AIFF IN THUDIK LO A THEHDARH EM NI ?

All India Football Federation in India U-17 World Cup squad te’n Italy U-17 team 2-0 in an hneh anga thu an chhuah chu Hindustan Times journalist Bhargab Sarmah chuan thudik tawk lo a nih thu a tarlang.

Zirtawpni a Arezzo, Italy a inkhelah hian India U-17 hian 2-0 in hnehna an chang ngei a, amaherawhchu an khingpuite hi Italy U-17 ni lo in Italy Lega Pro U-17 Representative te zawk an nih thu Bhargab hian a sawi. (Italian league 3rd leh 4th division rawltharte tihna a ni ber e.)

He inkhel chungchangah Italian Football Federation (FIGC) hian thuchhuah engmah a neih loh laiin AIFF erawh chuan ‘hnehna chhinchhiahtlak’ tiin a uar thei ang berin a puangzar thung.