AIZAWL FC IN MINERVA PUNJAB HNEH HRAM – Rooney Opa

Estimated read time 3 min read

Hero I-League khelh mekah Aizawl FC in Rajiv Gandhi Stadium-ah Minerva Punjab FC mikhualin sikhat faiin hnehna an chang. He inkhela goal awmchhun hi Ashutosh Mehta thun niin khel tha em em mai Mahmoud Al Amna chu man of the match atan thlan a ni.

Rajiv Gandhi Stadium a inkhelah chawlhlawk hma in Aizawl FC in inkhel an thunun hle a, a pawimawh ber goal erawh an thun thei lo. Tan atanga minute 2 lekah Alfred Jaryan chuan chance tha hmuin a thun lo a, defender Lalrinzuala cross tha Kamo-an a tihluh loh pawh uiawm tak a ni. Aizawl FC midfielder Mahmoud Amna ‘class’ a lang a, a ball pass a dikin a ball drop a tha thei thin hle. Minerva lamin chance sawitur an nei mang lo a, chawlhlawk hma hretin Joel Sunday leh Loveday ten freeekick atangin chance hlauhawm an nei ve hram. Aizawl FC tan striker Kamo tha deuh se chuan sihnih lai chu thun thei tur an ni.

Chawlhlawk hma hun pekbelhah Aizawl FC in chance tha an hmu a, counter attack atanga nawr pheiin Jayesh Rane chuan Victor Amobi tihsualah ball tha a chang a, goalkeeper chip tuma petin goal kham a per hlauh.

Chawlhlawk zawhah pawh Aizawl FC in game an thunun a, minute 46-ah Lalruatthara cross tha tak mai chu Kamo-an a lo pet goal lo leh a, defender khel tha Kingsley ball vawrhluh chu Kamo-an lo la thla in hnai set sawtah Albert Zohmingmawian a thun lo ho hle bawk.

Minerva tan an chance tha ber tia sawi theih tur minute 67-ah thlengin Victor Amobi cross chu Sunday-an a tauh lut teuh hle. Aizawl FC hian R. Laldanmawia, Ashutosh Mehta leh Lalnunpuia Tlau te luhtirin chak an tum hle a, nawr viau mah se goal an thun thei tlat lo. Danmawia cross chu Ruatthara chuan lo tauhin goalkeeper Ravi Kumar chuan a save hram a, Amna pass tha tak mai Kamo-an a umlut a, Ravi Kumar hianlo dang lehin a inhliam a, thlak zui nghal a ni. Hetah hian Kamo hian goal a thun ngei dawn niin a lang tawh a, a thelh ho hle.

Huntawp a hnai a, minute 90 hnuah minute li a kal leh tawh hnuah Aizawl FC hian corner kick an hmu a, hei hi Amna chuan petin substitute Mehta chuan goal-ah a lo thun a, hei hi Aizawl FC chak na a ni zui ta a ni.

Tute nge khel ?

Aizawl FC: Albino Geovanni Gomes, Kingsley Onumneme Eze, Lalrinzuala Khiangte, Zohmingliana Ralte, Mahmoud Al Amna, Albert Zohmingmawia (Laldanmawia Ralte 61’), Jayesh Rane (Lalnunpuia Tlau 86’), H. Lalmuankima (Ashutosh Mehta 82’), Alfred Kemah Jaryan, Bayi Kamo Stephane, Lalruatthara.

Subs: Zothanmawia, Lalnuntluanga, H. Lalbiakthanga, Lalnunpuia Tlau, Laldanmawia Ralte, Lalthakima, Ashutosh Mehta.

Minerva Punjab FC: Ravi Kumar (Kamaljit Singh 78’), Vinit Rai Chanling, Manandeep Singh (Uttam Rai 60’), Simranjeet Singh, Arashpreet Singh, Souvik Das, Ayeni Joel Sunday Yinka, Kamalpreet Singh, Palsang Lama (Gurjinder Kumar 52’), Victor Amobi Ozoanibueze, Loveday Okechukwu.

Subs: Kamaljit Singh, Ramandeep Singh, Gurjinder Kumar, Anirudh Thapa, Uttam Rai, Ravindrakumar Vishal Kumar, Altamash Sayed.

ZoFooty Statistics:

Aizawl FC 1-0 Minerva Punjab FC

57% Ball Possession 43%

13 Shots 10

4 On Target 2

184 (155) Pass (Completed) 110 (75)

8 Fouls 9

4 Offside 1

10 Corner Kick 2

3 Yellow Cards 1

0 Red Cards 0

MOM: Mahmoud Al Amna (Aizawl FC)

C Tlanthianghlima

Football tui ve tak

You May Also Like

More From Author

3Comments

Add yours

+ Leave a Comment