Aizawl East Zone Football Association buatsaih Season Opening Tournament 2011 chu Ramhlun Sports Complex Ground-ah August 29-September 2, 2011 chhung khan neih a ni a. He tournament-ah hian Puitea Memorial FC,Ramthar Veng chu Champion-in Trophy leh `10,000 an dawng.

Final match khelh hma Chhun dar 01 : 00 P.M-ah Function tawite neih a ni a, hetah hian Pu Lalthanzara, MLA, Parliamentary Secretary, Mizoram Football Association President ni bawk chu khuallian niin thutawi te a sawi a. Technical Report tawite pek a ni a. Technical report-a a lan danin Tournament-ah hian Team 16 an chhuak a, Goal 30 a lut a, Yellow Card 37 leh Red Card 8 phawrh a ni a. Red Card hmu zingah Referee leh official dangte laka che mawi lo mi 1 chu tournament chhung atana khel chhunzawm lo tura hrem leh player 1 zilhhau a ni bawk.

Final Match inhnehtawk takah player naupang zawk leh bet deuh hret zawka ngaih Puitea Memorial FC Jersey No.9-in counter attack atangin hla tak atangin a thun a, He goal hi keeper lo tawlh hma hmu fuhin hla tak atanga thun a ni a, Keeper thiam loh a ni a tih theih ang.

1st half-ah 1-0 in an tin a, 2nd half hun tawp dawn tepah Armed Veng SC lamin an si phurh an sut a. hun pangngaiah 1-1-in an tin a, extra time an khel ta a. Inkhel a zawn chhoh tam avang leh ruahsur laiin an inkhelh loh theih loh avangin player an chau hle tih a lang thei a, final khelh hmain ni khat tal chawlh lo nei hman se inkhel a hmuhnawm zawk deuh ngei rin a ni.
Inkhelh pangngaia tangkai lem lo tak Jersey No.2 (Ani hi Puitea nau a ni) chuan Puitea Memorial FC tan chakna goal a thun ta hlauh thung a, Fans te pawh an lawm ngei mai.

AEZFA hnuaiah hian Puitea Memorial FC, Ramthar Veng te, Daniel RK United Ramthar veng te, B.S.FC, Dawrpui te, Dawrpui FC te, O’teii FC Chanmari West te hi mimal-in an sponsore a ni a, sponsore-tute an fakawm takzet a, kan mihausate han thangharh zel teh u.
Inkhelh zawhah hetiang hian lawmman sem zui a ni a:

Champion (`10,000+Trophy) : Puitea Memorial FC, Ramthar Veng
Runners’ up(`5,000+Trophy) : Armed Veng Sporting Club
( An fapa Joshua Malsawmtluanga(L) hriat reng nan Pu Rokailiana te chhungkua, Dawrpuiin `5,000 an tum a ni.)
Fair Play (`1000) : Armed Veng Sporting Club
( Pu FVL Ringa, Adviser, AEZFA te chhungin V.L.Store, Mercy Complex, Saron Veng hmingin `5,000-in tournament an spon sored a ni.)
Semifinalist(`1000 each) : Chanmari FC & Armed Veng South FC

Mimal chawimawina
Best Player (`500+Trophy) : J.R.Lalengkima, Puitea Memorial FC, Ramthar Veng
Top Scorer(`500+Trophy) : Michael Lalhruaitluanga, Chanmari FC
Best Promising Player(`500+Trophy) : J.Lalnunmawia(16yrs),O’teii FC