Pu Chairman, Parliamentary Secretary Pu K.S. Thanga, kan DGP Pu Lalrokhuma te leh kan hotu dangte leh vawiin ni a club a khel tur te. Hei tukin zing ka rawn tlai a, a zia lo ka ti khawp mai a. Nizanah dar li leh a chanve, dar nga dawn ah khan Khawzawl atangin kan rawn chhuak thla a, dar 9 hnuah in kan thleng a. Sana ka en a, ka harh veleh, Dar 6:30 anih hi ka tia, kan zi marh deuh a, khumah ka la awmlaiin phone a lo kal a, dar 7:30 tlemin a lo pel zawk a. Kan tan hunah khan ka rawn thleng thei lova, nidangah chuan ka thleng thin a, tan hun hmaiin ka thleng thin mah mah a, a buaithlak zawk a. Tukin kha chu ka tihsual chhia va a ni, min hrethiam turin kan ngen che u a ni. Hei ka lo thlen hnuah pawh darkar chanve chuang in ding tawh a, thu tawite sawi ka tum hram anga.

Tunah hian kan sawrkar Pu Lalthanhawla sawrkar hnuaiah hei grass phah te a ni a, chung grass phah piah lamah chuan India ram hneh turin India rama club lar te anga khelve turin he laiah a trial-na, kha laia a qualifying, a zu khel tur, a qualified. khata team a tel tur pawh ni lo. A qualify tur ringawt pawh a khelh har tehlul nen chutiang ang khel tura in lo zuang chhuak ve thei ta hi infiammi te leh football club hruaitute, Aizawl Football Club hruaitute ka fak a, a lawmawm ka ti a.vawiin nii ah hian hnam movement tak tak chu a in tan dawn a ni a. Khawvel mi ropui ber Napolean-a indo hrat khawkheng mi huaisen chuan, “Kei chuan silai leh tharum hmangin ram ka la a, Lal Isua antih ve hi chuan hmangaihna in thatna in ram a la a, vawiin ni thlengin a ram a zau zel a ni” a ti a. Chutiang ang chuan keini chuan tharum hmang ni lovin Lal Isua chakna hmangin vawiin ni ah hian ram tinah kal a, thil siam zawng zawng hnenah chanchintha hril tura min duhna hi he kan football team atang hian kan hunserh min hmansaktu he club min hlansaktu khan a rawn sawi tawh a, khatiang ang khan kan kal dawn a, chutiang anga kan kal phawt chuan Lal Isua hian hnehtheihloh a nei lova, ngam loh a nei bawk lova, qualified loh a nei bawk lo a ni. Chuvang chuan chu ramah chuan vawiin ni ah hian nangni hian min hlangkai dawn a ni, a ropui em em.

Helai tuna in dinna pawh hi kan phah hlim chuan inkhelmite, infiammite tan chauh tur emaw min anti a, kohhran mi thenkhat te pawhin an ngaisang vak lo, min ngaihsan pui vaklo a ni. Amaherawhchu kut ni khua te, puja ni khua te a lo thleng a, helaiah kan phah hma pawhin Mosolman zawngte lukhum khumin a sang a, a sang tel an bu var huau huau a, an Pathian an fak a. khatiang hunlai khan keini Kristian zawkte hian a hreawmah pawh a nuamah pawh ti tur te hian kan peih lova mahse hetiang phah anih hnu chuan kei tehlul pawh hi tum hnih ka tel ve tawh a, hemi khat tlat hian kan Pathian ropui ber fakin helai hmunah hian kan tawngtai a, kan bawkkhup a, kan thingthi a hlim takin Pathian fakin kan zai tawh thin a ni. A ropui a ni.

Vawiin ni a sawrkar hi mipui te thlan chhuah, kohhran mite tawngtai rah chhuah a ni kan ti a, a dik a ni. Chumite tawngtai rah chhuah chuan Lalpa ropui nan zel hna an thawk a, vawiin ah pawh hian nangni hi khawvel ah kala thil siam zawng zawng hnenah chanchintha hril tura Pathian ruatte in ni ngei ang tih ka ring. inkhel ropui leh hmuhnawm tak tak te kan en thin a, an Pathian an bia a, an chhuah dawnah an luh dawnah sign Kristian sign te an han ti lang zauh zauh thin hian kan tan zual bik a ni. Pathian pawhin a hria ang tih ka ring thin. Chuvang chuan in lar pawh hi an lar chho viau zel a ni. Chutiang ang chuan thinlung leh tih tak zetin tunhma kan at laia chakna te kan nei a, hlawhtlinna te kan nei a, khatiang anga zu kan in khilai te kha hmelma hnathawh a ni tih vawiin ni ah hi chuan sawi ngai lovin kan thalai zawng zawng te hian an hre tur a ni. Chutiang tur chuan ka chah duh che u a. Mahni in control-na fel tak in neih phawt chuan hnamdang ai hian kan tha a tlem bik lova. Pathian min siam dan pawh hi ropui tak a ni tih hre rengin, chutiang zawng chuan bei turin ka duh che u a ni.

Vawiin ni ah hian kan police hotute ka fak a, hetiang ang professional tena an khelna ah hi chuan keini hi zuk inrawlve lo turin kan hotu tam takin hetiang hi dan a ni lo an ti a, chutiang chung chungin kan DC ten kan sawrkar duh dan an hria a, kan naupang te vawiin ni ah I-League ah zu qualify ve ta ni se anni tello pawhin nidang kan khel thei dawn a, midangte hmahruaitu anni tih hria in kan player te pawh in thih tha in an tang tur a ni tih hi kan chahna kan chah duh a ni a, tin hnamdang zingah hian tumah hi huphurh tur a ni lo. kan chunga leng hi tumah an awmlo Pathian ringtu te kan ni a, kan hnuaia awm vek khawvel mipuite hi anni tih hriattur ani. Chutiang ang chuan rilru chapona, huaisenna neia kan khelh phawt chuan kan aia lian te pawh hi kan tlan kual pel zung zung thei ang tih hi ka ring tlat a ni. Chutiang zawng chuan kan player kan tlangval kan chherchhuah tur zawng zawng hian bei turin ka duh che u a.

Nimin lamah Khawzawl lamah kan kal a convergence hi Mizoramah kan la hriat ngai mangloh tunah chuan a lar ta rau rau bawk kan ti a, khilai kan 2nd Battallion I.R. te khi kan sawrkar kutchhuak ngei a ni bawk a, khilai hmun a rem a, tin an duty na hmun post hrang hrangah te tan ho a tha a ni kan ti a. Kan police officer te hnenah pawh ka sawi a, police ka ni a, a thawhthat loh chuan kan chhui mai ang, kan man mai ang ti mai tur kan ni lo. Midang officer te nena working coordination tha tak nei tur in ni a, chutiang hnuaiah chuan hna thawh theih tih a chiang a ni. Hei tunah rinawt pawh hian Khawzawl a I.R. 2nd Battallion ah chuan tuizem litre nuai khat chuang pakua kan siam sak a, post hrang hrang ah te kan dah a. Khawzawl Battallion hmunah pahnih kan dah a. Tunah nuai tam tak sengin an hall kan sa a, hall nalh tak, fel tak, tha tak, thianghlim tak, hall dang zawng zawng ai pawha entawn tlak zawk niawm tak niminah kan han hawng a. Chutiang piah lamah kan Sports Minister in cheng nuai sarih basketball leh volleyball court sakna tur siamna tur min thawn bawk a, chutiang ang chuan hna kan thawk a, sportsman te tan vawiin ni ah hian he sawrkar hi chu sawrkar rangkachak a ni tih hi in hriat a, nakin zelah nu leh pa te tan sportsman chauh tan a ni lova, nu leh pa M.A., B.A. pass ve theilo, neive zo lo te tan pawh vawiin ni ah hian kan faten kan Mizo tlangvalte chuan vaibelchhe khat, vaibelchhe hnih dawnin kumkhat session ah an hlawh thei tawh ani.

Hmanni ah ka sawi a, kan hmaah Chief Secretary hlui te an thu a, “Kumkhatah nuai za in hlawh ve ngai tawh em?” ka ti a. “A teuhlo lutuk” anti. Chutiang ang hlawh chhuak thei tur chuan vawiin niah hian tih takzeta tan in lak chuan in ti thei a ni. In awhawm dawn hle a ni. Zoram siamtu thalaite hmakhua sulsutu in nih ngei ka beisei a. In tihna kawng chi tin rengah tha taka in tih a, in thinlung tak tak in ‘Lal Isua ka duh ber min hruaitu atan’ in tih phawt chuan a hruai ngei ang che u, tih hi ka beisei a ni. Ka lawm e.

(Vawiin ni 14.1.2012 a neih Aizawl FC 2nd Division I-League Training Kick-Off Programme a Home Minister Pu R. Lalzirliana thusawi a ngai ngaiin kan rawn tarlang e)