Africa A Football Thiam Ber Zambia

Estimated read time 2 min read

African Nations Cup (Afcon) 2012 final khelh zawh takah Zambia chuan rinkai ber Cote d’Ivoire (Ivory Coast) hnehin trophy mawi tak an chawi. Player nei tha ram Cameroon, Nigeria, Egypt te an khelhphak theihlohna Afcon ah hian Zambia an champion hi thilmak a tling a, an phu reng bawk a ni. Zambia hi Afcon ah a hma in an la chak ngailo.

Angondje Stadium, Liberville a final khelh ah hian rinkai zawk Cote d’Ivoire chuan bul an tan tha zawk a. Minute 69 na ah Arsenal forward Gervinho chu box chhungah tihtluk a ni a, Zambia in penalty an chawi zui. Cote d’Ivoire captain Didier Drogba chuan Zambia goalkeeper ban phaklohin a pet ‘over’ luah mai a. Tun tournament ah Drogba hian vawi hnih lai penalty spot atangin a pet thelh ta. Leeds United winger thin Max Gradel leh Gervinho ten goal an thun teuh thin na a hun tawp thlengin goal a lut ta lo a ni. Hun pek belh ah goal a la luh loh avangin penalty hmanga chak zawk zawn a ngai ta a. Hun pangai a goal hmaa vanduai Cote d’Ivoire te an vanduai chhunzawm zel a. Manchester City defender Kolo Toure leh Gervinho ten pet lut lovin Zambia tan Stopilla Sunzu in chakna goal a rawn thun a. Zambia hi penalty ah 8-7 in an chak ta a ni. 1974 leh 1994 a final a lo vanduai tawh Zambia tan chuan 2012 chu an kum tha ber a lo ni ta.

You May Also Like

More From Author

50Comments

Add yours
  1. 42
    puitea22

    @mike 1st para tawp ah khian ‘Zambia hi Afcon ah a hma in an la chak ngailo’ i tia, 2nd para tawpah ‘1974 leh 1994 a final a lo vanduai tawh Zambia tan chuan 2012 chu an kum tha ber a lo ni ta’ i t leh a, 1st para mi khi ‘champ’ ngailo tih na tur mi…

  2. 47
    ben vangchhia

    Congrats Zambia.. Hamaradesh tan chuan an junior team(?) pawh kan hnehlo kha a awm viau e.. Vannei tur chuan thiam pawh a ngaih tel ve kha.. Drogba chu Final ah chuan AG(Asamoah Gyan) title a hlawh pek a ni maw!

+ Leave a Comment

Africa A Football Thiam Ber Zambia

African Nations Cup (Afcon) 2012 final khelh zawh takah Zambia chuan rinkai ber Cote d’Ivoire (Ivory Coast) hnehin trophy mawi tak an chawi. Player nei tha ram Cameroon, Nigeria, Egypt te an khelhphak theihlohna Afcon ah hian Zambia an champion hi thilmak a tling a, an phu reng bawk a ni. Zambia hi Afcon ah a hma in an la chak ngailo.

Angondje Stadium, Liberville a final khelh ah hian rinkai zawk Cote d’Ivoire chuan bul an tan tha zawk a. Minute 69 na ah Arsenal forward Gervinho chu box chhungah tihtluk a ni a, Zambia in penalty an chawi zui. Cote d’Ivoire captain Didier Drogba chuan Zambia goalkeeper ban phaklohin a pet ‘over’ luah mai a. Tun tournament ah Drogba hian vawi hnih lai penalty spot atangin a pet thelh ta. Leeds United winger thin Max Gradel leh Gervinho ten goal an thun teuh thin na a hun tawp thlengin goal a lut ta lo a ni. Hun pek belh ah goal a la luh loh avangin penalty hmanga chak zawk zawn a ngai ta a. Hun pangai a goal hmaa vanduai Cote d’Ivoire te an vanduai chhunzawm zel a. Manchester City defender Kolo Toure leh Gervinho ten pet lut lovin Zambia tan Stopilla Sunzu in chakna goal a rawn thun a. Zambia hi penalty ah 8-7 in an chak ta a ni. 1974 leh 1994 a final a lo vanduai tawh Zambia tan chuan 2012 chu an kum tha ber a lo ni ta.

You May Also Like

More From Author

+ There are no comments

Add yours