All India Football Federation (AIFF) chuan technical director atan Rob Bann chu kum hnih chhung atan a lalut ta. Rob Baan hi Dutch mi Coach ni thin a ni a. Technical director hna hi Netherlands ah pawh a lo thawk tawh thin a, India Technical Director anih hma hian Australia Technical Director hna a chelh a ni. Rob Baan an sign hi AIFF in FIFA leh OSF (Orange Sports Forum) te nena ṭangkawpa grassroot and youth development of Indian Football atana an hmalakna pawimawh leh hmasa a ni.

Rob Baan hna ber tur hi India football Masterplan siam a ni a. India football hmasawn zelna tur atan masterplan a siam ang. Kushal Das chuan Rob Baan an appoint chungchangah hian lawmthu sawiin ani hnuaiah hian india football chuan hmasawnna tamtak ahmuh a, India ranking pawh a san phah ngei a beisei a. Chutih rualin Regional football academy lam pawh an hmang ṭangkai hle dawn thu a sawi a.

Rob Baan pawhin India in kum hnih chhung an ruai chu a lawmthu a sawi a. India ram, mipui leh culture tam tak awmnaah hian hmasawn a huphurhawmloh thu sawiin, India chu Milian muthlu mai ala nih thu asawi a. India football rahchhan siamrem a, Dutch school base-a football level siam a, India hming tihlan chu a tum ber a nih thu a sawi.

A interview naah chuan “Football khel tur hian len chu a pawimawh teh meuh a, mahse a pawimawh ber chu a nilo, thiamna leh tumruhna a pawimawh” a ti. India player te hi an lian bik lova, chumi hisap ran chuan plan pawh a siam turah lo ngai phawt ang. Chutih rualin palian vak biklo mizo te tan pawh kawng in hawng zel tura ngaih a ni.