#ZoFooty
AMFLC General Body Meeting
Nimin (19/11/2021) khan Association of Mizoram Football Licensed Coaches (AMFLC) chuan Thara Resort-ah a vawikhatna atan General Body Meeting an hmang a, he hun hi Pu Robert Romawia Royte, Minister, Sports & Youth Services leh Pu Lalnghinglova Hmar, Honorary Secretary, Mizoram Football Association te chuan an hmanpui a ni.
Session thum ah then niin session hmasa berah Pu Robert Romawia Royte chu khuallian a ni a, Lalhmangaihi Zote , Sports Nutritionist, Mizoram State Sports Council chuan presentation a pe bawk.
Session hnihna erawh rorel inkhawm niin hruaitu thar thlanna neih a ni bawk.
Heng mite hi 2021-2024 chhunga AMFLC Office Bearers tura thlan chhuahte anni.
Danny Lalduhawma
Samson Ramengmawia
HC Zarzoliana
Lalrintluanga (Saitea)
S.Malsawmtluanga
Jonathan C Lalrintluanga
Thlanchhuahte hian remchangah post an in siamrem ang.
Rorel inkhawmah hian thil pawimawh tak tak an rel a, chung zinga langsar ber chu pakhat chu coach rawih man chungchang a ni. Rawih man tarlan hi a rawih theihna tlawm ber a ni.
AFC A & B License rawih man : Rs.30,000/-
AFC C License rawih man : Rs.25,000/-
AFC D License rawih man : Rs.15,000/-
AFC E License rawih man : Rs.8,000/-
Session thumnah ah hian Pu Lalnghinglova Hmar chu khuallian niin hemi session zawhah hian zanriah kilho nghal a ni.
AMFLC hi February 22, 2019 khan Aijal Club ah din a ni a, tun țum hi General Body Meeting an vawikhat neihna a ni.