Kan hma lawk, March ni 2, 2012 khian Mizote kûtpui Chapchar Kut hman a ni leh dawn a. Aizawlah chuan Chapchar Kut hi AR Lammual-ah hman tum a ni. Hemi chungchangah hian January ni 31, 2012 (Thawhlehni) khan Art and Culture Minister leh Chapchar Kut Organising Committee chairman Pu PC Zoramsangliana chu MFA leh ADFA official-te’n an hmu a, Lammual hmang lo tura lehkha hrang hrang – MFA, District FA, Aizawl DFA hnuaia City Zone leh Second Division-te lehkha, MFA 1st Division club-te ziah chu thehluh a ni.
MFA official media partner Zofooty chuan Thawhlehni-a MFA lehkha thehluh bik hi a ngai ngaiin MFA hruaitute hnen aṭangin a dawng a. A hnuaiah hian tarlan niin, uluk takin chhiar ila, comments lamah ngaihdan kan sawiho dawn nia.
——————————————————————————————————————————————
To
The Organising Chairman,
Chapchar Kut Committee, 2012
Subject: AR Lammual-a Chapchar Kut hmang lo tura ngenna
Mizoram Football Association hmingin chibai ka buk a che
March 2, 2012-a Chapchar Kut lo awm tur AR Lammuala hman tumna a awm tih Mizoram Football Association chuan a hria a, he khelmual hi football khelhna tura artificial turf phah a nih tawh avangin Chapchar Kut hi hmang lo tura ngen ni se tiin MFA Executive Committee, January 16, 2012-a \hukhawm chuan a rel a, chuvangin kum 2012 Chapchar Kut hi hmun danga hmang mai turin kan ngen a che.
Kum 2011-a AR Lammuala artificial turf chunga Chapchar Kut hman a nih avang khan mipui lâmna hmun leh puipunna hmunhmate tun thlengin a la bel hun mai a, ngai a awh thei tawh lo. Tun hnaiah Rajiv Gandhi Stadium, Mualpuia artificial turf phah tura lo kalte’n Lammuala artificial turf hi an khâwl hmangin kai tho (siam tha) thar leh a, football khelhna turin line marking pawh an ti thar leh a, chuvangin Lammuala Chapchar Kut hmang lo turin kan ngen che a ni.
AR Lammual hi Mizote tan khelmual hlu bik, tun hma aṭang tawha Chapchar Kut leh hun pawimawh dangte pawh lo hman tawhna a ni tih MFA chuan a hria a; nimahsela Republic Day-te meuh pawh khelmual dangah a hman theih avangin hmun danga Chapchar Kut hman hi thil theih a nih ngei MFA chuan a ring a, kan sorkarin football khelhna tura sum tam tak senga a siam artificial turf humhalh hi MFA chuan a tum tlat a ni.
Lammuala Chapchar Kut hman a nih leh chuan thil dang atan pawh hman zui zel an tum ang tih MFA chuan a hlauthawng a, tunah chuan artificial turf thar kan lawmna boruak pawh a reh ṭan tawh a, chuvangin Chapchar Kut hi Lammuala hmang lo turin Mizo footballer zawng zawng leh football ngainatute aiawhin ka ngen a che.
Lalnghinglova Hmar
Honorary Secretary
Mizoram Football Association
—————————————————————————————————————————————-
is cialis generic
cialis 20
how much is cialis
online cialis
viagra online usa
Buy viagra discount
Hmang suh se. Duh leh mahni veng tinah hman mai tur. A huhova pawisa seng teuhva hman kher thin hi a tul lo.
Kan ram hruaitute hi w..ti hian ram ka hmagaih cu an ti ve thin si amw!!vai ho zara harsa taka kan neih ve twk2 hi humhalh pw an tumlo amw!mi state leh khwvel dag pw ina an roh zia an hre ve tho ani lwm ni..phai le sap ram thleg2 a kal zur zut te cuan heg thil te hi cu swi2 gai lova hriat ve wm asin le..an mwl em mai…
Hei hi a va tha ve le.. Republic day poh hmun danga an hman theih chuan, Kut poh hi an sawn ve thei ngei ang le kan Ministerte’n hmathlir an thiam chuan
Ka thlawp chiang kuang e
Football khelhna tur a turf an phah ah chuan kut hmanglo ngam ve mai se tih hi ka ngaihdan a ni e….
Hetianga hma an la hi MFA te an fakawm khawp mai. Lammual hi a hman hman in an hman ringawt chuan kar lovah kan chil chhe mai ang. Hetihlai hian kawng lehlam ngaihtuah chun MFA te hian hma an la har mah mah zawk a ni… Chapchar Kut hman mai piahlamah hian tun hnuah chuan a duh nazawng hi hman phal tawh lo turin sorkarah ngen a chutiang ang chuan Sport Deptt. hruaitute pawh hrilh nise. AR ho pawhin sorkar a strick na na chuan an hrethiam ve em em ang. Sawi tur a tam lutuk…….
Football ngainatu tan lo poh, artificial turf chunga cheraw kan leh a te a nawi a tualchai chu thil tih chi ani lo hrim2 ani. Hmun dang ah chuan an phah leh mythei mahse lammual grass a chhiat avanga phah that leh chu a hla toh viau ang le
Kei chuan Ben-a sawi pahnih hi 1000% in ka thlawp, Mizoram ah hian Professional club hotu tam tak an lo kal tawh a, an thurawn pawh a ngai vek “Lammual hi dim rawh u” tih hi ani, Ni e Lammual chungah ngei Cheraw han kana han inchai vel te chu tupawn kan chak ang chu, nimahsela thalaite hmakhua thlira kan dim thiam angai ani, kan hmang lui dawn anih chuan an tal tal in tal sela, a chhiat chhiat in chhe rawh se tihna ang vel ani…….
Hman duhtu te ngaihdan pawh a dikna chen a awm. Lammual hi inkhelhna atan chiaha siam a ni lo. Chaimual te pawh ti ila a dik ang. Mahse sum tam tak kan sen tawhna hi a hmelhem a, thawmthat leh nghal a nih mai dawn loh chuan hmun dangah Chapchar kut i hmang ang u…
Football a thahnem ngaihna rilru dahtha in Chapchar kut hmanna atana Lammual hman hi 100% in ka support lo……. Kan ram hruaitu te hian Thalaite hmakhua ngaiin phul lem hi an phah nge, Chapchar kut hman na khu thin lutuk tih reh nan chhuan lama infiam mite hmang siin an phah??? Thalaite infiammi te hmakhua an ngai a nih chuan hmun dang an ngaihtuah a ngai. A hlawhchham phah ka ringlo. Amaherawhchu Kut hman avanga a hmelhem leh chhe lai deuh an thuam tha leh vek dawn a nih chuan thuhran..
Chapchar Kut, concert leh puipunna a hman mai mai tur atan Lammual ah Artificial Turf an phah lova, Football khelh nan an phah ;> Chuvang in Football khelh nan chauh hmang rawh se. MFA ka thlawo e 🙂
hei hi chu kan la buai xel dawn nih hi a……hmun danga an tih ang hian a grass chhiat loh nan a chungah hian layer phah tur awm se tha tur nia…thenkht lahin LAMMUAL alom chapchar kut poh kan hmang ang an ti trung hlom bok sia
Nia, stadium tha leh tlo kan duh chuan hei hi a ngai, mahse mizo rilru ah chuan lammual ngeia hman chu a chakawm khawp ang le