Article: Mizoram U-19 leh kum dik lo!

“Mizoram U-19 leh Kum dik lo” tih hian chhiar ati chakawm thei viau ang. Kan rilru a rawn lang nghal chu ‘Mizoram U-19 team-ah kum dik lo an awm’ tih lampang a ni ngei ang. Mahse chuti lampang chu ka ziah tum a ni hauh si lo.

Siliguri-ah Mizoram team!
Mizoram Junior team te chuan Siliguri-ah National Junior Final Round an khel mek a, final round-ah hian Mizoram bakah West Bengal, Jharkhand leh Karnataka te an awm bawk tih chu kan hre theuh awm e. He thu hian ka lung a ti leng tlat avangin article angin ka rawn chhawp chhuak ve a ni e.

Kum 2003, November thla khan XXXIV All India Rural Sports Tournament chu Siliguri, West Bengal-ah khelh a ni a. Mizoram pawh football bikah tel ve in chu team-ah chuan ka tel ve a. Mizoram aiawh a ka kal hmasak ber tum anih rualin ka kal hnuhnung ber tum leh kal chhun chu a ni ta reng mai. Kan hriattur chu tuna Natioanl Junior Football Tournament te ai hian kan kalna hi a hlu lo daih zawk a ni.

Kanachenjunga Stadium-ah tho hian kan khel a, kan group-ah chuan West Bengal leh Jharkhand te hi an awm ve thova, mahse a danglamna chu final round ni lovin first round a ni thung. Kan Group hi “Group of Death” tihloh theihloh a ni, chumai bakah group khat atangin pakhat chauh tlang tur a ni bawk.

First match-ah chuan West Bengal kan tum a, zing dar 10 vel ah kan khel a, ka theihngilh theihloh chu W.Bengal kha a hun takah an rawn thleng lova. Bengal ho kan nghah chhung chuan keini grass la hmu ngai lo chuan nuam ti takin grass ah chuan ball kan lo khawih vel a, nuam kan ti ngei mai, Bengal an rawn thlen meuh chuan kan chau lo chauh a ni.

W. Bengal kha team tha tak anni a, a khelh ah pawh kan hnehlo deuh a, half time a coach hmachhawn pawh ka huphurh ngei mai. Mahse rinloh deuhin kan coach Sir Thlanga chuan kan khelhthat thu minlo hrilh a. Second half-ah half ah chuan a hma aiin kan tang a, kan in draw vaih chuan Jharkhand in sawp siak a ngai dawn si a. Mahse vanneihtlak takin second half-ah substitute atanga lo lut MS-a goal hmangin kan chak a, Jharkhand kan hneh chuan kan tlang thei ta reng mai.

A tukah chuan Jharkhand chu kan tum leh ah, W. Bengal ai chuan an chhe zawk tih chu reilote han khelh chuan a hriat theih mai a. Mahse rin loh takin kan lamah chuan an rawn thun hmasa zawk a, kan game pawh a buai phah deuh a, mahse first half ah tho Mawia tauh luh hmangin kan draw leh a, draw tawh mahila kan chak ngei a ngai si. Second ah chuan chak ngei tumin kan khel a, right flank atanga ball anlo cross chu defender chuan a head pha lo chiah a, chu ball tha tak chu ka malpui chuan ka lo la a, a kang chu ka volley lut nghal a, Mizoram tana ka goal thun chhun chu a ni ta reng mai. Hemi hnu hian Ch.Ch-a leh MS-a chuan an thun belh leh a. Kan group atang chuan kan tlang ta a ni.

Group harsa tak atanga tlang ni mahila quarterfinal Goa penalty kan hnehloh vangin kan tla a, kan chakloh tum hian Kanchenjunga Stadium-ah kan khel lova, field a tha tawk lova, duh angin kan play thei lova, referee in tan lam a lo nei bawk vang te pawh a ni maithei. Mahse ho zingah chuan Goa hi an chhe ber a, a chhan pakhat chu kum dik taka an khelh vang te pawh a ni ngei ang. Hemi tum hian penalty ka pet ngam lo tih hi kan belh tel hram ange.

KUM DIKLO HI!
Kum 2003 hian Mizoram team chuan National U-16 lammual-ah an Champion a, kan au thup thup anih kha. Kan kalna pawh hi U-16 chu ni tho mahse kan team-ah khan 16 pel tawh chu a chanve vel kan ni a. Kum dik zingah chuan tuna Aizawl F.C. Captain David Lalrinmuana (Papuia), P.C. Lalnunsiama (3rd MAP F.C.) leh Lalchhanchhuaha (SYS F.C.) te hi a langsar pawl anni ngei ang.

Kan kal kum tho mahse hemi tournament hma si hian Subroto U-17 team atan ka trial ve a, hetah hi chuan ka kum hi a la dik ve nghe nghe. Mahse kei aia upa leh thiam zawk, kum rualpui ah pawh ka tluk kher loh tur kha chu an lo tha deuh ni ngei tur a ni, ka tling ta lo a. Tling lo pangai chu ni ila, rilru pawh a na lo deuh tur a ni a. Mahse kan trial lai khan coach hovin kan khel an en ve lova, rilru a nat ve deuh vang leh Mizoram aiawh a khel ve chak hrim hrim vang te pawh aniang a hnuah khan U-16 ah khan ka trial tak ni.

Sawi tum takah luh ang aw!
Over age a khel te hi ka sawisel nasa a, mahse tuna an dinhmun thleng tura an khelh nasat zia hi kan hriatthiam pui si lo. An kal ve theih hunlaiin anmahni aia upa leh tha zawk an awm thin avangin an kal thei lova, hun an neih hmasak berah an kal ah kan ngaih sak thei lo ami? Hmanlai atanga tunlai thlengin zirna lamah pawh kum chu an ziak naupang nasa a ni lawm ni?. Zirna lamah chuan tribal kan nih vangin kum phal chin pawh a tam zawk a, football ah chuan tribal kan nih vangin kum ngaihna thiamna a awm thei si lo. Zirna lama kum ziah naupang pawh tunah chuan kan sim tan tawh a, ti tawk chu awm mahse an tlem tawh khawp ang. Driving licence nei tura in ziak upa te kan sawi that peihloh laia football bik tih vak vak zel hi player te rilru ngaihtuah thlen pui a tha khawp mai.

Senior a kan thatloh chhan hi kum ziah upat vang ngawt chu a ni bik lo!
Kum kan ziah upat vang hian Senior-ah kan tha lo kan ti thin, mahse hei hi ka pawm thei lo. Senior a kan that loh chhan hi chu League kan neih thatloh vang a i zawkin ka hria. State dang zawng zawng pawh an diklo deuh vek a, engvangin eng senior ah kan chhiat zawk bik tih hi kan ngaihtuah tel a ngai a ni.

Chennai a lehkha zira kan awm ve lai khan, College tan ka khel ve thin a, ka teammate kei aia upa te kha U-16 a kal tawk pawh an awm. Tamilnadu team kum dika an kal loh zia chu ka hrechiang ve kawp mai. Mahse Tamilnadu chuan Mizoram aiin league an nei tha zawk a, chumai bakah an college football khu keini college football ai chuan nung tak a ni. India team ah pawh rawn telpha ve zeuh zeuh Mohanraj te leh Mumbai F.C. player nita Pradeep te hi ka teammate thin anni a. College tournament atanga hamsawnna an hmuh nasat zia chu anni atang leh player dang atang pawn a hriat theih khawp mai. Senior a kan chetchhiat chhan hi chu Age Level kan khelh hnua tournament mumal kan khel tlem zawk vang leh kan league neih level hniam vang te hi a tih theih awm e.

Kum dik lova kal reng hi a tha em?
He zawhna hi chu chhan awmlsam tak a ni, a chhanna chu ‘ṭhalo’ tih hi a ni. Hemi tur hi chuan kan tan tlan chu a ngai ngei ang le.

ZoFooty pawh theih ang tawkin tan kan la chho va, player thlalak, an hming leh an pian kum te an theih chin chin ah kan rawn tarlang zel a. Hei aia tha a rawn tih pawh hi kan tum a ni. Hetia kan tih chuan kum leh hming dik lova Mizoram aiawh a kal pawh hi a tlem theih a rinawm.

Engtinge a tlem theih ang?
Luangmual F.C. player te thlalak leh pian kum te kan rawn tarlang a, comment lamah chuan an kum kan sawi nasa. Hei hi a thleng dawn tih kan hre sa a, kan tih chhan chu tuna kan kum ziah hi nakin lawkah an thlak tawh lo nan kan tih vang a ni. Tuna player te Mizoram aiawh an kal lai khan lo tarlang tawh ta ilang chuan kan hre deuh thup tawh anga, tuna an kum ziah nen a inmil lo tih pawh kan hre ngei ang. Player statistic kan neih that na na chuan kan kum hi a la dik chho ang tih hi kan ring tlat a ni.

Duh aiin a sei ta tlat mai, i duhtawk rih phawt mai ang. Comment lamah kan ngaihdan te sawi ho ang u.

Posted in Articles.

17 Comments

  1. I thlir thiam hle mai. Kum dik lova champion ai chuan kum dik avanga tlak nghal tawp hi a hluin a tlo zawk tho tho a, a dika kan in tirh theih nan sawrkar leh a hria ten tan han la teh u.

  2. Post tha tak a ni e.. Heng ang article hi kan mamawh a ni. Football a zofate kan hmasawnna kawng sial tu tur a ni si a.@Zara.. Lalchhanchhuaha khi defender kha em ni??

  3. E khai, hei chu ka hel ka hel a, a sei deuh vang pawh a ni mahna. Hei hunawl deuhah ka han chhiar a, a ngaihnawm hle mai.
    Kum dik lo hi a buaithlak khawp mai. Hruaitute tân pawh, kum dik takin kaltir sela, state dangin kum over an lo neih nual a, an hneh hleihtheih loh chuan a buaithlak ve duh khawp ang.

  4. Tha khop mai .. Hman kum lawk khan Mizoram Sub Junior ah Pu te duhsakna avangin ka hruai ve a.. KUMDIK theih tawp in kan kal ve a kan thleng sanglo…mahse India Camp ah Player 4 an rawn thlang hlauh mai, Champion tluk zetin kan lawm tho..

  5. @zodikalz13
    ni deuh ber mai. Chubakah player te hi an kal ngun tawh avanga hming thlak a awm. Chutiang chu reh tawh rawh se ka tihna ber mai.
    Nia, thuziah thiam hi a har a ni. Tawi fel taka ziah tum tawh tur a ni.:-)

    @Mamtea
    haha… A goal lai kha delete mai atan ka ui ve tlat. Penalty pet ngamloh nen.:-)

  6. Player tam tak hi vantlangin an kum kan hriatpui chuan kum dik in kan khel thei deuh ang tih i tum a ni maw? A ni khawp mai.. han in sawi naupan nawn leh hnuhnawh kha a nuam tawh bi lo ang a
    /Post sei deuh2 hi chhiar vek hman leh peih a har thin.. tawi fel takin in sawi duh point-ah hian bur chat thin ta ula (mimal ngaihdan)

  7. Zofooty a Post/Comment ka chhiar tawh ah chuan a tha ka la ti ber…a tir lam a i goal thun i sawi tiamloh in 😀

  8. Good post….post ami ang deuh hian,.tun hmain kum dik lo in thil kan kalpui nasa ltk pawh a ni mahna..player thenkhat chu kum dika an la kal theih laiin kum over thenkhat ten an luahlan thin a..khang mite khan chance an neih veleh a khelh tir loh kha hruaituten an lo hre ve tawh si a(kum over tawh poh nise)..chuvang chuan a foundati0n atangin a dik tawh lo niin ka hria

Leave a Reply

Or

Article: Mizoram U-19 leh kum dik lo!

“Mizoram U-19 leh Kum dik lo” tih hian chhiar ati chakawm thei viau ang. Kan rilru a rawn lang nghal chu ‘Mizoram U-19 team-ah kum dik lo an awm’ tih lampang a ni ngei ang. Mahse chuti lampang chu ka ziah tum a ni hauh si lo.

Siliguri-ah Mizoram team!

Mizoram Junior team te chuan Siliguri-ah National Junior Final Round an khel mek a, final round-ah hian Mizoram bakah West Bengal, Jharkhand leh Karnataka te an awm bawk tih chu kan hre theuh awm e. He thu hian ka lung a ti leng tlat avangin article angin ka rawn chhawp chhuak ve a ni e.

Kum 2003, November thla khan XXXIV All India Rural Sports Tournament chu Siliguri, West Bengal-ah khelh a ni a. Mizoram pawh football bikah tel ve in chu team-ah chuan ka tel ve a. Mizoram aiawh a ka kal hmasak ber tum anih rualin ka kal hnuhnung ber tum leh kal chhun chu a ni ta reng mai. Kan hriattur chu tuna Natioanl Junior Football Tournament te ai hian kan kalna hi a hlu lo daih zawk a ni.

Kanachenjunga Stadium-ah tho hian kan khel a, kan group-ah chuan West Bengal leh Jharkhand te hi an awm ve thova, mahse a danglamna chu final round ni lovin first round a ni thung. Kan Group hi “Group of Death” tihloh theihloh a ni, chumai bakah group khat atangin pakhat chauh tlang tur a ni bawk.

First match-ah chuan West Bengal kan tum a, zing dar 10 vel ah kan khel a, ka theihngilh theihloh chu W.Bengal kha a hun takah an rawn thleng lova. Bengal ho kan nghah chhung chuan keini grass la hmu ngai lo chuan nuam ti takin grass ah chuan ball kan lo khawih vel a, nuam kan ti ngei mai, Bengal an rawn thlen meuh chuan kan chau lo chauh a ni.

W. Bengal kha team tha tak anni a, a khelh ah pawh kan hnehlo deuh a, half time a coach hmachhawn pawh ka huphurh ngei mai. Mahse rinloh deuhin kan coach Sir Thlanga chuan kan khelhthat thu minlo hrilh a. Second half-ah half ah chuan a hma aiin kan tang a, kan in draw vaih chuan Jharkhand in sawp siak a ngai dawn si a. Mahse vanneihtlak takin second half-ah substitute atanga lo lut MS-a goal hmangin kan chak a, Jharkhand kan hneh chuan kan tlang thei ta reng mai.

A tukah chuan Jharkhand chu kan tum leh ah, W. Bengal ai chuan an chhe zawk tih chu reilote han khelh chuan a hriat theih mai a. Mahse rin loh takin kan lamah chuan an rawn thun hmasa zawk a, kan game pawh a buai phah deuh a, mahse first half ah tho Mawia tauh luh hmangin kan draw leh a, draw tawh mahila kan chak ngei a ngai si. Second ah chuan chak ngei tumin kan khel a, right flank atanga ball anlo cross chu defender chuan a head pha lo chiah a, chu ball tha tak chu ka malpui chuan ka lo la a, a kang chu ka volley lut nghal a, Mizoram tana ka goal thun chhun chu a ni ta reng mai. Hemi hnu hian Ch.Ch-a leh MS-a chuan an thun belh leh a. Kan group atang chuan kan tlang ta a ni.

Group harsa tak atanga tlang ni mahila quarterfinal Goa penalty kan hnehloh vangin kan tla a, kan chakloh tum hian Kanchenjunga Stadium-ah kan khel lova, field a tha tawk lova, duh angin kan play thei lova, referee in tan lam a lo nei bawk vang te pawh a ni maithei. Mahse ho zingah chuan Goa hi an chhe ber a, a chhan pakhat chu kum dik taka an khelh vang te pawh a ni ngei ang. Hemi tum hian penalty ka pet ngam lo tih hi kan belh tel hram ange.

KUM DIKLO HI!

Kum 2003 hian Mizoram team chuan National U-16 lammual-ah an Champion a, kan au thup thup anih kha. Kan kalna pawh hi U-16 chu ni tho mahse kan team-ah khan 16 pel tawh chu a chanve vel kan ni a. Kum dik zingah chuan tuna Aizawl F.C. Captain David Lalrinmuana (Papuia), P.C. Lalnunsiama (3rd MAP F.C.) leh Lalchhanchhuaha (SYS F.C.) te hi a langsar pawl anni ngei ang.

Kan kal kum tho mahse hemi tournament hma si hian Subroto U-17 team atan ka trial ve a, hetah hi chuan ka kum hi a la dik ve nghe nghe. Mahse kei aia upa leh thiam zawk, kum rualpui ah pawh ka tluk kher loh tur kha chu an lo tha deuh ni ngei tur a ni, ka tling ta lo a. Tling lo pangai chu ni ila, rilru pawh a na lo deuh tur a ni a. Mahse kan trial lai khan coach hovin kan khel an en ve lova, rilru a nat ve deuh vang leh Mizoram aiawh a khel ve chak hrim hrim vang te pawh aniang a hnuah khan U-16 ah khan ka trial tak ni.

Sawi tum takah luh ang aw!

Over age a khel te hi ka sawisel nasa a, mahse tuna an dinhmun thleng tura an khelh nasat zia hi kan hriatthiam pui si lo. An kal ve theih hunlaiin anmahni aia upa leh tha zawk an awm thin avangin an kal thei lova, hun an neih hmasak berah an kal ah kan ngaih sak thei lo ami? Hmanlai atanga tunlai thlengin zirna lamah pawh kum chu an ziak naupang nasa a ni lawm ni?. Zirna lamah chuan tribal kan nih vangin kum phal chin pawh a tam zawk a, football ah chuan tribal kan nih vangin kum ngaihna thiamna a awm thei si lo. Zirna lama kum ziah naupang pawh tunah chuan kan sim tan tawh a, ti tawk chu awm mahse an tlem tawh khawp ang. Driving licence nei tura in ziak upa te kan sawi that peihloh laia football bik tih vak vak zel hi player te rilru ngaihtuah thlen pui a tha khawp mai.

Senior a kan thatloh chhan hi kum ziah upat vang ngawt chu a ni bik lo!

Kum kan ziah upat vang hian Senior-ah kan tha lo kan ti thin, mahse hei hi ka pawm thei lo. Senior a kan that loh chhan hi chu League kan neih thatloh vang a i zawkin ka hria. State dang zawng zawng pawh an diklo deuh vek a, engvangin eng senior ah kan chhiat zawk bik tih hi kan ngaihtuah tel a ngai a ni.

Chennai a lehkha zira kan awm ve lai khan, College tan ka khel ve thin a, ka teammate kei aia upa te kha U-16 a kal tawk pawh an awm. Tamilnadu team kum dika an kal loh zia chu ka hrechiang ve kawp mai. Mahse Tamilnadu chuan Mizoram aiin league an nei tha zawk a, chumai bakah an college football khu keini college football ai chuan nung tak a ni. India team ah pawh rawn telpha ve zeuh zeuh Mohanraj te leh Mumbai F.C. player nita Pradeep te hi ka teammate thin anni a. College tournament atanga hamsawnna an hmuh nasat zia chu anni atang leh player dang atang pawn a hriat theih khawp mai. Senior a kan chetchhiat chhan hi chu Age Level kan khelh hnua tournament mumal kan khel tlem zawk vang leh kan league neih level hniam vang te hi a tih theih awm e.

Kum dik lova kal reng hi a tha em?

He zawhna hi chu chhan awmlsam tak a ni, a chhanna chu ‘?halo’ tih hi a ni. Hemi tur hi chuan kan tan tlan chu a ngai ngei ang le.

ZoFooty pawh theih ang tawkin tan kan la chho va, player thlalak, an hming leh an pian kum te an theih chin chin ah kan rawn tarlang zel a. Hei aia tha a rawn tih pawh hi kan tum a ni. Hetia kan tih chuan kum leh hming dik lova Mizoram aiawh a kal pawh hi a tlem theih a rinawm.

Engtinge a tlem theih ang?

Luangmual F.C. player te thlalak leh pian kum te kan rawn tarlang a, comment lamah chuan an kum kan sawi nasa. Hei hi a thleng dawn tih kan hre sa a, kan tih chhan chu tuna kan kum ziah hi nakin lawkah an thlak tawh lo nan kan tih vang a ni. Tuna player te Mizoram aiawh an kal lai khan lo tarlang tawh ta ilang chuan kan hre deuh thup tawh anga, tuna an kum ziah nen a inmil lo tih pawh kan hre ngei ang. Player statistic kan neih that na na chuan kan kum hi a la dik chho ang tih hi kan ring tlat a ni.

Duh aiin a sei ta tlat mai, i duhtawk rih phawt mai ang. Comment lamah kan ngaihdan te sawi ho ang u.

Posted in Articles.

Leave a Reply

Or