ARSENAL LEI TUM TAK TAKTU DANIEL EK

Spotify founder leh CEO ni mek Daniel Ek chuan Arsenal chu lei a tum tak tak thu a sawi.

CNBC in an kawmnaah Swedish kum 38 mi chuan, “Kum 8 mi kan nih aṭangin Arsenal ka ṭan a, Arsenal hi ka club an ni. Arsenal lei ka tum pawh hi ka ti tak tak a, a leina tur sum pawh ka nei tawhin a neituten an hnial theih loh tur lei dilna thlen ka tum a, min lo ngaihtuahsak ngei ka beisei,” tiin a sawi.

Ek hausakna hi £3.4 billion a ni mêk niin an sawi a, chutihrual chuan tuna Arsenal neitu Stan Kroenke erawh Spotify hotupa hausakna ai hian a la sâng zawk a, American sumdawng lian hausakna hi £5.9 billion ni a sawi a ni.

Gunners neitu KSE lam hian North London club chu zawrhlai a nih loh thu leh lei dilna an lo dawng a nih pawhin indawrna an kalpui loh tur thu thuchhuah an lo siam tawh a. Mahse hemi avang hian Arsenal ṭan êm êm tu Ek hi beidawn mai a tum lo.

“He thil hi zankhat thil thu a thleng nghâl thei a ni lo va, kawng thui tak zawh tur erawh chuan ka inpeih a ni,” tiin tunah Arsenal lei a tumna lo hnawl pawh ni se a club hmangaih lei tura beidawn a tum loh thu Ek hian a sawi a ni.