Aizawl East Zone Football Association Season Opening Tournament 2011 Final-ah Puitea Memorial FC,Ramthar Veng leh Armed Veng Sporting Club intum dawn.

Aizawl East Zone Football Association buatsaih Season Opening Tournament 2011 chu Ramhlun Sports Complex Ground-ah August 29, 2011 -a neih tan chu khelh chhunzawm zel a ni a, Puitea Memorial FC,Ramthar Veng leh Armed Veng Sporting Club te chuan Champion an inchuh dawn a ni.

Vawiin Semi final match hmasa zawkah Armed Veng Sporting Club chuan Chanmari FC 2-0-in an hneh a, he inkhelah hian Robert Lalnienga, Chanmari FC chu Armed Veng Player nena an insutna-ah a khingkhangruh veilam a tliak a, in lamah enkawl chhunzawm a ni, a that zel AEZFA Committee chuan a duh hle a, club hruaitute pawhin zanin hian an chenna inah an kan nghe nghe a ni.

Match hnihna-ah Puitea Memorial FC,Ramthar Veng leh Armed Veng S FC inkhel inhnehtawk takah hun pangngaia 1-1 a an inhnehtawk hnu-ah Extra time khelin Puitea Memorial FC,Ramthar Veng chuan goal 1 thun lehin, 2-1 a chakin Final an inpet thleng a ni.

Final hi september 2, 2011 dar 1:00-ah neih tur a ni a, Chhun dar 01 : 00 P.M-ah Function tawite neih a ni ang a, hetah hian Pu Lalthanzara, MLA, Parliamentary Secretary, Mizoram Football Association President ni bawk chu khuallian a ni ang.