Arsenal chu mi te beisei aiin che tha ve viau thin mahse a tawplamah a zuih ral leh thin tih hi kan hre theuh awm e. 2005 a FA Cup an chawi hnuah Emirates Cup tihloh chu an chawi leh lova. Arsenal hian inkhel mawi tak entir thin mahse point hmu tam tur leh inelnaa chak ber ni tur chuan mawi taka inkhelh a tawklo tih dawnin mawi taka inkhel ve tho FC Barcelona hi rilru ah a lo lang a. Inkhel mawi tak entir chung hian a chak theih tih te, nomawi a chawi theih tih chu a lang chiang hle awm e 2010-2011 season bikah chuan.
1886 a club din Arsenal tan hian 2011 hi kum 125 a tlinna champha a ni a. A club te pawhin tihdanglam tlem a zawng an nei ve. A jersey hmaa chhinchhiahna (crest) ah hian a club chhinchhiahna hmasaber kha hman leh a ni a. A chhinchhiahna mai duhtawklo hian a club chhung leh pawnah pawh tihdanglam a awm nual. He a club kum 125 na ah hian Arsenal chi leh kuang te chuan beiseina thar a nei a. Season lo awm tur pawh nghakhlel takin an thlir.
Arsene Wenger in Arsenal a enkawl hnu hian club lian dang te tihloh ang takin season tan hma hian players te hi hmun hla takah a zinchhuahpui ve ngailo. Kum 12 chhung zet chu Austria ah training neih lailawk thin a ni. Arsenal kum 125 na ah hian thil danglam lo thleng zingami chu Asia khawmualpui a zin ve hi a ni. Malaysia leh China te Arsenal chuan a tlawh a. Arsenal fans thahnem tak te chuan an lo lawm in an ngaihlu hle a. Malaysia ah pawh mi 70,000 chuangin an inkhel an en a ni. Asia a tlawh atang hian Arsenal chuan 15 million pound vel a hawn thei dawn niin a lang. Arsenal players te tan thil thar anih bakah Arsenal hotute tan pawh thil thar a ni leh zel a. Arsenal hian a kum 125 na chu danglam zawka hman a tum niin a lang.
Arsenal player te hi naupang tak niin sawi a ni thin a. He naupang te hi puitlin hun chu a ni ve tawh. A kum lamah la naupang thin mahse football level sang tak takah te an khel ve nual tawh a, rin ngam chu an ni tawh. Hei hi Arsene Wenger hian a hrechiang hle anih a rinawm. Midang te pawhin sawisel thin mahse a player neih ah te hian a lungawi a ang thin hle. Tuna player te hian season 6 chhung meuh mai lawmman an lakpui theihloh avangin Arsenal chuan inthuahfai zai a rel ta a ni. Player beiseiawm ni thin, beisei phaklo Denilson chu bul a tanna Sao Paulo ah Arsenal in a tir a. Khelh that inkara chesual leh zeuh thin Gael Clichy chhuah a ni bawka. Rin ngam tawhloh Manuel Almunia, vantlang tak Nicklas Bendtner, regular taka khel hleitheilo Emmanuel Eboue te chu an chhuak chiang dawn niin a lang. Kum 8 anih atanga Arsenal a lo awm tawh, rawlthar beiseiawm ni thin Jay Emmanuel Thomas te pawh hmun an chan dawnloh avanga chhuahtir a ni a. Reserve team atangin rawlthar thahnem tak, Roarie Deacon, Mark Randall, Thomas Cruise, George Brisen Hall te chu Arsenal in a chhuahtir hnuah club an hmu leh vek tawh thung. Arsenal hian an player vantlang tak te hi an chhuah nasa hle a. Arsenal First Team a khelpha thuai tura beisei Oguzhan Ozyakup, Chuks Aneke, Connor Henderson, Emmanuel Frimpong, Benik Afobe te erawh chu contract thar ziah pui an ni thung. High sikul atanga professional football khel tlang thei Japanese rawlthar Ryo Miyaichi leh Henri Lansbury ah te hian Arsenal hian beiseina a nei sang hle bawk.
Arsenal ah player chhuak an awm lai in player lut an awm ve zel bawk a. Arsenal chuan a ze ngai chhuahin player naupang rual lei in bul a tan leh a. FC Barcelona Academy atangin Hector Bellerin, Jon Toral Harper an lei bakah Kristoffer Olsson leh Leander Siemann te lei an ni a, heng kum 17 rual te hi Arsenal Under 18 tichak tura lak an ni. Bacary Sagna chu kum 28 a lo tlin ve takah chuan a thachhangdawltu tur melh a ni a. Charlton Athletic defender kum 19 mi Carl Jenkinson chu lei a ni a. Player lian tham lei erawh pakhat chiah a la ni thung. French champion Lille atangin Gervinho chu lei a ni a. He striker leh winger anga khel thei hian club dangte sawmna hnawlin Arsenal a pan. Thil danglam awm leh chu Jenkinson leh Gervinho te hi Arsenal tan tak chhungkua atanga chhuak an ni a. Jenkinson te chhungkua hi Gooners (Arsenal tantu te sawina) ruh tak an ni a. Gervinho ve thung hi chu Arsenal khelhdan entawna khel chho anih bakah kum 3 kalta khan Arsenal a khelh hi a lo tum tawh a ni. Hetianga players te lakluh annih lai hian Arsenal a tui tawh lemlo anga lang chu chhuak tura rin a ni a. Captain nilai Cesc Fabregas hi Arsenal in a man an chhiar chu FC Barcelona in a ngam hunah a chhuah dawn niin a lang ta. Samir Nasri dinhmun nghetlo tak chu kar hnih chhunga chinfel anih rin a ni bawk.
Arsenal chhung leh a pawnah te hian thil danglam tak a thleng chho zel a. Hei hi season 6 chhung lawmman a laklohna chhan nge a club kum 125 tlin lawmna tih chu zawhna awm thei ang. AC Milan anga season 6 chhung lawmman la lova a awm hnua a season 7 naa nomawi chawi nge anih anga 2005 atanga a tihdana regular taka ‘Top 4’ a tlin a, Champions League football khelh tih hi Arsenal tantu ‘Gooners’ te hmathlir dan chu a ni thei mai awm e.
generic for cialis
printable cialis coupon
cialis 20 mg price
canadian cialis
Discount cialis without prescription
Cialis in australia
Thank goodness some bloggers can still write. Thanks for this article!!!
Arsenal chhuahsan tifuh tak ka hre lo, chhuah duh chu chhuak rawh se. Bench atanga bul tan tur………….. Fabregas, Arsenal-a sai, Barca-a vawk ni vel mai mai tur, a inchhir ngawt ang. Henry a hnung zui turin ……. in ngaihtuah chiang leh rawh se.
Arsenal fan hi kum 12 chuang ka ni ve ta. Ka la inchhir ngai lo. Club dangin sum an hman chum chum laia kan hotute an uikawm deuh thin hi chu a thinrim thlak deuh chu a ni. Champion ngeingei turin players tha sa te hi han lei ve thin se, Nasri, Cesc te hian chhuah an duh tawp awm si lo
Kan Bible in ‘ fanau te ka chawmin ka ti seiliana ka chungah an hel leh ta si a” a tih hi Nasri lh Fabregas te hian an inhmeh hle in ka hria,,! Arsenal a an luh hma khan tunge an nih hria an tlem hle ang, kei cuan ka hrelo phawt. Talent nei tha sa chu an ni ngei alawm mahse tunge chher hriam? Tunge khawvel hriatah an thiamna pholang tu..? he zawhna hi chu an inzawh ve ngei a tha hle in ka hria..Wenger atan hi chuan a rilru nat thlak ve hle in ka ring..tnah an phatsan ti tih leh ta si a…!!
Top4 ah cuan kn om chiang turah ngai ta ila,tin player cuak hi an tam hmel angreng sia 2-3 vel tal player liantham hi la ve ngei se squad tihchak nan…cuan champion rim a nam ani mai lawm ni..
Amak inti ngawt ang le…. Kan in thuahfai a, kan dak zaih toh ang Arsenal te
kan champion dawn….wait n seee..lolz
Arsenal chu tang teh u kum 125 na ah pawh eng cup mah in la lo ange..inla in lei nep emai
season tir ah mi beisei phakbak in che tha, tihni zawk se para khat na khi a fuh ka ring. A bulin tan dan khi chu duh thu a samlo tlat,tin, Ziak zawmloh tur ziah zawm a awmnual, han tang leh deuhteh u.
a va han ngaihnawm em! Foreign Coach, Premier League Trophy chawi thei hmasa ber hian kan kum 125 lawm nan hian kan Ta..midang in an lo kawl hawh ve hrih chu Emirates-ah hian a senglut leh ngei ka ring tlat e! GOONER till i die! 🙂
nia…;)
Arsenal hi chu an mipa team aiin an hmeichhe team in tun hnaiah trophy an la thei zawk a. An hmeichhe team hi khelh tir zel tawn mai se 😀
Defence lam ti phuisui turin Samba leh Jagielka la lut in, midfielder Lucas Biglia han la lut bawk ula. Season tluanin goal han chhuah miahlo ngei u la, Gervinho leh RVP ten hattrick siam reng bawk se chuan in va han huphurhawm dawn tak. Haha..
Top 4 a lan mai hi kan duhtawk tawh dawn lo! Kum 125 tlin chu Cup in kan lawm tawh dawn… A chiang reng!! Season 6 nil leh nil lo ah Gooners ruhkawl rilru a innghat velo… Kan Hmangaih ARSENAL tan hian kan au reng dawn… Alo berah Cup 2 talin kum 125 kan lawm dawn e… Kan Gooner pui te in ha lo tat hriam rawh uuuuu….