Pathianni zana Premier League football hmuhnawm takah Manchester City, Tottenham Hotspurs, Manchester United leh Liverpool ten an khingpui an hneh vek a, Manchester club leh London club lian te inkar a zau tial tial.
Manchester City 1 – 0 Arsenal
Etihad Stadium-a inkhel hmuhnawm takah Manchester City chuan an mikhual Arsenal si khat faiin an hneh a, Premier League hmahruaitu an ni leh ta.
Line ups:
Manchester City: Hart; Richards, Toure, Kompany, Kolarov; Nasri (Dzeko 85′), Y Toure (de Jong 85′), Barry; Silva, Balotelli (Milner 72′), Aguero.
Arsenal: Szczesny; Djourou (Miquel 45′), Koscielny, Mertesacker, Vermaelen; Ramsey, Song, Arteta; Walcott (Arshavin 70′), Van Persie, Gervinho.
First half-ah thiam zawk an awm lo
Club lian pahnih, player nei ṭha ve ve, tunhnaia khel ṭha ve ve an ni bawk a, rinlawk ang ngeiin an inhnehtawk kher mai. A tirlamah chuan Manchester City hian an nawr zawk mah. Minute 10 a ni a, Man City attacking move kal zelah Gareth Barry chuan veilam aṭangin a cross a, hei hi vengtu nei lo Sergio Aguero chuan penalty box chhung aṭangin a pêt over!!! Team pahnihten goal an innawr chhawk zak zak a, Man City keeper Joe Hart chuan Gervinho leh Ramsey te shot a lo dan hnuah feet 6 vel aṭanga Balotelli shot chu Arsenal keeper in a lo dang bawk.
Team pahnihten football class sâng tak min hmuhtir ve ve. Arsenal veilamah Gervinho a langsar a, Aaron Ramsey ball sem pawh a fing thei khawp mai. Manchester City tân dan pangngaiin David Silva a langsar leh bawk. Midfield a tâwt tlat a, Arteta leh Barry te invêng chu hmuhnawm tak a ni. Inkhel thununtu han tih tur bik pawh awm lovin an inkhelhṭhat chhawk a, Arsenal right back Djourou awmna lam a pawp zeuh zeuh.
Hei le David Silva
Second half ṭan aṭangin minute 7 chiah a ral hman a, Man City in goal an thun. Balotelli chuan veilam aṭangin a khalh lût a, goal-a a shot chu Szczesny chuan lo dangperin, he ball per hi Vermaelen chuan lo khawihpeng hman mahse David Silva ke bulah tak a tla a, he Spanish playmaker hian hnai set sawt aṭangin a lo thun a ni. Hemi hnu minute 1 lekah Walcott-a shot ṭha zet chu Joe Hart chuan a lo save bawk.
Goal an thun hnu hian Man City an khel ṭha chhunzawm a, Aguero leh Nasri ten an pet goal teuh hle. Attacking player nei ṭha pahnihin attacking game an khel ve ve a, Joe Hart leh Szczesny te kan hmu deuh reng tawh a, team pahnih fans te tân phut deuh zawk zawkna tur a tam ngei mai. Minute 65 ah Zabaleta chuan goal ban a pet per a, Arsenal pawhin van Persie hmangin an thun teuh hle.
Huntawp dawnah Arsenal hian vawihnih vel chu pet goal theihna chance nei mahse a tâwp thlengin goal a luhbelh lo. Second half-ah Manchester City an khel ṭha zawk a, chak pawh hi an phu zawk awm e. Arsenal fighting spirit erawh hmuhhmaih theih a ni lo ang.
Manchester City home form
Etihda Stadium-ah hian tunhnaiah eng team mah an chak thei lo a ni ber mai. Manchester City hian tun season Premier League-ah home game 8 an khel tawh a, an la chak vek!! Kum 2011 chhungin competition hrang hranga an mikhualte hneh loh an nei miah lova, an chak loh hnuhnun ber chu December 2010-a Everton an hneh loh daih tawh kha a ni. Kum 2012 ah he ‘form’ hi an chhawmnung thei a nih ngat chuan umphak an har viau ang le.
Inkhel dang result
Tottenham 1 – 0 Sunderland
Tottenham: Pavylyuchenko
Aston Villa 0 – 2 Liverpool
Liverpool: Bellamy 11′, Martin Skrtel 15′
An in draw ka ring asn le,,ho hle mai. !!
Ka lom chiah lo.
Phone call ka dawng daiha, second half hnulam kha ka en mumal lova,.. RVP pawh a hlauhawm thy fua fua khp mai.. Hepa ang tiah hi Mizo chu awm se kan tuan a muang daihin ka ring.. a lian2 hi an che rang ani sap ho hi chu.. 🙂
Arsenal right back position kha a fuh lo tluanchhuak zak. Man City goal thun dawna Balotelli vengtu tur ber Koscielny awmna te kha a van fuh lem lo tak.
Man City attacking move ṭhenkhat kha chu a pui thei miah miah khawp mai. Goal 1 lek a lut hi a mak lehling hial zawk.
Thianpa Zaia naute ho (Liverpool) pawh an chak a, Thawhlehni Turnipui chanchinbu Sport Headline tur pawh rin hriat thei deuhin ka in hria!
Rinlawk ang ngeiin Wenger chuan sawisel tur a nei leh alawm! Offside position atanga goal niin a hria. Mahni chaklohna atang in zir hi a fuh zawk a sin le…
Ka en lo.. Mahse, he post atang hian ka duh ang tawk chu ka hria e… Good Post.. Aaron Ramsey erawh ka midfielder duh top 5 ah ala tel tho2..
Silva goal kha chu Arsenal defence thiamloh ah ka ngai… Mahse, ka fantasy player a ni tho a lawmawm tho2 e 🙂 good review
Inkhel kha 34 min vel atangin ka en choa, anuam ngei mai. Golden chance tha tak2 kan missed a, goal a lut tlem kan ti thei awm e.. Arsenal pwh an kheltha tho a, mase an goal shot te kha chu Joe Hart saved lo rual anilo.
Inkhel enin chak kan phu a, goal chuah miah loa team lian te laka chak chu hlu ve tak asin.post rang khawp mai.