2, Manandeep Singh – 1, Lalrindika Ralte – 1

Enge an sawi?

  • ZoFooty chuan Didika leh Jeje-a kan be fuh leh hlauh a. Didika chuan “Min lo tawngtaipui thin avang chauhva chak kan ni a. Kan thian dunin kan pet goal ve ve lehnghal a, ka lawm takzet a ni. Kan last match hi final ang deuh thaw a ni a. Chak ngei ngei kan mamawh a. Chuvang chuan min lo tawngtaipui chhunzawm leh turin Mizo mipui zawng zawng ka ngen a ni” tiin ZoFooty a hrilh.
  • Jeje-a chuan “ Kan chak hi a lawmawm khawp mai. Duh angin ka la damchiang lova mahse heti chunga ka pet goal thei hi ka lawm a ni. Tin, min lo tawngtaipui chhunzawm zel turin Mizo mipuite ka chah duh bawk a ni” tiin ZoFooty a hrilh.

Table

18 thoughts on “AFC U-22 Qualifiers : Didika leh Jeje-a goal hmangin India-in Turkmenistan an sawp!

  1. Pingback: cialis professional

  2. Pingback: order cialis online

  3. Pingback: viagra in usa

  4. David Pachuau

    Post chhiar a manhla thei lutuk. Bharat chak chanchin chhiar a nuam thin ngei mai, chak leh mawlh rawh se. Hamara Desh, Bharat hi tlang hram teh se.

  5. TuaiSialA

    Hriat a nuam thin mang e. India chet that vanglai a ni bawk a, Oman chu an hneh ngei ka beisei. Iraq chu chak turah ngai tawp mai teh ang.

  6. teteapachuau

    ni eee,messi pet goal thu ziah ai chuan jeje / dika te pet goal ziah chu anuam lo theilo…..oman hneh ngei turin duhsakna ka hlan a che uuuu…jeje,didika

  7. john

    ^ like. han qualify ve hlauh se ava tha ve, vai ho pawh an phur ve hlom khawp ania, tuna india u22 team hi aiff hian tha deuhin enkawl roh se, senior team aiin an tha zok

  8. Lalthanzama Vanchhawng Post author

    @bmafanai : iti lawmawm e. Tualchhung leh ramchhung football promote alawm kan tum ber. Messi pet goal thu ziah ai chuan Didika leh Jejea pet goal thu ziah hi nuam ka ti zawk 🙂

  9. Bmafanai

    Va updat hma/tlai ve, Zama, i thawrimnaah ka fak a che. I zarah Mizo player chhuanawm pahnih chanchin kan lo hriat phah ve thei a. Good post.

  10. bawmrang

    Oman hi India in hneh mah se Irag leh UAE hi an in khelh that duh ka ring der lo.An inhnehtawk ang ka ring tlat. Chuan India an tla ang.

  11. Cleverley VRT

    An va han lawmpui awm ve, Oman chu kan hneh ngei beisei ang, kan lo tawngtai pui zel ang che u, PATHIAN hian thil a ti thei khawp ania.

  12. Lalthanzama Vanchhawng Post author

    @bethela : an live lo mahse live commentary te hi a awm a. Tin, Indian football forum etc ah hian an update thin a, ka chang char char mai. Tin, Jeje-a leh Didika hian inkhelh zawh velah min rawn hrilh thin bawk a.

  13. MIZO

    Didika leh Jejea an va chhuanawm thin em.. Mizo nih tinuamtu in ni e. Oman nen in inkhelh hunah pawh pet goal leh ngei ang che u. Duhsakna ka hlan a che u.

  14. bethela

    An va lawmpui awm em! Chak zel tur leh qualified ngei tur in duhsakna sang ber ka hlan mawlh mawlh e. An inkhel hi eng channel ah nge an pek min han hrilh ve teh u! Kan en ve chak thin a nia.

  15. bethela

    An inkhel hi eng channel ah nge an pek min han hrilh ve teh u! Kan en ve chak thin a nia.

Leave a Reply

AFC U-22 Qualifiers : Didika leh Jeje-a goal hmangin India-in Turkmenistan an sawp!

AFC U-22 Qualifiers pawh tluang takin khelh chhoh zel a ni a. Nimin tlai (30th July) khan India chuan an match li-na Sultan Qaboos Stadium Muscat-ah an khel a, 4-1 ngawtin Turkmenistan an hneh a. India tan hian Lalrindika Ralte, Alwyn George, Romeo Fernandes leh Jeje Lalpekhlua te’n an pet goal a ni. July ni 3-ah an match hnuhnung ber an khel ang a, a thlengtu ram Oman an tum ang.

Inkhelh hma chanchin

Group khat atang pahnih chiah an lut dawn a. India hi an chak chuan luhna chance an la nei a mahse midang chak leh chak lovah an innghat tel tho bawk a. Chuvang chuan an chak ngei ngei a ngai a ni.

UAE an draw tuma goal awmchhun thuntu Romeo Fernandes chu a start a. Jeje-a erawh Coach-in a la start tir ngam lo thung. Tin, playmaker Alwyn paw’n a khel ve leh tawh a ni.

Tute nge khel?

Goalkeeper : Gurpreet Singh Sandhu (Captain)

Defenders : Vishal Kumar, Deepak Devrani, Souvik Ghosh, Narayan Das

Midfielders : Ganeshan (Tirthankar Sarkar – 63), Milan Singh, Lalrindika Ralte, Romeo Fernandes (Abhishek Das – 82), Alwyn George

Striker : Manandeep Singh (Jeje Lalpekhlua – 69)

First half-ah goal khat phawt

India hian inkhelh tantirh atang an nawr a. Midfield-ah Didika, Alwyn leh Milan Singh te’n ro an rel nghal a. Mahse goal erawh an thun thei mai bik lova.  Minute 36-ah super-sub Romeo chu Turkmenistan defender Komekov Hemayat chuan penalty box chhungah a titlu a. India hian penalty an hmu a. India ‘dead ball specialist’ Didika a rawn pen chhuak a. Keeper dive loh lamah a rawn pet a, a goal chiang kher mai. Hemi hnu lawk hian Alwyn George chuan chance tha zet a nei a mahse a pet goal lo hlauh a ni. Goal dang a luh belh lova, half time a ni zui a.

Second half-ah goal a sur !

Turkmenistan lam hian bul an rawn tan tha a.  Minute 8 chhung vel chu India hi a bet zawkah an tang a. Mahse goal an thun thei lo hlauh a ni. Hemi hnu hi chuan India bawkin game an thunun leh a. Didika leh Alwyn te bawk midfield-ah kan hmu tam leh a. India hian Romeo leh Manandeep Singh-a hmangin tih goal-na chance an nei a mahse an pet goal lo hlauh a ni.

Turkmenistan lam zawk hian rin loh tak maiin minute 59 naah Italmazov Farhad hmangin an rawn ti goal a. Mi tam tak chuan hei hian Indian players te chu ‘pressure’ a siam sak an ring a. An khelhchhiat phah an ring a ni. Mahse Indian players te hi an chiai awzawng lo mai, an khelhthat phah zawk a ni. Turkmenistan hian an chhaihkawlh a ni ber.

Minute 69 naah playmaker Alwyn George chuan a rawn pet goal a. Hei hian Indian players te a tiphur thar a. Jeje-a a lut bawk a. India hian an nawr chhunzawm zel a ni. Alwyn George vanneih zan phei chu ni se, ‘hattrick’ siamna chance a nei a ni. Romeo Fernandes chuan minute 76 naah a rawn ti goal veleh bawk a. Minute 86 naah Jeje-a chu penalty box-ah an titlu hlauh a, referee-in penalty a pe a. Jeje-a vek hian petin a pet goal a ni. Goal dang a luh belh tawh lova, India hi 4-1 in an chak ta a ni.

Sawi zui ang 

  • Tunah hian India hian point 7 hmuin pathumna dinhmun an hauh mek a. An chungah hian Iraq leh UAE awmin anni pahnih hian point 10 ve ve an hmu thung a ni.
  • India la qualify theih dan : Last match ah hian India leh Oman an intum dawn a. Iraq leh UAE an intum thung ang. India leh Iraq hi an chak chuan an lut ve ve dawn a ni. Head to head ni lovin Goal Difference zawk an en ang.
  • Coach Papas chuan Shyju Mon aiah Romeo Fernandes a luhtir a, a tifuh khawp mai. A zawnin goal hnih a thun tawh a ni.
  • India defender Vishal Kumar hi throw specialist niin ‘India Rory Delap’ ti an awm nawk.
  • Double yellow card vangin defender Narayan Das leh midfielder Tirthankar Sarkar chuan last match an khel ve lovang.
  • India top scorer chu Alwyn George niin match 4 ah goal 4 a thun a ni.
  • India tana tun tournament-a goal thun tawhte : George Alwyn – 4, Jeje Lalpekhlua – 3, Romeo Fernandes – 2, Manandeep Singh – 1, Lalrindika Ralte – 1

Enge an sawi?

  • ZoFooty chuan Didika leh Jeje-a kan be fuh leh hlauh a. Didika chuan “Min lo tawngtaipui thin avang chauhva chak kan ni a. Kan thian dunin kan pet goal ve ve lehnghal a, ka lawm takzet a ni. Kan last match hi final ang deuh thaw a ni a. Chak ngei ngei kan mamawh a. Chuvang chuan min lo tawngtaipui chhunzawm leh turin Mizo mipui zawng zawng ka ngen a ni” tiin ZoFooty a hrilh.
  • Jeje-a chuan “ Kan chak hi a lawmawm khawp mai. Duh angin ka la damchiang lova mahse heti chunga ka pet goal thei hi ka lawm a ni. Tin, min lo tawngtaipui chhunzawm zel turin Mizo mipuite ka chah duh bawk a ni” tiin ZoFooty a hrilh.

Table

Leave a Reply