Arsenal in Spanish midfielder tha Santi Cazorla chu Pound 15ml vel bawr in an lei fel ta, Malaga atang a lut Cazorla hian pre-season training Arsenal in an neih na Germany lam a pan nghal a ni.

Kum 27 mi, Spanish player of the year 2007 lo ni tawh Cazorla chuan “Khawvel team tha ber pawl ka zawm thei hian min ti phur a, chubakah Premier League ka khel thei tur hi ka hlim  a ni, Arsenal hian player tha tak tak, leh Stadium ropui tak bak ah, fans te an nei tha a, an inkhelh dan style pawh a ropui avangin khawvel pawh in a hria  a ni,ka theih tawp in khelh ka tum a, Arsenal tan trophy lak ngei ka tum ang ” a ti. Arsenal boss Wenger chuan “A ni ang kan sign thei hi thil lawmawm tak  ani, experience club leh ram ang ah pawh a nei tha a,  amah hi hmun hrang hrang ah a chhawr theih a, attacking midfiel bakah mual sir lehlam lehlam ah a khel thei a, a laiah a khel thei bawk a, Arsenal tan chuan hetiang player tha kan lei thei hi thil lawmawm tak a ni” a ti bawk.

Arsenal hian Podolski leh Giroud te an la tawh a,Season thar ah chuan tih mai mai an tum tawh lo tih a hriat hle. Chutih laiin an captain Robin Van Persie chuan contract a la sign duh lo chhunzawm zel a, amaherawhchu Arsenal traning a zawm ve reng a, Podolski club hlui Cologne nen friendly match an khel tur ah pawh a tel dawn a, Walcott erawh a chhuah tur thuthang a awm tawh lo bawk.  Arsenal hian Real Madrid atang in Nuri Sahin  chu loan a lak an tum mek bawk a ni.