Tunkar tawp English Premier League inkhel mit la berah Liverpool leh Tottemham chu goal hnih ve ve thunin an inhnehtawk a, inkhel tawp lamah thil thleng langsar a tam.
Inkhel tan hnu lawkah Tottenham midfielder Eric Dier a chesual a, a ball pass sual chu Spurs penalty area bul hnaia awm, goal thun chaka tuihal Mohamed Salah chuan The Reds hmahruai na’n a thun.
Goal thuntu Liverpool an hlauhawm zui lo va, ball chang tam zawk Tottenham in an si phurh sut tur khawpin an khel chhuak zo bik lo. Second half-ah pawh hun tawp lamah hmuhnawm a thleng chauh.
An si phurh sut tum Spurs chuan minute 79-naah Dembele la chhuakin defensive midfielder tharum hlira khat Victor Wanyama an luhtir. Kenyan player kum 26 mi hian a ball khawih hmasak berah Eriksen-a cross Liverpool goalkeeper Karius-a nam per chu yard 35 vel zeta hla atangin kawh takin keeper dinglam kilah a kangin a hlap luta, an si phurh a sut. A dam chhungin khatiang khan a tinawn tawh kher lo vang.
An si phurh an sut hnuah mikhual team hian hmahruaina hun tha an nei. Offside position-a awm Harry Kane chu ball an pe, hei hi Liverpool defender Lovren chuan tawk hlekin Kane hian a la, Karius chuan lo titluin penalty a chawi.
Linesman in Kane hi offside position-ah a awm tih a hmu chiang, mahse, referee Jonathan Moss chuan Lovren hian ball a khawih ngei tih a hmuh avangin penalty a din tlangtir a, Kane chuan keeper zawn takah petin hun pawimawhah penalty a hlah.
Hun pek belhah goal khatna thuntu Salah rawn inlar nawnin Hugo Lloris-a man phak lovin a ‘chip’ goal leh, hma an hruai zui.
Minute 93-na a ni a, Argentine forward bench atanga lut Erik Lamela chu khawvela defender man to ber Vargil van Dijk chuan a malah a pet tiin linesman chuan foul a phar a, Tottenham in penalty an hmu a, Kane hian goal-ah a chantir. Enchianin Van Dijk khan a ke a khai let a, Lamela kha a pet fuh lo niin a hriat.
He penalty avang hian chak tlang tura inngai Liverpool in point hnih an hloh a, vawi khata khel tam chungin Chelsea lakah point khatin hma hruai mah se, 4-naa tla thei thei dinhmunah an din phah.
Aigupta tlangval Mohamed Salah tan zan chhinchhiah tlak niin Liverpool tan Premier League game 25 atangin goal 21 a thun ta a, Liverpool player zinga Premier League-a goal 20 thun tling tura game mamawh tlem ber a ni.
Inkhel pumpuiah mikhual team hian 66% zet ball changin goal thun tuma vawi 13 an pet zinga 6 chu goal zawnah a kal a, Liverpool hian 34% ball changin goal thun tuma vawi 9 an pet zinga 3 chu goal zawnah a kal a ni.
The Reds hian karleh Pathianni hian Premier League-ah Southampton an hmachhawn ang a, Tottenham hian FA Cup fourth-round replay-ah Nilaini zan hian Newport County an hmachhawn phawt ang a, Inrinni zan dar 11 hian North London match Wembley Stadium-ah Arsenal an lo mikhual ang.
Liverpool 2-2 Tottenham (FT)
Mohamed Salah 3′ 90’+1 – Wanyama 80′, Kane 90’+5 (pen)
Missed penalty : Kane 83′
cialis pills
cialis canada
Buy cheap cialis online uk
Buy cialis online canada