Anfield ah Liverpool leh West Ham Inngam tawk!

Liverpool in an mikhual West Ham an draw a, point 31 hmu in hmahruaitu Chelsea lakah point 6 in an hniam ta. Chutih laiin West Ham erawh season bultan that lo insiamrem chho in point 13 an hmu ta a, table ah 17 na ni in relegation zone a chhuahsan ta.

Inkhel te :
Liverpool XI: Karius, Clyne, Lovren (Klavan), Matip, Milner, Henderson, Wijnaldum, Lallana, Mane, Origi, Firmino
Liverpool subs: Moreno, Lucas, Mignolet, Ejaria, Woodburn, Alexander-Arnold

West Ham XI: Randolph, Nordtveit, Reid, Ogbonna, Cresswell, Noble, Obiang, Antonio, Lanzini (Fernandes), Payet, Ayew (Carroll)
West Ham subs: Adrian, Fletcher, Browne, Quina, Pike

Liverpool tan Bournemouth khelmual a mualpho Karius chuan Liverpool si ban a rawn veng leh a, inhliam damkawr Lallana in starting line up a chang bawk. Liverpool in inkhel bul tan tha in min 5 na lek ah Lallana chuan Milner ball pek chu tha takin box ah lo dawngin mawi zet in a pet goal nghal a, Anfield boruak a tha nghal hle.

Liverpool game rang tak khel in nawr viau mahse Payet chuan free kick hmang tangkai in min 27 na ah mawi takin goal a khung a, 1-1 a ni. Liverpool in goal an chhuah hnuah am zia an chhuah leh a, an game pangngai an khel theilo. Min 39 na ah West Ham rawlthar M.Antonio chu ti goal in 1st half ah West Ham in hman an hruai.

2nd half ah Liverpool tan tunlai goal khung thei tak Origi chuan min 48 ah goal a khung ve leh a 2-2 a ni. Liverpool hian goal atempt 18 lai nei mase goal zawnah vawi 3 chiah an pet a , attemp vawi 7 nei goal zawn a vawi 3 pet West Ham nen an inhnehtawk ta ni.