ARSENAL IN COUTINHO AN NGAIHVEN MÊK

Mikel Arteta chuan Philippe Coutinho chu lakluh a duh a, Arsenal thuneitute hnenah pawh a he a duhna hi a thlen tawh niin Mundo Deportivo chuan an tarlang.

Coutinho hian Premier League pan a duh tih a agent Kia Joorabchian chuan tunhnaiah a sawi zing tawh hle a. Tin amah ngaihventu zingah English club an awm nual thu a agent hian a sawi bawk.

Barcelona khua a radio service RAC1 chuan tukin lam khân Arsenal leh FC Barcelona te chuan Coutinho chungchangah inbiakna an neih mêk thu an puang a. Gunners hian loana hawh dân ngaihtuahin hemi tur hian club pahnihte hian inbiakna an nei a, a hlawh pawh intum sem turin an sawi mêk niin Catalan radio service hian an puang bawk a ni.

Nikum khân Arsenal hian Coutinho hi lâkluh tumin an lo ngaihven tawh a, thâwm pawh a rawn awm hluai kha a ni a. Kuminah Gunners hian an thar thawh leh niin a lang a, chuta mi pawimawh tak chu a agent Kia Joorabchian hi a ni a. Kia hi Arsenal ṭantu leh Emirates Stadium ah pawh Gunners inkhel vawi duai lo en a lo ṭhu ve fo tawh a nih avang hian Arsenal nena sawi zawm a hlawh fo leh inbiakna an lo nei tawhte pawh kha thil mak a ni hran lo ve.