AIZAWL FC – AH PLAYER THAR PAHNIH

I-League club Aizawl FC chuan vawiin khan V.Laltanpuia leh Albino Giovanni Gomes te an lakluh thu an puang.

Mizoram Police FC captain Tri-a hi tunge a nih sawi nawn a ngai lo a, tunhnai kum thum chhung vela Mizoram midfielder tha bik zinga mi a ni. Tunhma in I-League club United Sikkim in lak tumin an lo dawr tawh a, chhan engemaw avangin a zawm ta lo. Tunah erawh Mizo mipuite tan rawn, khelmual chhunga theihtawp chhuah thin Tri-a’n I-League a khel dawn ta e !

Albino Giovanni Gomes hi Goan niin Mumbai City FC tan ISL ah a inlan tawh bakah India tan age level hrang hrangah a lo khel tawh. Aizawl FC hian an keeper tha Lalawmpuia chu inhliam vangin hun rei tak an chhawr thei tawh lo a, Salgaocar chhulchhuak Gomes hi an mamawh chhanna a nih ngei a rinawm.