All India Football Federation Executive committee chu ni 22 September khan an thu khawm a, an thu ngaihtuah hrang hrang te chu :

1. Grassroot and Youth Development Programme, FIFA nena ṭangkawpa kalpui tura a thuphunga lo ruahman tawhna, Regional Academy pali – Kolkata, Bangalore, Delhi/NCR leh Mumbai te chu tihpuitlin tura pawm ani. (http://www.zofooty.com/2011/09/aiff-fifa-academy/)

2. Committee chuan AIFF General Secretary, Mr. Kushal Das chu Rob Baan Technical Director atana lo be tura tih ani.

3. 2017 U-17 World Cup thlen india in a chuh ve maitheih thu President hian a tarlang.

4. AIFF’s Marketing Partners IMG-Ril  te chuan season thar I-league TV lama Live a braodcast dan tur chungchang presentation an pe a. Telecast rights te chu tun thla tawp lama puanzar tura beisei ani ang. I-League match 70-75 chu Live a pekchhuah tura ruahman ani.

5. Committee chuan Emergency Committee chu National Team Coach chungchanga thuthlukna lo siam turin thuneihna a pe.

6. I-League thara Total Prize money chu Rs. vbc. 1.1 atanga Rs. vbc. 1.5 a tihsan an remti bawk a.

7. Asian Football Confederation recommend na anga I-League committee din chu a remti a, he committee ah hian club tel 14 te chuan represent annei ve theih dawn ani.

8. Executive Committee chuan Emergency committee thuthlukna anga AIFF’s Developmental Team Pailan Arrows te I-League atanga relegate theilo tura tih chu an pawmpui bawk.

9. I-League player, Indian zawng chu Domestic club match 40 aia tam khelh phalsakloh anni bawk.

10. AIFF chuan kumkhat chhung atan Rs. nuai 50 chu State association ten Football changtlun zawkna thil atana an hman tura sem zai an remti bawk. Pawisa pek chungchang hi committee siam thar ten State tinte local league leh football tihchangtlunna lama an hmalakna te an zirchiang anga, chumi mil zela sem chhuah tur chu ani.

11. AIFF hnuaia intihsiakna hun tur hrang hrang te an duang nghal a, chungte chu :
a. Super Cup chu Ambedkar Stadium ah Kingfisher East Bengal leh Salgaocar SC ten October 18, 2011 ah an khel ang
b. I-League kicks-off chu  October 22, 2011 ah Salt Lake Stadium ani ang.
c. SAFF Cup chu Jawaharlal Nehru Stadium, New Delhi-ah December 2 atanga 12, 2011 chhung khelh tur ani ang. He Cup atana Preparatory Camp chu November 21-30, 2011 chhunga neih tur ani ang a. He cup khelh chhung hian I-League chu chawlh a awmlo anga, Club te chuan round 3 chhung National team player te tello in an lo khelh angai dawn ani.
d.  Indian National team te chu January 2012 First week-ah South Africa nena International Friendly match khel turin Johannesburg-ah an zin ang.
e. AFC Challenge cup atana National camp chu February 13-29, 2012 chhunga neih tura tih ani a. Hemi avang hian I-League chu February 13-23 chhung chawlh hrih tur a tih ani. (AFC Challenge Cup hi Asian Cup 2015 a neih tura kalkawng hmasa ani)

12. Committee chuan tun atang chuan International match reng reng, national team emaw club te emaw kaihhnawih thei tur te chu AIFF kaihhruaina hnuaiah chauh tih a phal tawh dawn a. AIFF leh IMG-Ril te inremna chu ngaipawimawh a, third party tena chutiang match an lo host ve ngawt chu AIFF leh IMG-Ril te phalna la hmasa lo chuan an phal tawhlo ani.

13. Committee chuan International match thlenna tur atana regulations  siam tawh te chu a pawm a, hei hi hman nghal tur leh State zawng zawng a sem nghal tura tih ani.