AIFF LEH ADAM INTHATHEN

Posted on by C Tlanthianghlima
Estimated read time 2 min read

All India Football Federation (AIFF) chuan India U-17 coach Nicolai Adam nen an inthathen thu a puang.

AIFF General Secretary Kushal Das chuan hemi chungchang hi sawiin,” India U-17 team tana Nicolai Adam a hnathawh hi ropui kan tiin kan lawm takzet a, a kal lehzelna turah duhsakna sang ber kan hlan a ni,” tiin a sawi a, amah thlaktu tur hi an puan vat tur thu a sawi bawk.

Kum 40 a upa German coach Adam pawhin India U-17 coach a ni thei chu AIFF chungah a lawm thu leh a naute chu an kal zelna turah duhsakna a hlan thu a sawi. UEFA Pro License nei Adam hian tun hma in Azerbaijan naupangte a enkawl tawh a,  German Football Association (DFB) tan International Football Development Advisor a nih tawh bakah Azerbaijan – ah hian UEFA Head of Coach Education in a awm tawh bawk.

Kum 2015 February thla khan  AIFF nen an thawk dun tan a, Sports Science – ah master degree a neih bakah player te performance leh an inhliam loh nan a enkawl lamah mithiam bik a nih avangin beisei a sang a, 2017 U-17 FIFA World Cup atan team tha tak din tur a beisei a ni.

World Cup tan nan thla riat (8) chauh a awm tawh tihah players te chuan AIFF President hnenah Adam leh assistant coach Etibar Nizami Ibrahimov chu hekin nawmnah takin an hrual thin niin an sawi a, tun hi an thleng ta a ni.

Avatar for C Tlanthianghlima
C Tlanthianghlima

Football tui ve tak

You May Also Like

More From Author

34Comments

Add yours

+ Leave a Comment