June ni 9 zanrei, Mizo mipui leh khawvela football ngainatu tam zawkin Euro 2012 a Germany leh Portugal intum kan en lai khan MetLife stadium, New Jersey (USA) ah khawvela football thiam ram pahnih Argentina leh Brazil ten friendly match hmuhnawm tak an khel a. Argentina innghahna Lionel Messi chuan hattrick siamin, Argentina hi 4-3 in an chak a ni.
He inkhel hi mipui 81994 zetin a hmunah an en a, friendly match ‘mai mai’ mah nise football thiam ram pahnih inkhel hi entu an tlem lo. Goal 7 a lut a, red card pahnih a awm a, khawvela players ṭha ber ber ten attacking football hmuhnawm em em mai min hmuhtir tluan parh bawk.
Team Lineups:
Argentina (4-3-3): Romero; Zabaleta, Fernandez, Garay, Rodriguez (Campagnaro 88′); Mascherano, Gago, Sosa (Guiñazu 61′); Higuain (Ezequiel Lavezzi 88′), Lionel Messi, Di Maria (Kun Agüero 74′).
Brazil (4-2-3-1): Rafael Cabral; Rafael da Silva (Danilo 80′), Bruno Uvini, Juan, Marcelo; Sandro, Romulo (Casemiro 74′); Hulk (Lucas 83′), Oscar (Giuliano 60′), Neymar; Leandro Damiao ( Alexandre Pato 67′).
Inkhel chanchin:
Brazil line up hi en la, hriat loh i nei fur ang. Brazil hian U23 players an luhtir deuh fur a, mahse Hulk, Neymar te ho an awm avangin an goal nawr a na dawn tih a chiang. Argentina tân Aguero a start lo a, Higuain, Messi leh di Maria te tlarhma-ah an awm.
Naupang rual Brazil hian a tirlamah inkhel an thunun zawk a, tlarhmaah Neymar leh Oscar ten Argentina defence an sutlang zeuh zeuh. Minute 23 ah goal an thun ta nge nge a, Neymar freekick pet chu penalty box chhunga vengtu mumal nei lo Romulo chuan a thun. Hei hi Argentina defender te marking ṭhat loh vang a ni. Team pahnihten goal venhim aiin goal nawr nuam an ti zawk ve ve a, MetLife stadium a mipui pungkhawm leh TV a lo entuten attacking football hmuhnawm tak kan hmu.
Argentina hi a tirah bet deuh zawk mahse khawvela footballer ṭha ber an nei miau a, an siphurh an sût har lo. Minute 31 ah Messi chuan Higuain trough ball ṭha tak chu lo changin a pet goal a. Minute 34 ah Messi bawkin a thun leh a, di Maria nen an in one-two hnuah mawi takin keeper a bum a, khel ṭha lo zawk nia lang Argentina in hma an hruai ta daih mai. Messi goal pahnihte hi Brazil centre back pahnih Juan leh Bruno Uvini te inman tawk loh vang a tih theih ang.
Hemi hnu hian Brazil in Neymar, Hulk leh Oscar te hmangin chance an nei leh a, Argentina pawhin Higuain hmangin an thunbelh teuh hle bawk. First half ah team pahnihte an inhnehtawk hle a, Brazil an khel ṭha hret a, Argentina finishing a tawih zawk a tih theih awm e.
Second half ah goal li
Second half an ṭan a, Brazil in an siphurh sût tumin an nawr a, Argentina in thunbelh an tum bawk a. Team ṭha pahnih inkhel, inhlau miah loa an innawrtawn pawp pawp hi hmuh tur a vang ṭhin a, chuvangin he match hi tunhnaia international football match ah chuan a hmuhnawm ber pawl a ni ngei ang. Second half tirlamah phei chuan lehlam lehlamah ball a thleng tawn zung zung a, goal chance kan hmu mawlh mawlh a. Brazil tân Hulk a pui a, Argentina in Higuain leh di Maria hmangin an thun teuh hle bawk. Inkhelh ṭan hmaa mipui hmuh châk Neymar leh Messi te pawh beisei ang ngeiin an khel ṭha e.
Pet goal an tum bawk a, goal pawh a lut mawlh mawlh mai. Minute 56 ah Internacional a khel dun, Leandro leh Oscar te ‘combi’ fuh zet aṭangin Oscar hian Brazil siphurh sûtna goal a thun a. Hei hi Brazil tâna a goal thun hmasa ber a ni nghe nghe. Minute 72 ah Neymar corner aṭangin Hulk chuan Brazil goal thumna a thun a. Heng goal hnih inkara goal chance zawng zawng chu sawi vek sen pawh a ni lo e.
Argentina coach in Aguero a luhtir a, Manchester City striker hian minute 3 lek hnuah assist a nei nghal. Minue 76 a a corner pet chu Federico Fernández chuan a lo head goal a. 3-3 a ni tawh. Neymar leh Messi ten chance ṭha zet zet an neih leh hnuah Barcelona record siamtu hian minute 85 ah Argentina chakna goal a thun ta. Barcelona tâna a tih fo ṭhin angin ball a tlanpui leh chiam a, Brazil goal chungkilah mawi em emin a pet lût. Hetiang goal hi chu Messi te ho chauh thun theih chi a ni. Inkhel ropuiah player ropuiin goal ropui hmangin chakna goal a thun a, hei lo liama inhmeh a awm chuang dawn em ni?
Minute 91 ah lut thar Lavezzi (Argentina) leh Marcelo (Brazil) ten red card an hmu ve ve a. Inkhel chhinchhiahtlak tak hi a tawp titih zui. Argentina an chak a, Brazil players naupang rual puitlin hun hi ramdangin an va huphurh dawn tak em.
Goal a luh tam hi chuan attacking players te en bik hi a awl ṭhin a. Brazil midfield-a roreltu Oscar leh Argentina midfielder Gago te an khel ṭha takmeuh a ni. Inkhel hmuhnawm chungchuang a ni a, attacking football ropui kan hmu a, defender te erawh inchhuang thei an awm lo ang.
Hetiang inkhel hmuhnawm ka en chang hian, engvanga football atchilh nge ka nih ka hrechhuak leh ṭhin.
How to get viagra in canada
Canada viagra
Leo Messi era leh kan generation a in nang hi chu fam ta te leh la pianglote kan hlepna ber pakhat a ni
Hetiang ang inkhel hmuhnawm ka en chang hian eng vanga football atchilh nge ka nih ka hrechhuak leh thin tih lai te khi kei chuan super like.
Post ngaihnawm takzet..ahmuna en angmai lawm kan nhle..last line khian en mintichak ve zual,Khawvela karam tanber Brazil in U-23 team tirchunga Argentina an hnehtheitep hi thulawm wm tak ani..world cup ka nghak hlel twh tak jet kan bwn dawn tih ka chiang..Messi worldcupa achamp hunah chauh khawvela ropuiberah ka ngai ang..
Euro buapui reng rengin kan khawsa a, kan lo en lo hlawm anih hi mawle. A hmuhnawm hmel rem rem hle mai a. Khawvela ka tan ber BRAZIL ten U-23 team ang deuh thova Argentina an tum tawk hi a lawmawm ka ti a.. BEiseina ka nei sang khawp mai. tIN, Messi hi ram tan pawn a che tha chho zel chu nih hi maw..Good post
Keini chuan euro kha result hriat nan kan en zeuh zeuh chauh a ni…friendly ka en tawh chinah a aia hmuhnawm ka la en lo…hial awm e, mesi khan capt. nih a tlin khawp mai! An 2 hian 2014 w.c ah an tawrhhlelhawm ngawt ang.
Hepa tak hi cu w.ramtan leh club tan tun season ah goal 82 thun twh..ramtan match hnuhnug pali ah goal 8 thun twh bwk.khawvela player thiam ber cu ni tawh mai thei mhs ropui ber tur cuan world cup a champion ala gai.han tag jel teh se
ronaldo ropuia(pathaua) kha a ropui ka ti zok in tunlai ronaldo ai chuan….tournament ropuia che tha thin a nia
Ngaihnwm ve,en ang tho kan ni ti ve te’ng,i twngkam han chhehvel jwng2,a bikin last para leh chunga comment te khi ka like e,Messi ropui zanah Ronaldo a inthukru(Messi swi cuan Ronaldo hming lam tel gai deuh tlt jelin ka hria a)
Ngaihnwm ve,en ang tho kan ni ti ve te’ng,i twngkam han chhehvel jwng2,a bikin last para leh chunga comment te khi ka like e
Messi hi kei chu sawisel na vak tur ka hre tawh lo, khawvela footballer piang tawh a ropui ber ani.(Messi fans ka ni lo nia)
Brazil hi world cup leh a ka tan tur.