India U-22 chanchin hi kan ziak zing tawh a. Kan la ziak zel bawk ang. Ramchhung leh tualchhung football promote hi kan tum ber a ni tlat. Vawiin tlai dar 6:30 khan India U-22 team chuan AFC U-22 Qualifiers an khel ta nge nge a. An match hmasa berah hian Lebanon an tum a, 5-2 ngawtin an sawp a ni. India tan hian Jeje Lalpekhlua leh Alwyn George chuan goal 2 ve ve an thun a, Manandeep Singh chuan goal 1 a thun ve bawk. Thawtanniah Iraq an tum leh ang.
India team hi an tang a. Bangalore, Delhi leh Dubai-ah te prepatory camp an nei a. Bangalore-a an camp chanchin phei chu part IX thlengin kan chhuah anih kha. Austrialian coach ‘Arthur Papas’ an la bawk a,tan tak meuh meuhvn an tang a ni.
Tute nge khel?
Keeper : Gurpreet Singh Sandhu (East Bengal)
Defenders : Abhishek Das (Kingfisher East Bengal), Souvik Ghosh (Pailan Arrows), Deepak Devrani (Pailan Arrows), Narayan Das (Tata Football Academy)
Midfielders : Ganeshan – Pune FC (65’ – Pronoy Halder , Pailan Arrows), Ognam Milan Singh (Pailan Arrows), Alwyn George (Pailan Arrows), Shyju Mon (Chirag Kerala), Lalrindika Ralte (Churchill Brothers),
Stiker : Manandeep Singh – Air India (56’ – Jeje Lalpekhlua, Pune FC)
Jeje- chu 100% fit anih loh avangin coach chuan captain ni mah se, a start tir ngam lova. A aiah striker pasang leh FPAI Young Player of the Year nilai Manandeep Singh a start tir a. Didika erawh a start a, left wing-ah a khel a ni.
India hian Euro 12-ah pawha an formation hman uar em em, 4-2-3-1 formation an hmang a. Manandeep singh chu lone striker-in a khel a. A sir atang Didika leh Shyju Mon te’n an nawr pui a. A laiah Alywn George awmin a hnungah hian Ganeshan leh Manipuri Milan Singh te an awm thung a ni. Defence laiah hian Pailan Arrows defender Souvik Ghosh leh Deepak Devrani te an awm a. Left back-ah Tata Academy rawlthar Narayan Das a awm a. Right back-ah hian Abhishek Das a awm a. Captain Gurpreet Singh chuan goal a veng thung a ni.
First half-ah goal hnih phawt
India hian bul an tan tha a. Coach duh ang leh game plan thar angin ground ball-in an khel a. Lebanon an nawr bet nghal a ni. Minute 16 naah India hian corner an hmu a. Corner hi pet nghal lovin Alwyn George leh Didika’n awm ze nei takin ball an play phawt a. Didika chuan ball tha zetin a cross lut a, striker pasang Manandeep Singh chuan a lo head goal a. He goal hi a mawiin a ‘class’ a sang hle a ni. Assist tu Didika a fakawm. Minute 39-ah midfielder thawkrim Alwyn chuan a pet goal leh a. India hian 2-0 in hma an hruai der a ni. First half-ah hi chuan India hian game an thunun hneh hle a. Goal dang a luh belh lova, Half time a ni zui a.
Second half-ah goal 5 a lut
Goal lut zat en hian game hmuhnawm tak a ni tih chu thilchiang a ni. India hian first half-ah goal hnih an thun tawh avangin Coach chuan fimkhur hle turin a naute a fuih a. Second half an tan chiah tih hian Lebanon lamin an rawn nawr nghal a. Minute 48-ah Omar Kurdi hmangin an rawn ti goal ve a. Lebanon lam hi an phur thar a. India an bet tan a. Mahse Coach Papas chuan a naute chu zam lo tur leh tang turin a fuih ve reng a.
India game thar ground ball-a khelh hi an thatpui a, an game paw’n awmzia a nei thui khawp mai. Mahse a chang chuan players te hian in adjust har an la ti hle thung a ni. Minute 55-ah Alywin George bawk hian a ti goal leh a. India chu dinhmun thaah a rawn dintir a. Coach chuan Manandeep Singh lachhuakin Jeje-a a luh tir a, a tifuh khawp mai. India hian an tawngpawng nawr duh lova, awmze nei takin game an khel a. An tifuh reng a ni.
Minute 70-ah Abdul Fattah chuan Lebanon tan a rawn ti goal veleh a. India fans te an zam deuh a. Mahse inkhelh an tan leh deuh chiah tihin Didika chuan halfway line (centre tihna) atang Jeje-a tan ball tha zet a vawrh lut a. Jeje-a chuan chiang zetin a lo pet goal a ni. Thawm ava tha kher em !
India hi an bet deuh hlek zawk a mahse game plan mumal tak an nei a. A chak zawk an la nih avangin an nawr pup pup duh lo a ni. Counter attack-ah erawh an hlauhawm thei hle. Didika chuan pet goal theihna chance tha zet a nei a mahse goal ban a pet per hlauh a ni. Hun tawp dawnah Jeje-a chuan a pet goal leh bawk a. 5-2 in India U-22 an chak ta a ni.
Enge an sawi?
ZoFooty chuan Didika leh Jeje-a kan be fuh thei hlauhva. Jeje-a chuan heti hian ZoFooty a hrilh. “Kan chak thei hi a lawmawm ka ti a. Abikin goal hnih ngawt ka thun thei hi ka lawm tak zet zet a ni. Achhanchu January-a ka inhliam atang khan competitive match-ah goal ka la thun leh lova, ka vawikhat thun lehna a ni a. Ka tan chuan a ‘special’ hle a ni. Tin, Mizo mipui te’n min tawngtaipui naah lawmthu ka sawi duh a. Min tawngtaipui chhunzawm zel turin ka chah duh bawk che u ni. Vawiinah ka pet goal theihna pawh hi min tawngtaipui vang liau liau a ni” tiin a sawi.
Didika paw’n “Kan match hmasa bera kan chak theih avang hian a lawmawm ka ti a. Hei hian phurna nasa tak min pe a ni. Tin, Mizo mipui te’n min lo tawngtaipui tih ka hriatin ka lawm hle a. Min lo tawngtaipui chhunzawm leh turin ka chah che u a. Monday-a kan tum tur Iraq phei hi chu kan pool-a tha ber tihngam an ni a. Tha tak leh huaisen taka kan khelh theih nan min lo tawngtaipui dawn nia.” tiin ZoFooty a hrilh a ni.
Sawi zui ang
* Zawhna tam ber chu “Tinge Jeje-a a start loh?” tih a ni. Jeje-a hi a khup a nat avangin 100% in a la fit lova. Hei vang hian coach hian a risk ngam lo a ni. Manandeep Singh hi duh zawk se Jeje-a hi India Captain a ni kher lovang. Team doctor te chuan full time khelh an la phal loh vanga khel lo a ni.
* Vawiin India chak hi a ‘special’ na em em chu All India Football Federation (AIFF) din champha vawi 75-na anih vang a ni. 1937 khan AIFF hi Shimla-ah din a ni.
* India hian coach thar hnuaiah khelhdan style thar ‘ground ball’ an hmang a. Hei hi a that rualin players tam tak an la in adjust mumal thei lova. Tun atanga kum khat hnuah chuan kan thatpui viau a rinawm.
* Set piece-ah India pawh an hlauhawm tan a, Didika cross Manandeep Singh-a head goal te kha world class goal a tih ngam a ni. A goal mawi piah lamah Didika leh Alywin George in pass kual khan goal kha a ti class lehzual a ni.
* India hi match hmasa ber an chak avangin an tha ta thut e tihna a ni lo. A khelhah pawh an inhnehtawk lutuk. Second half pumpui phei chu an bet zawk a ni. Mahse an “tactical discipline” that vanga chak an ni a tih theih.
* Thawhtan hian an group-a tha ber tih theih Iraq an tum dawn a. An chak a rinawm em em loh. Mahse India team hi Coach thar hnuaiah hian an phur thar em em a. An “tactical discipline” tha lutuk hi an chak pui leh thei tlat. An tangrual a, an taima bawk a. Jeje-a leh Didika paw’n “keiin aiin an tha zawk a mahse kan fight ang a, hneh kan tum dawn a ni. Mi chuan kan chak an ring lo mahse chak tumin kan khel ang” an ti bawk a ni.
* India team-a Mizo te hi a hminga tel ve mai an ni lo. Jeje-a hi captain niin minute 34 chiah khel chungin goal 2 a thun a. Tin, Didika hian goal 2 assist-in vawikhat goal post a pet per a ni.
* India striker Manandeep Singh chu nithum kalta khan a pu in a boral san a. A tuar hle a. Vawiina a goal thun pawh kha a pu tan a hlan a ni. Inkhelh zawh hnu paw’n dressing room-ah a mittui a tla hial a ni. “ Ka pu khan min duat a, min hmangaih a, ka zah em em a ni” tiin a sawi.
* India team hi an discipline a tha hle a. Chaw ei dawn reng reng paw’n tlai an awm chuan players mai ni lovin Assitant coach thlengin hrem an ni tho a ni.
* AFC U-22 Qualifiers hi live a ni lova mahse live commentary chu a awm thung.
cialis online canada
prices of cialis
viagra without prescription
Sales viagra
A van nuam thin em, full time khel lo chung pawhin goal 2 ala thun hman tho chu niah.
Tha thin e.
mizo nih a nuam e
Good post.
Chak chho zel rawh se… Good Post…
Mizo nih avan nuam thin tak em..didika leh jeje ka lawmpui takzet…chuan,Jeje hi Chelsea Fan ani tih kansawilang leh mai2☻..
Mizo tlangvalte in va fakawm ve le. India tan mai piah lamah Mizoram tan inkhel tih lo hre nawn zel teh u. Hamara desh hi AFC U -22 han pet tlin pui mawlh teh u.
Jeje-a leh Didika te ka lawmpui a,ka chhuang tak2 che u. Thawhtanah pawh inhneh ngei ka ring tlat a nia. Post tupa ka pawh hi a chhuanawm thin khawp mai.
India chakah pawh Mizo player ngei goal thun hi, Mizote tana India result duhthusam a ni e. Jeje a chhuanawm khawp mai.
Avaropui em..!.Kan mizo playerte an chetthat thu hanchhiar chang hi chuan arukin kan nui ver2 mai alawm le..Irag pawh chu han hneh leh hlauh sela aw..
Zofooty zarah Local leh national football pawh ka tuichho ve ta riau mai..kan mizo player te chetthat vang pawh anipakhat ang a,.zofooty nge2 tangzel teh u..
Ka lo chang char2.ngaihnawm thei ltk,mizo ngei captain na hnuai ah an chak a,cubak ah anla khel tha em2 zui,an chhuan awm tak zet2 e.