I-League champion Aizawl FC chuan 2017-18 chhunga an manager thar atan Paulo Jorge Coelho Menezes an lalut a, Mizo footballer langsar S.Malsawmtluanga (Mama) an lalut bawk.
Kum 39 a upa Portuguese coach hi UEFA Pro License Holder niin ‘Sports Science Traninig Methodology, Football High Performance leh Physical Education’ ah te degree a nei bawk.
Tawng chi nga thiamin – English, Spanish, Italian, French leh Portuguese te nal takin a hmang thei a, Panama, Laos, Spain leh Portugal-ah te club hrang hrang a lo enkawl tawh a ni.
AFC Champions League khel tur Aizawl FC hian Mizo footballer te zinga tawnhriat ngah leh huhang ngah ber pawl S.Malsawmtluanga (Mama) an lalut bawk a, khelmual chhung leh pawnah an chhawr hle tura ngaih a ni.
Mama Sulhnu :
2002 : India rama football zirna tha ber Tata Football Academy atanga Mizo zirchhuak hmasa ber a ni a, Kolkata club lian East Bengal a zawm.
2007-2008 : Chona thar hmachhawn turin Goa a pan a, I-League club Salgaocar a zawm.
2008-2009 : A larchhuahna Kolkata khawpuiah kir lehin Mohun Bagan a zawm.
2009-2013 : United Sports Club/Prayag United tan a khel.
2013 : A hmangaih hmasa East Bengal-ah a kir leh
2014 : Indian Super League club Delhi Dynamos tan ‘loan’ in a khel
2016-2017 : I-League 2nd Division club Southern Samity tan a khel
Mama hian football a khelh chhungin nomawi tam tak a chawi a, chung zingah chuan National Football League, IFA Shield, Federation Cup, Durand Cup, Super Cup leh Calcutta Football League champion nomawi te a tel a ni.
cialis india
cialis coupon cvs
viagra delivery
viagra for order