Thierry Regenass, Director Member Associations and Development Vision, FIFA, leh Jean-Michel Benezet, Technical Director, FIFA, ten an rawn tlawh hnuah All India Football Federation chuan FIFA puihna leh hruaina hnuaiah Regional Academies and an Elite Academy chu din a remti ta.

Phase I ah chuan Regional Academies pali te chu Bangalore (Goal Project), Kolkata (Pailan World School), Mumbai/Navi Mumbai leh Delhi/NCR ah te  March 31, 2012 chhunga din fel hman tura tih ani. Sikkim Goal Project pawh kumin kum tawp lamah peihfel hman tura ruahman ani a. Peihfel theih anih chuan Phase I a telh ve nghal tura ruahman ani. Goa-a Goa Technical Center, tuna U-16 leh U-19 Natioanal team te training nana hman mek chu Acamedy dang te peihfel anih chuan Regional Academy pakhat atana lehnghal theih tura ruahman ani bawk.

Academy tinah hian naupang 30 – 35 awm theih tura ruahman ani a. Naupang kum 13-14 rual te chu rampum football school hrang hrang atang te, school inelna competition atang te leh selection camp a awm naupang te atanga thlan chhuah tur ani. Heta naupang thlanchhuah dan tur kalphung te chu FIFA kaihhruaina hnuaia duan tur ani.

Ramchhunga football school hrang hrang te chu AIFF in an en thlithlai hmasa anga, Heng atag hian Regional Academy te huam tur an sem leh dawn ani. Chuta thlanchhuah te chu Technical Director, Academy Manager leh Head Coach, Youth Development ten final selection an nei leh thin ang.

Heta naupang thlanchhuah te hi kum hnih chhung Regional Academy ah an training anga, chumi chhung chuan awmna, eitur leh zirlai a mamawh senso zawng zawng te chu AIFF hian a tum dawn a. Hetiang atana hman theih school te chu Region tin atana hman tur AIFF hian a en thlithlai a dawn ani.

Kum 16 chin te chu Regional Academies for the Elite Academy atanga thlan chhuah tur anni a. Kum 2 an awm hnu ah kum 18 an lo tlin huna club hrang hranga lut thei tura buatsaih tur ani a. Heta zir tur hian football mai bakah an lehkha zirlai ah tha taka pass ngei angai bawk ani.

AIFF General Secretary Mr. Kushal Das chuan “He programme hi AIFF in tun hnaia a hmalakna pawimawh berte zing ami ani a, Hei hian hun reilo te chhungin India football chu hmun tharah a hlangkai ngeiin ka ring ani ” a ti.

AIFF President Mr. Praful Patel chuan “He programme hi India football tana thil pawimawh tak mai ani a, hemi tih hlawhtlinna turah hian AIFF te hmalakna chu engmah in a dal lo ang” tiin he programme an duanchhuah chu a lawmawm thu leh FIFA hnenah pawh lawmthua sawi bawk.