AFC U-22 Qualifiers : Iraq 2-1 India

AFC U-22 Championship Qualifiers khel mekah India chuan an match hnihna nizan dar 9:15 khan an khel a, 2-1 in Iraq an hneh lova. India goal awmchhun hi Alywn George-a thun a ni a. Ningani tlai hian United Arab Emirates (UAE) an tum leh ang.

Inkhelh hma chanchin
India Coach Arthur Papas chuan Lebanon an hneh tuma a squad hman a siksawi nual a. Team tha zawk Iraq an tum dawn avangin 100% fit lo Jeje Lalpekhlua chu a risk a. Manandeep Singh nen inkawpin 4-3-1-2 formation a hmang a ni.

Abhishek Das, Deepak Devrani, Ganeshan leh Shyju Mon te chu bench-ah an thu a. Vishal Kumar, Prathamesh Maulingkar, Pranoy Haldar leh Jeje-a te’n an start thung a ni.

India hian team tha zawk tum mah se chak an tum hle a. Mi tam takin Jeje-a a start avangin Manandeep Singh chu bench-ah a thuttir an ring a mahse Coach Papas chuan huaisen takin attacking game a khelhtir a. A laiah a inhnawh tir deuh a. Didika pawh alai deuhvah an awm tir a ni. Jeje-a leh Manandeep Singh hmangin a sir atangin an nawr thung a. An game a zirin Jeje-a zawk hi lone striker anga khel tura tih a ni a.

Inkhelh hma hian ZoFooty chuan India Captain Jeje-a kan be fuh thei hlauh mai a. “Duh angin ka la fit tawk lova, full-time khelh chu a chakawm rualin ala huphurhawm khawp mai. Min lo tawngtaipui ula, Pathian zarah full-time khelh theih hram ka duh a ni” tiin a sawi a.

Team lineups
Keeper : Gurpreet Singh Sandhu
Defenders : Vishal Kumar Souvik Ghosh, Prathamesh Maulingkar, Narayan Das
Midfielders : Pronoy Halder (58’Ganeshan), Ognam Milan Singh (83’ Romeo), Alwyn George, Lalrindika Ralte
Strikers : Manandeep Singh, Jeje Lalpekhlua (Captain) – (38’ Hoicharan Narzary)

Pic : India U-22 ; Courtesy : Indian Football Network

First-ah India-in si khat an phur a, Jeje-a inhliam bawk
India hi a tir atang an fimkhur hle a. An ‘tactical discipline’ tha tak chu hmachhuanin mumal takin game an khel a. Team tha zawk Iraq lam hian an nawr angreng khawp a. Minute 35 naah Jawad Kadhim chuan India defender Vishal Kumar bumin ball cross tha tak a cross lut a, Captain Ali Mohammed Alialah chuan a lo head goal a. Iraq-in hma an hruai a.

Hemi hnu lawk hian India manganna belhchhan turin 100% fit lo Team Captain Jeje-a chu a inhliam leh deuh avangin thlak a ngai zui a. Pailan Arrows striker Holicharan Narzary chuan minute 38 naah a rawn thlak a.

Holicharan Narzary hian a first touch-ah chance a rawn nei nghal a mahse a head out hlauh a ni. Manandeep Singh paw’n first half tawp dawn tepah chance a nei a mahse Iraq defender chuan a lo dang out hman hlauh a ni. Goal dang a luh belh lova. Half time a ni zui a.

Second half-ah India in ro an rel mahse….
Second half-ah pawh hian Iraq bawk hian bul an tan tha leh a, minute 4 a liam awrh chauh tihin Ammar Abdul Hussein chuan Iraq tan a rawn ti goal leh a. India tan beisei a chau tawh hle a ni. Mahse Coach thar hnuaiah India hian harhtharna an chang a. Chiai lovin an nawr a. Mumal takin game an khelh chhunzawm zel a.

Midfield-ah India lamin ro an rel tan a. India tan hian midfielder pahnih Alwyn George leh Didika bawk an tangkai leh hle a. Minute 69 naah Didika shot tha tak chu Iraq keeper chuan a lo dang corner thei hram a, a goal teuh hle a ni. Hemi hnu lawk hian Didika vek hian free-kick a pet leh a mahse wall a pet per hlauh a ni.

Hun tawp dawn minute 20 chhung hi chuan rin phak bakin India players te hian an khel tha a. Iraq an nawr bet a, half chance pawh an nei zeuh zeuh a ni. Team tha zawka ngaih Iraq an chiai tan a, India lamin an nawr na tawlh tawlh a. Minute 82 naah India lam hian goal an thun ve ta nge nge a. Goal thuntu hi tudang ni lovin first match pawha goal 2 thun tawhtu Alywn George bawk a ni.

He Kanpur tlangval Alywn George hi kum 20 mi niin Tata Football Academy (TFA) chhuak a ni a. TFA-a kum 4 zet a awm hnuah kumin February khan Pailan Arrows a zawm a. Junior player zinga ‘promising’ ber pawl a ni.

Iraq lam hian ball an ‘delay’ nasa hle a. Ball an in pass kual a, tul lo tak takin an foul a, game mumal pawh an khel tawh lo a ni. India lamin chak an tum bawk si a, huntawp dawnah hi chuan Iraq hian an ngam lo hle a ni. Mahse Iraq hian bul an tan tha a, an thawhrah an seng a tih theih. Hetianga ball ‘delay’ te hi football-ah chuan a leng vek si a. Goal dang a luh belh tawh lova. 2-1 in Iraq an chak ta a ni.

Sawi belh ang
• India hi FIFA ranking-ah 164-na an ni a, Iraq erawh 74-na an ni thung.

• India hian Iraq hi hneh lo mah se AIFF hruaitute chuan result chhe lutuk-ah an ngai lo a ni. An hneh loh viau an rin laiin an rinphak bakin an khel thei a. Chakna chance pawh an nei hial a ni. Coach lak thar Arthus Papas an fak nasa hle.

• Nizanah pawh Coach hian a naute chu an khelhthat avangin dinner ei zawhah dessert ei a phalsak a. Dessert ei hi Coach hian a phal ngai lo a ni.

• Vawiin lam hian players te chu break an pe a, len chhuah an phaksak a ni. Tlai dar 5-ah Hotel-a kim leh vek turin anti bawk.

• India team boruak hi a tha hle a. Players te’n Coach an zah bakah an ngaina em em a. Tukin zing breakfast ei naah pawh players tinte a titi pui a ni.

• Group-a a sang pahnih te hi an qualify ang. Point hmuhdan :

1. UAE – 6 pts
2. Iraq – 6 pts
3. India – 3 pts
4. Oman – 3 pts
5. Lebanon – 0 pts
6. Turkmenistan– 0 pts

Enge an sawi?
• Iraq Coach Hakeem Shakir chuan “India team khel hi ka en zing tawhin kan khelhpui zing tawh hle a. Tuna U-22 team te hi an la tha ber a ni” a ti.

• India Coach Arthur Papas chuan “ Ka naute hi ka chhuang em em a. An fighting spirit a tha a, an vanduai a, an chak lo hlauh a ni. Australia paw’n Iraq lamah goal kan thun thei lova mahse ka team te’n an thun thei a, chakna chance pawh kan nei a ni. Hei hi a bul tanna chauh a la ni a. Kan hmanhmawh thei lova. Muang changin hma kan sawn dawn a ni.” a ti.

• UAE Coach Baler Sadih chuan India team hi Ningani tlaia an tum dawn avangin ngun takin an game hi lo study a. “ India team hi an flexible em em a, 4-3-2-1 formation atang 4-3-1-2 ah an intlak thei a. Tin, 4-3-3 formation ah awlsam takin an inthlak leh thei mai bawk a. Hetiang ang team flexible lutuk hi chu an hlauhawm em em a ni” a ti.

• ZoFooty chuan Didika leh Jeje-a kan be leh thei hlauh a. Anni pahnih paw’n an ui thu hahipin an sawi. Didika chuan “ Rin phak bakin kan khel tha a. A tawp lamah phei chuan min hneh tawh mang lo a ni. Kan vanneihni chu nise chuan kan chak ngei ka ring a ni. Kan draw tal ka ring asin le, kan chak zo lo chu a pawi khawp mai. Mizo mipui te’n min lo tawngtai thin avangin lawmthu ka sawi duh a, min lo tawngtaipui chhunzawm zel turin ka chah bawk a ni” tiin ZoFooty a hrilh.

• Jeje-a ve thung chuan “Full time khel tur chuan ka la fit lo deuh a, chuvang chuan ka chhuak ta a ni ber . Ka serious love, next match a la pawimawh dawn si a, in dim a ngai lutuk a. Second half-ah phei kha chuan kan nawr asin le. Chak thei dinhmunah pawh kan ding a mahse an ni lam khan ‘time’ an ‘delay’ nasa bawksia, kan chak ta lo a ni. Tin, min tawngtaipuina vanga tha taka khel thei kan ni tih ka sawi duh a. Lawmthu ka sawi rualin min lo tawngtaipui chhunzawm zel turin Mizo mipui te ka sawm nawn leh duh a ni.” tiin ZoFooty a hrilh.

13 thoughts on “AFC U-22 Qualifiers : Iraq 2-1 India

  1. Pingback: cialis 20 mg

  2. Pingback: cialis on line

  3. Pingback: Buy cialis online cheap

  4. Ramenga

    Come on. Vai ho in Jeje-a inhliam pawi zia an han sawi ve tliar tliar mai chu he Mizopa rilru hi a hlim ngei mai.
    UAE chu Iraq ai chuan an huphurhawm lo zawk turah ngai ta ila. Jeje-a pawh a khel tluan thei ang a, Didika a awm bawk a. chak ngei beisei ang.

Leave a Reply

AFC U-22 Qualifiers : Iraq 2-1 India

AFC U-22 Championship Qualifiers khel mekah India chuan an match hnihna nizan dar 9:15 khan an khel a, 2-1 in Iraq an hneh lova. India goal awmchhun hi Alywn George-a thun a ni a. Ningani tlai hian United Arab Emirates (UAE) an tum leh ang.

Inkhelh hma chanchin

India Coach Arthur Papas chuan Lebanon an hneh tuma a squad hman a siksawi nual a. Team tha zawk Iraq an tum dawn avangin 100% fit lo Jeje Lalpekhlua chu a risk a. Manandeep Singh nen inkawpin 4-3-1-2 formation a hmang a ni.

Abhishek Das, Deepak Devrani, Ganeshan leh Shyju Mon te chu bench-ah an thu a. Vishal Kumar, Prathamesh Maulingkar, Pranoy Haldar leh Jeje-a te’n an start thung a ni.

India hian team tha zawk tum mah se chak an tum hle a. Mi tam takin Jeje-a a start avangin Manandeep Singh chu bench-ah a thuttir an ring a mahse Coach Papas chuan huaisen takin attacking game a khelhtir a. A laiah a inhnawh tir deuh a. Didika pawh alai deuhvah an awm tir a ni. Jeje-a leh Manandeep Singh hmangin a sir atangin an nawr thung a. An game a zirin Jeje-a zawk hi lone striker anga khel tura tih a ni a.

Inkhelh hma hian ZoFooty chuan India Captain Jeje-a kan be fuh thei hlauh mai a. “Duh angin ka la fit tawk lova, full-time khelh chu a chakawm rualin ala huphurhawm khawp mai. Min lo tawngtaipui ula, Pathian zarah full-time khelh theih hram ka duh a ni” tiin a sawi a.

Team lineups

Keeper : Gurpreet Singh Sandhu

Defenders : Vishal Kumar Souvik Ghosh, Prathamesh Maulingkar, Narayan Das

Midfielders : Pronoy Halder (58’Ganeshan), Ognam Milan Singh (83’ Romeo), Alwyn George, Lalrindika Ralte

Strikers : Manandeep Singh, Jeje Lalpekhlua (Captain) – (38’ Hoicharan Narzary)

Pic : India U-22 ; Courtesy : Indian Football Network

First-ah India-in si khat an phur a, Jeje-a inhliam bawk

India hi a tir atang an fimkhur hle a. An ‘tactical discipline’ tha tak chu hmachhuanin mumal takin game an khel a. Team tha zawk Iraq lam hian an nawr angreng khawp a. Minute 35 naah Jawad Kadhim chuan India defender Vishal Kumar bumin ball cross tha tak a cross lut a, Captain Ali Mohammed Alialah chuan a lo head goal a. Iraq-in hma an hruai a.

Hemi hnu lawk hian India manganna belhchhan turin 100% fit lo Team Captain Jeje-a chu a inhliam leh deuh avangin thlak a ngai zui a. Pailan Arrows striker Holicharan Narzary chuan minute 38 naah a rawn thlak a.

Holicharan Narzary hian a first touch-ah chance a rawn nei nghal a mahse a head out hlauh a ni. Manandeep Singh paw’n first half tawp dawn tepah chance a nei a mahse Iraq defender chuan a lo dang out hman hlauh a ni. Goal dang a luh belh lova. Half time a ni zui a.

Second half-ah India in ro an rel mahse….

Second half-ah pawh hian Iraq bawk hian bul an tan tha leh a, minute 4 a liam awrh chauh tihin Ammar Abdul Hussein chuan Iraq tan a rawn ti goal leh a. India tan beisei a chau tawh hle a ni. Mahse Coach thar hnuaiah India hian harhtharna an chang a. Chiai lovin an nawr a. Mumal takin game an khelh chhunzawm zel a.

Midfield-ah India lamin ro an rel tan a. India tan hian midfielder pahnih Alwyn George leh Didika bawk an tangkai leh hle a. Minute 69 naah Didika shot tha tak chu Iraq keeper chuan a lo dang corner thei hram a, a goal teuh hle a ni. Hemi hnu lawk hian Didika vek hian free-kick a pet leh a mahse wall a pet per hlauh a ni.

Hun tawp dawn minute 20 chhung hi chuan rin phak bakin India players te hian an khel tha a. Iraq an nawr bet a, half chance pawh an nei zeuh zeuh a ni. Team tha zawka ngaih Iraq an chiai tan a, India lamin an nawr na tawlh tawlh a. Minute 82 naah India lam hian goal an thun ve ta nge nge a. Goal thuntu hi tudang ni lovin first match pawha goal 2 thun tawhtu Alywn George bawk a ni.

He Kanpur tlangval Alywn George hi kum 20 mi niin Tata Football Academy (TFA) chhuak a ni a. TFA-a kum 4 zet a awm hnuah kumin February khan Pailan Arrows a zawm a. Junior player zinga ‘promising’ ber pawl a ni.

Iraq lam hian ball an ‘delay’ nasa hle a. Ball an in pass kual a, tul lo tak takin an foul a, game mumal pawh an khel tawh lo a ni. India lamin chak an tum bawk si a, huntawp dawnah hi chuan Iraq hian an ngam lo hle a ni. Mahse Iraq hian bul an tan tha a, an thawhrah an seng a tih theih. Hetianga ball ‘delay’ te hi football-ah chuan a leng vek si a. Goal dang a luh belh tawh lova. 2-1 in Iraq an chak ta a ni.

Sawi belh ang

• India hi FIFA ranking-ah 164-na an ni a, Iraq erawh 74-na an ni thung.

• India hian Iraq hi hneh lo mah se AIFF hruaitute chuan result chhe lutuk-ah an ngai lo a ni. An hneh loh viau an rin laiin an rinphak bakin an khel thei a. Chakna chance pawh an nei hial a ni. Coach lak thar Arthus Papas an fak nasa hle.

• Nizanah pawh Coach hian a naute chu an khelhthat avangin dinner ei zawhah dessert ei a phalsak a. Dessert ei hi Coach hian a phal ngai lo a ni.

• Vawiin lam hian players te chu break an pe a, len chhuah an phaksak a ni. Tlai dar 5-ah Hotel-a kim leh vek turin anti bawk.

• India team boruak hi a tha hle a. Players te’n Coach an zah bakah an ngaina em em a. Tukin zing breakfast ei naah pawh players tinte a titi pui a ni.

• Group-a a sang pahnih te hi an qualify ang. Point hmuhdan :

1. UAE – 6 pts

2. Iraq – 6 pts

3. India – 3 pts

4. Oman – 3 pts

5. Lebanon – 0 pts

6. Turkmenistan– 0 pts

Enge an sawi?

• Iraq Coach Hakeem Shakir chuan “India team khel hi ka en zing tawhin kan khelhpui zing tawh hle a. Tuna U-22 team te hi an la tha ber a ni” a ti.

• India Coach Arthur Papas chuan “ Ka naute hi ka chhuang em em a. An fighting spirit a tha a, an vanduai a, an chak lo hlauh a ni. Australia paw’n Iraq lamah goal kan thun thei lova mahse ka team te’n an thun thei a, chakna chance pawh kan nei a ni. Hei hi a bul tanna chauh a la ni a. Kan hmanhmawh thei lova. Muang changin hma kan sawn dawn a ni.” a ti.

• UAE Coach Baler Sadih chuan India team hi Ningani tlaia an tum dawn avangin ngun takin an game hi lo study a. “ India team hi an flexible em em a, 4-3-2-1 formation atang 4-3-1-2 ah an intlak thei a. Tin, 4-3-3 formation ah awlsam takin an inthlak leh thei mai bawk a. Hetiang ang team flexible lutuk hi chu an hlauhawm em em a ni” a ti.

• ZoFooty chuan Didika leh Jeje-a kan be leh thei hlauh a. Anni pahnih paw’n an ui thu hahipin an sawi. Didika chuan “ Rin phak bakin kan khel tha a. A tawp lamah phei chuan min hneh tawh mang lo a ni. Kan vanneihni chu nise chuan kan chak ngei ka ring a ni. Kan draw tal ka ring asin le, kan chak zo lo chu a pawi khawp mai. Mizo mipui te’n min lo tawngtai thin avangin lawmthu ka sawi duh a, min lo tawngtaipui chhunzawm zel turin ka chah bawk a ni” tiin ZoFooty a hrilh.

• Jeje-a ve thung chuan “Full time khel tur chuan ka la fit lo deuh a, chuvang chuan ka chhuak ta a ni ber . Ka serious love, next match a la pawimawh dawn si a, in dim a ngai lutuk a. Second half-ah phei kha chuan kan nawr asin le. Chak thei dinhmunah pawh kan ding a mahse an ni lam khan ‘time’ an ‘delay’ nasa bawksia, kan chak ta lo a ni. Tin, min tawngtaipuina vanga tha taka khel thei kan ni tih ka sawi duh a. Lawmthu ka sawi rualin min lo tawngtaipui chhunzawm zel turin Mizo mipui te ka sawm nawn leh duh a ni.” tiin ZoFooty a hrilh.

Leave a Reply