ATHLETIC: ARSENAL-AH DEFENDER PATHUM AN NGHET DAWN

The Athletic in an tarlan dânin Arsenal chuan David Luiz chu kum 1 dang contract an ziahpui dawn a, Cedric Soares chu free transfer a lalutin kum 4 contract ziahpui an tum bawk a, tin Pablo Mari chu a ngheta lalutin kum 4 daih contract ziahpui an tum bawk.

David Luiz hi kum 33 ni tawh mahse Mikel Arteta’n season thar atana team din a tumna kawngah a la pawimawh a ni maithei a, ani hian kum 2 daih contract ngiat mahse Athletic in an tarlan hi a dik a nih chuan kum 1 ah a lungawi thei dawn niin a lang a.

Portugal International kum 28 mi Cedric Soares hi tun season zawhah hian Southampton a a contract a hmang zo dawn a, frew agent a ni dawn a. Hei hi remchangah la in Arsenal hian thlasik bazar inhawn lai khân loan a lakluh a, a hnua free transfer a lakluh nghâl dân kawng an lo ngaihtuah tawh a. Athletic in an tarlang hi a dik a nih chuan Gunners nena an inbiakna te a hlawhtling niin a lang a, a nghetin Emirates Stadium-ah a châm zui thei dawn a nih hmel a. Mahse kum 4 daih ngawt mai Arsenal hotuten contract an zawrh hi a mak angreng.

Spanish kum 26 mi Pablo Mari hi Arsenal hian Flamengo aṭangin loan in tun season chhung atan an lalut a, loan fee atan €5m an pe tawh a. A ngheta an lalut dawn a nih chuan €4m an pêk belh leh ang a tichuan a man €9m an pe tla dawn tihna a ni.