Vawiin khan AIFF hnuaia League Committee chu New Delhi khawpuia Football House-ah an thukhawm a, thu pawimawh tak tak an rel.
Subrata Dutta kaihhruai Committee-in thu a ngaihtuah zingah hian Indian Super League leh I-League khelh hun tur rel a ni a, a vawikhat nana a ruala khelh tur ISL leh I-League hi FIFA U-17 World Cup zawh (October 28) hunah khelh tan a ni ang. League khelh hun tur hi Star Sports, Football Sports Development Limited (FSDL) leh I-League Department te nen chiang zawk a la sawi leh tur a ni.
League Committee thurel zingah hian Public Sector Undertaking(PSU) te tana Corporate League siam chungchang pawh a tel a, Committee chuan sawrkar enkawl club (PSU) te tana League hran siam chu tha a ti a, a senso erawh anmahni an intum a ngai dawn thung a ni.
Hei bakah hian I-League tun aia tha leh zuala a kal theih nan te, marketing leh a tihlar kawnga hmasawn a nih theih nan ‘Task Force’ din a rel a, he Task Force – ah hian League Committee Chairman Subrata Dutta, Vice Chairman Pu Lalnghinglova Hmar bakah Football Sports Development Limited (FSDL) member pakhat an tel ang a, AIFF General Secretary Kushal Das leh I-League CEO Sunando Dhar te chu ex-officio member an ni ang.
League Committee hian 2017-18 atana I-League club te senso phuhruk nana an sum pek chhuah thin chu tihsan a rem ti bawk a, zin vei vah senso atana club tin hnena cheng nuai 45 pek thin chu cheng nuai 5 a ti pungin club tinin cheng nuai 50 an dawng tawh ang a, tin special subsidy cheng nuai 20 an dawn tur nen I-League club te hian cheng nuai 70 theuh an dawng dawn a ni.
I-League club thenkhat zinga ngaihdan inang lo awm mek ‘foreign player’ quota chungchangah League Committee chuan AIFF Executive Committee ah thlenin anni’n thu tawp siam se tiin an rel.
viagra fast delivery
Brand name viagra overnight