Aizawl FC chakna Ricky – Rooney Opa

aizawl-fc-1-0-chhinga-veng
I League club Aizawl FC-in Champhaia an result tha lo kalsan an duh tih lantirin vawiin tlai (October 25, Thawhlehni) khan Ricky Lallawmawma goal hmangin Chhinga Veng FC 1-0 in an hneh.

Mizoram Premier League Season 5-a beisei pha lo Aizawl FC-in phase 1 a an hneh tawh Chhinga Veng FC an hneh nawn avangin point 13 hmuin semifinal lut turin an dinhmun a tha zawt a, MPL kaithar erawh tla thei dinhmunah an ding thung.

AFC harhtharna
MPL champion lai Aizawl FC hian an lak thar Lallawmzuala an chhawr nghal a, Shillong Lajong leh Royal Wahingdoh defender hlui hi right back-ah awmin a overlap tha leh defending tha hi Chhinga Veng nen chauh ni loin an khelh leh zel turah pawh an chhawr tangkai ngei ang.

Aizawl FC hi inkhelh chhung zawngin a hlauhawm zawk an ni a, striker Bright Middleton Mends chuan goal kham a pet per hnuah chawlhlawk hma hretin Ricky chuan Rohmingthanga killer pass chu a ke vei lamin goal kilah tak a khung.

Aizawl FC hian ball an chang tamin game an thunun hle a, ball an chan tam ngaihtuah chuan goal hlauhawm erawh an nei hnem lo. Chhinga Veng an talbuai chhunzawm zel a, coach Chawngthansanga hnuaiah point la hmuin loin a zawin vawi li an chak ta lo.

Goal awmchhun khungtu Ricky chu man of the match atan thlan a ni a, Nigerian midfielder Benjamin Onome erawhin bench-ah hun ah hmang tluan thung.

Hmabak
Aizawl FC-in October 27, Ningani zanah MPL kaithar Ramhlun North an hmachhawn ang a, hemi tuk tlai lamah Chhinga Vengin anmahni ang bawka tla thei dinhmuna ding Zo United an hmachhawn ang.

ZoFooty Statistics
Aizawl FC 1-0 Chhinga Veng FC
AFC : Ricky Lallawmawma 45’
MoM: Ricky Lallawmawma, AFC
53% Balll Possession 47%
14 Shots 6
4 On Target 2
1 Yellow Cards 1
0 Red Cards 0
Powered by Rainbow Multibrand Mobile Showroom.

Tute nge khel?
AIzawl FC: Zothanmawia, Ricky Lallawmawma, Lalrinzuala Khiangte, Lalramchullova Pautu, Lallawmawma, H. Lalbiakthanga, Brandon Vanlalremdika, Rohmingthanga, Albert Zohmingmawia, F. Lalremsanga, Bright Middleton Mends.
Subs: Sangtluanga , Jonathan Lalhriatkima, Lalthakima, Lalnuntluanga, Rochharzela, Vanlalduatsanga, William Lalnunfela, B. Zoramthara.

Chhinga Veng FC: R. Lalhmangaihzuala, K. Lalthlahlova, R. Laldinliana, Lalramliana Varte, H. Lalmuankima, H. Vanlalthlanga, Paul Ramfangzauva, Lalthlamuana, Lalkhawpuimawia, Joseph Lalnunpuia, Emmanuel Chigozie.
Subs: Kross Biekhai, Ronald Zothanzama, Joy Mrona Khar Raswai, C. Lalbiaksanga, Lalchhanchhuaha, Isaac Lalremruata, Dinthangpuia, Vanlallawma.

Posted in Tualchhung and tagged , .

Leave a Reply

Or