Arsenal team kan hria. Player quality tha awmkhawmna nimahse beisei anga season tawp khar lo kumtin anni ti ila ka sawi sual awm lo ve. Manager ropui Arsene Wenger-a’n future plan ropui tak neiin a scout te a ti chak a, kum 10 kalta atang tawha a buaipui ber chu Arsenal Acedemy-ah player naupang fuankhawm tira sum hmang tam siloa club ropui din a tum. Chung a player te chu a beisei ang ngeiin an lo tha chak a, club dangah chuan nise reserve team-ah la khel awm rual tak takte chu Arsenal-ah chuan a starting 11-ah an tel pha nawk tawh mai a ni. Hei hi Arsenal club chhiat vang ni lovin naupang thang duang an ngah vang a tih theih awm e.
Chutiang chuan future plan ropui tak nei Arsene Wenger chuan a ngaihdanah a ding nghet tlat a, player a lei pawhin naupang tha bawk a la leh nge nge thin. Amaherawhchu, kum 6 chhung teh meuh mai no-mawi chawi lova an awm takah chuan player-te leh club fans-te’n enge footbal club tih tur tih zawhna a lian tual tual a, an tih tur lian ber pakhat chu chawimawina nopui dawng phak a inkhelh a, cup lak a ni tih a lian ta tulh tulh mai a nih hi.
Nikum season-ah team captain Cesc Fabregas an chan tep a, tun season-ah erawh chuan amahin chhuah a duh tawh em avangin an chhuah tir nge nge maithei. A naupanlaia a lo khelhna hmasa Barcelona-ah kir leh a duh a, a neitu hmasa Baca lahin an fapaah ngaiin hruai ho leh dan ngawt an lo ngaihtuah bawk si. pound maktaduai 35 vela hralh tur angin thuthang a awm mek a ni.
Chutih laiin Arsenal payer tha leh rinrawl ni chho mek, a naupanlai atanga ‘Next Zidane’ an lo tih thin Samir Nasri chu Manchester club 2 leh Chelsea-te’n an dawr tih thawm a awm reng a, a ngam huai ber Manchester City chuan 22 million pound leh 100,000 pound kartin hlawh turin an thlem mek tih thuthang a awm mek bawk.
Gael Clichy chu Arsenal chhuahsanin Man City-ah pound maktaduai 8 in an hralh tawh bawk a, Nicklas Bendtner leh Manuel Almunia te pawh chhuah an huam tih report a ni bawk. Tunah hian Arsenal team hi Far East Asia Tour an nei mek a. Hetah hian an captain Cesc Fabregas phei chu a telve lo.
Hetiang a nih chuan transfer virvelah Arsenal hian pound maktaduai 70 vel player hralhna atangin an hmu thei dawn tihna a ni a, Arsenal hi football club aiin player hralhchhuak club an ni ti ila a sual lo mai lawng maw? King Henry a chhuah dan te, Hleb leh Flamini chhuah dan te, Adebayor-a’n Arsenal a chhuahsan dan te thlir phei chuan man tlawm tak a lak ni bawk, to tak a hralh leh an ni zel!!! Transfer boruak a hot chho telh telh a, thil engkim a la dawnglam thei. Tun dinhmunah hi chuan English Club lian zingah team nghing ber chu Arsenal an ni tlat!
Ka ngaihdan chuan arsenal ah hian quality chu a awm teh meuh mai,nimahsela kan Mental leh team morale hi a pawimawh in ka hria…Hei tak hi beiseiawm ber pawl ni ziah chunga Trophy kan cghawi lo nachhan ah ka ngai…..:)
Hmana Arsenal tak tak kha chu koh kir theih ani tawh lo. Mahse season hmasa ai chuan hma an sawn ngei chu ka ring. Player thar pawh an la lut hnem zawk ngeiin ka ring. Arsenal will be back
@Ben..season hi a ngai rengin a kal thei hleinem. Arsenal pawh an teuh thin viau naa an hlat telh telh tihna a ni chuanglo. Beiseina an la nei alom. Big 6 an awm tawh hi..:)
@Mike Arsenal hi ka tan miah lo. mahse, tun hnaiah pawh engemaw ah tal chuan an champ ve ka ring ngun lutuk tawh a. ka beisei sang tawh lo khawp mai(Gervinho hian Miracle te a thlen tir a nih ngawt loh chuan). Chelsea hi Villas-Boas hnuaia an khel hmuh chu a chakawm tawh khawp mai.
@Ben..Manchester City pawh sum tam tak nen FA Cup an chawi alawm tiro?
Arsenal chu khawvel a Club hausa ber pawh niin sum pawh ngah mahse Wenger-a’n League Cup a Champion team bak a din thei chuang hlei lo ange.
Hausak chu an hausa thut maithei, mahse champion team hi chu a din a din ve hi a ngai a, Arsenal pawh hi an han tha dawn chiah a, an player tha te an chhuak zel hi a pawi ber mai. Nasri leh Fabregas hi chhuakin midang tha deuh lo awm leh pawh nise, an that tak2 hunah an chhuak leh mai ang tih a hlauhawm. Club tha tak chu an ni, mahse EPL champion tur chuan beisei an har.
Ka ngaihdan leh ka hmuh ve dan chuan Arsenal hian an kum 125 na turah hian insiamthat takzet an tum a. Season 7 hnua nomawi chawi AC Milan anga lawmman lak ve ngei an chak tawh a. Players te chu an lakluh aiin an chhuah tha ziah tih chu sawi belh a ngai awm love. Arsenal ah hi chuan player tha chhuak mahse innghahna tur an awm ve leh zel chu ania. Innghahna tur lei aiin a awmsa kha innghahna tlaka siam an thei thin. Season khata Fabregas leh Nasri chhuak chu club tan harsatna lian tak a ni thei ang. Mi te rinphak baka chetha thin hi August thla tir a zawh hma chuan a nghing tia sawi chu ka la ngam biklo bakah Arsene Wenger a awmlai hi chuan a nghing tak tak lovang tih hi ka ring ve tlat.