AJAX RAWLTHAR RUALIN LYON AN CHING CHAU – Lawmkima Hmar

Estimated read time 2 min read
Ajax Amsterdam 4-1 Lyon FT
Ajax : Bertrand Traoré 25’, 71’, Kasper Dolberg 34’, Amin Younes 49’
Lyon : Mathieu Valbuena 66’

Zanina Europa League semi-final match hmasa zawk khelhah Ajax Amsterdam chuan an mikhual Lyon chu 4-1 a lo hnehin final lut turin dinhmun tha takah an ding ta.

Mikhual team Lyon in bul an tan tha zawk a, mahse, an hmatawng te an bil lu deuh. Ajax hian cross ball an neih hmasak berah goal thunin hemi hma hian Lyon chuan vawi 8 zet cross mah se goal-ah an chantir thei lo.

Minute 25-naah Chelsea atanga Ajax in an hawh mek kum 21 mi Bertrand Traoré chuan Hakim Ziyech ball vawrhluh chu box chhung atangin a tauh goal. Traoré hian tun season Europa League-ah goal 3 thun tawhin assist vawi 4 a nei tawh nghe nghe.
.
Lyon insiamthat tum mahse rawlthar thaza rual hmaah an talbuai chhunzawm a, an goal khatna an chhuah atanga minute 9-naah Traoré chuan a khelhpui kum 19 mi lek Kasper Dolberg tana pet rem takin a tauh sak a, Dolberg hian tun season-a a goal 20-na atan a lo hmang.
.
Chawlhlawk hnuah pawh mikhual team tan thawk lakna tur a vang! Goal khatna siamsaktu Hakim Ziyech chuan Amin Younes tan siamsakin an hmahruaina belhchhahin a awm.
.
Lyon an kuangkuah mai mai bik lo. Pa te ball thiam Mathieu Valbuena chuan September 20, 2012 daih tawha European competition-a a goal thun a chhunzawm. Mahse, he goal hi Ajax tiphurtu mai a ni. Hakim Ziyech bawk rawn inlarin Traoré tan ball tha tak a pe a, ani’n a ke veilamin a awlsam takin a lo thun.

Dutch team te tunhmain Europe-ah che tha thin mahse kum 1996 hnu lamah an ropui lova, tun tum hi kum 1995 daih tawha Ajax in 5-2 a Bayern Munich an hneh hnua Dutch club in European semi-final/final a goal 4 an thun tlin leh hmasak ber tum a ni.

Tin, assist vawi 3 neitu Hakim Ziyech hi European completion semi-final china match khata assist vawi 3 nei thei awm chhun a ni ta bawk. Tun tum hi Ajax tan an muala inelna hrang hrang an hmachhawn a vawi 12 an chak zawnna a ni ta.

C Tlanthianghlima

Football tui ve tak

You May Also Like

More From Author

2Comments

Add yours

+ Leave a Comment