Nizan khan Africa Cup of Nations semi-final khelh a ni a, match hmasa zawkah Zambia chuan Ghana an hneh a, match hnuhnung zawkah rinkai Ivory Coast chuan Mali an hneh bawk a ni.
Match hmasa zawkah hian rin loh zawk an chak a tih theih a. Zambia chuan 1-0 in Ghana an hneh a, kum 18 hnua final an luh lehna a ni a. 1994 khan final an lo lut ve tawh a mahse Nigeria lakah 2-1 in an tlawm a ni.
Zambia lamin an kick-off a, Ghana hi an nawr nghal a. Corner vawihnih ngawt an hmu nghal a. Minute 7 chauh a la ni a, Ghana lam hian an nawr let thut a, Nkasau chuan box chhungah Kwadwo Asamoah a titlu hlauh mai a, Ghana hian penalty an hmu nghal a. Asamoah Gyan chu rawn pen chhuakin penalty hi a pet goal lo hlauh mai a, Zambia goalkeeper Kennedy Mweene chuan a save a ni.
Inkhel pawh a tang chho zel a. Ghana striker Jordan Ayew chu a khel tha hle a. Mahse minute 78-ah Zambia lam hian substitute Emmanuel Mayuka hmangin goal an rawn thun hlauh mai a. Entu te a barakhaih hle. Ghana vanduaina belhchhan turin minute 83-ah Derek Boateng chu double yellow card vangin hnawhchhuah leh a ni a. Ghana lam hian thun ve tumin an bei let thin a mahse si phur zawk leh kim lo zawk an ni bawk nen an thun thei bik lova. Hun tawp thlengin Zambia hian goal an hum thei a, kum 18 hnuah final an lut leh ta a ni.
Semi-final match match hnuhnung zawkah ve thung chuan chak tura rin zawk Ivory Coast chuan Mali 1-0 in an hneh a ni. Inkhelh tan tirh phat atang Ivory Coast lam hian an nawr nghal a. Captain Drogba chuan goal post a head per nghal a. Minute 16-ah Yaya Toure chuan bar a pet per leh a. Ivory Coast hian nawr viau mah se goal-ah an vanduai hle a ni. Drogba hian chance a nei leh zeuh zeuh a. First half a tawp tep tawh tihin Arsenal Striker Gervinho chuan a pet goal a, 1-0 a ni a, hun a tawp zui a.
Second half an tan leh a,Ivory Coast bawk hian an nawr leh a. Drogba bawk a hlauhawm leh a. Mali keeper Diakite a che tha thei khawp mai. Ivory Coast hian goal khat ringawt chu a him lo tih an hria a, goal thun belh leh an tum a. Mahse goal dang a luhbelh tawh lova, 1-0 in Ivory Coast hi an chak ta a ni. Tun tournament tiam lohvin Ivory Coast hian semi-final vawi riat an lo khel tawh a, vawihnih chiah an la chak a ni. Final vawihnih an khel tawh a, 2006 khan an champion a, 1992 ah erawh runners’ up an ni thung. Tun hi semi-final vawi kua an khelhna a ni a, final vawi thum an luhna chiah a ni.
Pathianni zan (thawhtan zing dar 12:30)-ah Ivory Coast leh Zambia hian final an khel ang a, Inrinni zan (Pathianni zing dar 12:30) -ah Ghana lehMali in pathumna an zawng thung dawn a ni.
order cialis online
cialis online canada
price of cialis
buy cialis canada
Cialis prescriptions
Cialis professional 20 mg
Ghana vs. Ivory Coast hi dream final ani dawn sin maw le, pawi lo…
Drogba team will champion.
Ivory cost hi ka tan deuh zawk…an pahnih rau rauah…:)
An player te en mai chuan Ivory Coast hi an ṭha fal bik khawp mai tun AFCON chu. Mahse football-ah hi chuan result mak deuh hi a thleng thei tlat mai a, Drogba te ho erawh champion ngei se ka ti.
@ dave : haha ,super like..
Asamoah Gyan tih leh Penalty missed hi a va han inhmeh ve..
@Zaia.. Ka pate-a a lawm i nih le….. Zambia khi rin aiin an che ṭha tak tak a lawm.. Mahse, India a an rawn zin pawh khan an Junior te an rawn hruai a nih kha..
@zaia : haha, Nia, BEna chuan VAngchhia pui a nei ta e !! Nangpawh an unaupa tho lawm inih 😛
Ivory champion teh se,tran teh ang
Dave welcome ve.. lol. Ben Vangchhia a intithei sawt dawn a nih hi, a Vangchhe pui.. lolzz. Tun hma chuan Vangchhia leh Rawite hi a thlum a al ei za an ni thin tiin ka Pa in min hrilh a. Kan thenawma Vangchhe nu pawh ‘KA NI’ tiin min kohtir ngat. 🙂
@ DAve : Welcome , welcome. Nia, Zambia chu chak se ka ti mahse Drogba leh a pawl te hi an tha e mai 🙂
@Ben : Nia, hamadesh kha rin aiin min sawp lo zawk ngawt alawm. haha
@dave.. welcome.. zambia chu Hamaradesh in 0-5 ngawta kan hneh loh hnu kha an ni tlat a lawm..hehe
Member/player thar nih manah 1st teh ang.. Zambia chu rin loh deuhin final an lut tlat.. Champ nghe nghe se la ṭha tur.. Ivory Coast an champ k ring e..