Premier League leh Europa League squad – a telh a nih loh hnuah Arsenal midfielder Mesut Ozil a tawng chhuak a, a club – in an enkawl dan chuan a tihrilhhai takzet tih a sawi.
“Premier League khel tur zinga ka hming a lang ve ta lo hian min ti hrilhhai takzet a. Kum 2018 – a contract thar ka ziah khan he club tan hian rinawmna thu ka tiam a, mahse ka rinawmna min rullet dan hian ka rilru a tina a ni,” tiin kum 32 a upa German midfielder chuan a sawi. “Squad – ah ka tel ve dah lo’ng maw tiin kartin mai hian hnual tum loin ka infuih sauh sauh a, chuvanga ngawi thei em em chu ka ni,” a ti bawk.
Ozil hian kum 2013 khan Real Madrid chhuahsanin Arsenal player man to ber ni turin pound maktaduai 42.4 in Gunners hi a zawm a, amaherawhchu kumin March ni 7 hnuah club tan a inlan leh tawh lo a ni.
A vanglaia khawvela midfielder hmuhnawm ber pawl Ozil chuan beidawn mai a tum loh thu sawiin,” London hi ka in ang mai a ni a, he team – ah hian thian tha tak tak ka neih bakah fans te pawh ka ngaina em em a ni. Engpawh chu nise ka hun lo inherchhuah hun chu ka nghak fan fan dawn a, he thil duhawm lo tak thleng hian min tihnual dawn lo a, training naah pawh theihtawp ka chhuah zel dawn a ni,” tiin a la beidawn loh thu a sawi bawk.
