Aizawl F.C. chuan Michael-a leh Biaktea goal hmangin Vasco 3-2 in an hneh a, I-League 2nd Division Final Round-ah a vawikhat nan an chak ve ta a ni.
Aizawl F.C. Team Vs Vasco
1st Eleven : Kenneth, Chhuantea, Zirtea, Chhully, Ab-a, Rammoia iti, Rammoia bvt, Tluanga, Davida, Abey, Michael.
Bench : Eddie, Samba, Zuala, T-a, Zara, Biaktea, Papuia.

Aizawl F.C. Manager Pu Hmingthana in amah kawmna hun min siam sak theih hlauh avangin a chungah kan lawm takzet a ni.
Vawiin inkhel ah hian game-ah in chungnung zawk nge goal-ah in chungnung zawk ringawt?
1st half ah kan dominate tluan zak a, kan kat kual nasa ve khawp mai, goal an rawn thun hmasa, 20 min leh 30 min velah Michael an a score, 35 min bawrah an ron score
2nd half tan atanga minute 10 hnuah minute 50 chhung vel chu min rawn nawr khawp mai. Chutihrualin kan inhnehtawk bawk, hun tawp dawnah Biakte-a Goal hmangin kan chak ta zawk a ni.

Michael hi Mizo te chuan kan la hriat vak a rinawm lova, hetiang tak maia a chetha hi mak i ti em?
La hre lovang season hmasa khan Dinthar-ah kan kawl tan a (MFMG hian Dinthar F.C. hi an enkawl thin), tun hi a a thleng a ni mai, a mak angreng khop mai, mahse striker tha tak chu a la ni ngeiin ka ring theihtawp chhuaha tan a lak zel chuan. Footwork leh heading hi a nei tha ve khawp mai.

I-League 2nd Division Final Round First Phase-ah in chetha lova, hemi avang hian I-League chu in khel thei dawn tawhlo chiang a. Mahse heti chung hian khelh a la ngai bawk si ang chi te leh thil dang dang hriat thar tur a tam ang. Professional Club ni tur atana pawimawh engnge in zuk hriat thar?
Nia, tunah hi chuan chance kan nei tha lo khawp mai, mahse kan match khelh leh tur apiangah hian theihtawp kan chhuah dawn a, kan player te pawh hian chakloh hi an duhlo in ka hria. Point tam thei angber hmuh tumin kan khel zel dawn e.
Professional taka thil han kalpui hi a lo har dawn khawp mai, club dang playerte pawh hlawh tha tak tak te an pe thei a, helai team awm reng reng hi chu team tha vek an ni tawh. Tunah pawh I-League chu kan khel dawn tawh lova, mahse theihtawp chhuah ala ngai a, duh duh huna ban ve ngawt a theihloh. Hemi tur hian fuih pawh kan in fuih nasa khawp mai.

Heng zawhna bakah hian han sawi belh duhte nei em?
Mizo te hi kan attitude hrim hrim hi a la hniam deuh a, professionalism tak tak kal pui tur chuan kan tan lehzual a ngai, tunah pawh semi-professional anga chhiar theih kan ni tawh a, hma kan sawn zel a rinawm. Kan mi hausa te hi han tang se, player hlawh te hi han pe tam thei phai ilang chuan hma kan sawn chak khawp ang. Ka mimal ngaihdan phei chuan I-League khel tur hian kum tam a ngaih a rinawmloh.

I hun hlu tak senga kawmna hun min pek avangin kan lawm e.
Kei pawh ka lawm e.

Aizawl F.C. tana goal hnih khungtu Michael-a hi ZoFooty in Aizawl F.C. Crossbar Challenge a neihpui tuma pakhatna a ni.