ARSENAL AN DAM KIM THAWKHAT – Ema Ralte

Naktuk zana Arsenal in AC Milan an mikhual turah Gunners tan inhliam avanga first leg khel ve thei lo full-back pahnih Hector Bellerin leh Nacho Monreal te chu an inlan theih tur thu Arsene Wenger chuan a sawi.

Spanish full-back pahnihte bakah hian hliam tenau neih Shkodran Mustafi leh Mesut Özil te pawhin Milan hi an hmachhawn thei dawn a, tin Gunners in Watford an hneh zana inlan lo Laurent Koscielny leh Aaron Ramsey te pawhin Genarro Gatusso naute an hmachhawn thei dawn a ni.

Gunners player zingah a khup zai Alexandre Lacazette chuan a khup an zai hnua a vawikhat nan vawiin khan team training a zawm a, full training erawh a la nei thei lo thung a. Ani bak hi chu Wenger-a teamte hian Santi Cazorla chiah inhliam an nei tawh a ni.

Arsenal hian Europa League Round of 16 first leg ah San Siro ah AC Milan chu si hnih faiin an lo hneh tawh a, naktuk zanah Quarterfinal luh tumin Milan an lo mikhual ve leh thung dawn a ni.

 

Posted in Arsenal FC, News, Rampawn.

Leave a Reply

Or