French club hausa Paris Saint Germain manager Carlo Ancelotti chuan Chelsea aṭanga Ashley Cole lei an tum loh thu Inrinni khan a puang.
Ashley Cole hian Chelsea ah kum khat chiah contract a nei tawh a, tun thlenga contract thar a la ziah loh avangin Stamford Bridge chhuahsan mai tur angin report a awm nghal a, lei duhtu zingah hian sum lama harsatna nei lo PSG leh Real Madrid te hming pawh a lang. Ashley Cole hian Chelsea a khelh chhunzawm zel chu a duh a, mahse karkhat-a pound 200,000 hlawh a duh avangin contract thar chungchangah hian club nen an la inrem thei meuh lo niin ESPN chuan a tarlang a ni.
Cole hi kum 31 a ni tawh a, kum tamtak inkhelhna hun a nei tawh lo. Hei vang hian a hlawh duh zat pe thei tu club ṭha a zawm mai ring an tam a, mahse an sawizawm ber PSG manager in lei an tum loh thu a sawi ta a ni. Ancelotti hian Chelsea-ah Ashley Cole te ho hi a lo enkawl tawh ṭhin tih chu kan la hre vek awm e.
Kan duhtawk kan ngah tawk
Cole lei an tum loh thu a sawi rual hian player dang pawh lakluh an tum tawh loh thu a sawi nghal a. Tun nipui bazar-a player an duh ho chu an lalût kim thawkhat tawh tih Ancelotti hian A Bola chanchinbu a hrilh a ni.
Ancelotti chuan, “Keini tân chuan transfer bazar hi khar a ni tawh. Kan duh kan nei thei a, kan che ṭha viau a. Ashley Cole lei kan tum thu hi England aṭanga lo chhuak a ni a, thuthang lengvak satliah mai mai a ni.” a ti.
Ni e, transfer bazar ah PSG hi an che ṭha takmeuh a, AC Milan player ṭha ber pahnih tih ngam Thiago Silva leh Zlatan Ibrahimovic te an lalût tawh a, Napoli thiampuipa Ezequiel Lavezzi an lei tawh bawk. Football hi team game a ni ti ṭhin teh mai ila, player ropui tel lovin team ropui a din theih loh a. PSG hi team ‘ṭha’ ni lai, team ‘ropui’ nih tuma ṭan la mek an ni a, player ropui an kawl nual tawh a, ‘star player’ rual enkawl ṭhin Carlo Ancelotti hian intai miah loa a remkhawm thei a nih chuan Europe-a team hlauhawm ber pakhat a din thei ang.
Champions League football hi chu a nghahhlelhawm reng a, Paris Saint Germain hi season thar Champions League tinghahhlelhawm lehzualtu a ni. Ligue 1 leh French football chawisângtu an ni leh thei angem?
source: espn.co.uk
otc cialis
generic cialis
viagra cost
Fda approved viagra
A upa tawh a, hlawh pe sang thei tu bak a pan tawh kherin a rinawm loh.
An tha rem rem bawkah Carlo hian a remfuh thiam chuan UCL ah pawh zahpuiawm loh pawl tak an ni ngei ang.
duh leh chhuak daih roh se…..