And the Reds goes marching on… Manchester United 1-0 Everton

Date 23 April, 2011
Manchester United chuan Old Trafford ah an mikhual Everton 1-0 in an hneh a, champion an hnaih tawh ngei mai.
He inkhel ah hian Mexican rawlthar tlanchak Hernandez chuan minute 84 na ah United chakna goal a thun, England-a a debut season ah goal 19 a thun tawh.
Tute nge khel?
Manchester United (4-2-3-1) : Van der Sar; Fabio, Ferdinand, Evans, Oshea(Evra 57′); Gibson (Giggs 74′), Anderson; Valencia, Rooney, Nani (Owen 62′); Hernandez
Everton (4-5-1) : Howard; Hibbert, Jagielka, Distin, Baines; Coleman (Gueye 75′), Neville, Rodwell, Osman, Bilyaletdinov (Cahill 45′); Beckford (Anichebe 45′)

He inkhel ah hian a tir atangin United an chungnung zawk a, a sir tawn tawna winger tlanchak pahnih hmanga an nawr chu hmuhnawm tak a ni. Chance tha tak tak pawh an nei nual a, mahse Everton keeper Tim Howard leh defender te chetthat ni a ni ve tlat a, goal an thun hleithei bik lo.
Second half ah Everton tan Cahill te rawn lutin an game a zia hret a, mahse goal a hlauhawm zawk chu United tho an ni. Nawr viau ringawt mahse a pawimawh ber goal an thun thei lo a, hun tawp nan minute 6 chiah a awm tawh, 0-0 a la ni. Mahse a tawp ah chuan United chu United an lo ni nge nge a, vawi tamtak an lo tih tawh thin angin huntawp dawnah goal an khung leh ta. Dinglam sir atanga Valencia ball cross chu hnai set sawt atangin Javier Hernandez chuan a lo head goal, Old Trafford mipui au thawm chu ring tak a ni. Hun a tawp zui a, United in kut khingkhatin nomawi an dawm thei ta.

Javier ‘Chicharito’ Hernandez
‘The Sweet Pea’ tia a hming lem an vuah sak hi chher hriam te te a, kum 2 hnu vela khel tan tak tak chauh tura an lei a ni a, mahse Sir Alex leh United fans te beiseina zawng zawng khumin United player pawimawh ber pawl a ni nghal thei. A tlanchak a, a taima a, a movement a fing em em a, goal pawimawh a thun thei em em bawk. Kum 22 chauh a la ni a, Wayne Rooney nena an inkawp hi United history a striker inkawp fuh ber an la ni lo ang tih a sawitheih loh.

Game 4 ah point 7.
Manchester United hian game 4 khelh tur an la nei a, point 7 an hmuhbelh chuan an champion chiang tawh ang. Hei hi thil harsa vak niin a lang lo a, mahse heng game 4 zingah Arsenal (away) leh Chelsea (home) a la awm. Karleh ah Arsenal nen an intum dawn a, an chak chuan umphak theih loh tluk an ni tawh ang a, an chak loh erawh chuan Chelsea leh Arsenal te an phur thar leh ang. Title race a la hmuhnawm zel dawn e.

One thought on “And the Reds goes marching on… Manchester United 1-0 Everton

  1. Pingback: order cialis online

Leave a Reply

And the Reds goes marching on… Manchester United 1-0 Everton

Date 23 April, 2011
Manchester United chuan Old Trafford ah an mikhual Everton 1-0 in an hneh a, champion an hnaih tawh ngei mai.
He inkhel ah hian Mexican rawlthar tlanchak Hernandez chuan minute 84 na ah United chakna goal a thun, England-a a debut season ah goal 19 a thun tawh.
Tute nge khel?
Manchester United (4-2-3-1) : Van der Sar; Fabio, Ferdinand, Evans, Oshea(Evra 57′); Gibson (Giggs 74′), Anderson; Valencia, Rooney, Nani (Owen 62′); Hernandez
Everton (4-5-1) : Howard; Hibbert, Jagielka, Distin, Baines; Coleman (Gueye 75′), Neville, Rodwell, Osman, Bilyaletdinov (Cahill 45′); Beckford (Anichebe 45′)

He inkhel ah hian a tir atangin United an chungnung zawk a, a sir tawn tawna winger tlanchak pahnih hmanga an nawr chu hmuhnawm tak a ni. Chance tha tak tak pawh an nei nual a, mahse Everton keeper Tim Howard leh defender te chetthat ni a ni ve tlat a, goal an thun hleithei bik lo.
Second half ah Everton tan Cahill te rawn lutin an game a zia hret a, mahse goal a hlauhawm zawk chu United tho an ni. Nawr viau ringawt mahse a pawimawh ber goal an thun thei lo a, hun tawp nan minute 6 chiah a awm tawh, 0-0 a la ni. Mahse a tawp ah chuan United chu United an lo ni nge nge a, vawi tamtak an lo tih tawh thin angin huntawp dawnah goal an khung leh ta. Dinglam sir atanga Valencia ball cross chu hnai set sawt atangin Javier Hernandez chuan a lo head goal, Old Trafford mipui au thawm chu ring tak a ni. Hun a tawp zui a, United in kut khingkhatin nomawi an dawm thei ta.

Javier ‘Chicharito’ Hernandez
‘The Sweet Pea’ tia a hming lem an vuah sak hi chher hriam te te a, kum 2 hnu vela khel tan tak tak chauh tura an lei a ni a, mahse Sir Alex leh United fans te beiseina zawng zawng khumin United player pawimawh ber pawl a ni nghal thei. A tlanchak a, a taima a, a movement a fing em em a, goal pawimawh a thun thei em em bawk. Kum 22 chauh a la ni a, Wayne Rooney nena an inkawp hi United history a striker inkawp fuh ber an la ni lo ang tih a sawitheih loh.

Game 4 ah point 7.
Manchester United hian game 4 khelh tur an la nei a, point 7 an hmuhbelh chuan an champion chiang tawh ang. Hei hi thil harsa vak niin a lang lo a, mahse heng game 4 zingah Arsenal (away) leh Chelsea (home) a la awm. Karleh ah Arsenal nen an intum dawn a, an chak chuan umphak theih loh tluk an ni tawh ang a, an chak loh erawh chuan Chelsea leh Arsenal te an phur thar leh ang. Title race a la hmuhnawm zel dawn e.

Leave a Reply