Tun hnaia National Sub Junior Football Championships-a champion team, Mizoram atangin AIFF chuan India sub junior team a trial turin mi paruk an thlang.

Heng player paruk – David K. Hmingthanga, Bethlehem Vengthlang; R. Laldanmawia, Sialhawk; Ramluahsanga, College Veng; Toky Zomuanpuia, Mission Vengthlang; K. Lalrinfela, Lunglei leh Lalrinpuia, Lunglei-te hi AIFF-in an thlan chhuahte chu an ni a, state danga player thlante nen March 30-ah Goa-a training tan tura tih an ni.

Player thlan chhuah takte hi AIFF lamin an enkawl phawt ang a, training-te an neih hnuah an thlifim leh ang a, chumi zawhah a tithate chu AFC Sub Junior Football Championships khel turin an kal ang.

Source: Vanglaini daily newspaper