Vawiin atang khan I-League 2nd Division Final Round khelh a ni a. Mizo Team la dam awmchhun Aizawl F.C. chuan nikum lama I-League atanga tla thla ONGC chu si nga faiin an hneh lo. Hetihlai hian 2nd Division Group Stage Silchara 3-0 ngawta an hneh United Sikkim chuan Vasco S.C. 3-2 in an hneh thung.

ONGC tan hian Pawwinder , Abubakkar, Jagabandhu, Jatin (2) ten an thun a, Aizawl F.C. lamin goal an khung ve lo. Group Stage lamah pawh bul tan tha tawh lo mahse group leader rawn ni leh thei Aizawl F.C. tan an chakloh hi an vanneihna a ni leh dawn nge an tawpna a ni dawn tih hi zawhna awmthei tak a ni. Kan hriat theuh tur atana tha chu tun hi an match khatna chauh a ni a, Silliguri a an intum chhuah vek hunah Gangtok lamah an intum chhuak leh vek dawn avangin insiamthatna hun erawh a la awm.

Manager Hmingthana chuan “Kan theihtawp tak meuh meuh kan chhuah e, result tha kan hlawh chhuak lo erawh rilru a na a, fans te chungah ngaihdam kan dil, kan fighting spirit tha tak hmuh erawh chuan kan player te hi ka chhuang tak zet zet a ni, Aizawl Football Club hian Pathian hruainain hmalam a pan zel ang” tiin Aizawl F.C. Group-ah a sawi.

Aizawl F.C. Line ups:
1st Eleven: Kenneth, Chhuantea, Abraham, Amba, Chully, T-a, Tluanga, Biaktea, David, Michael, Abey.
Subs: Rammawia (Bethlehem), Zirtea, Zuala, Zara, Eddie, Rammawia (ITI), Papuia.
Injury: Valpuia, Sawmtea