Thuhma: Mamuana hi ZoFooty-ah “Q&A with a football expert” column neiin ZoFooty din tirh atanga min phurpuitu leh nasa taka encouragement min petu a ni a. Mizoram nitin chanchinbu-a sports columnist hmasaber niin, Vanglaini, Zozam Times, Sabereka Khuangkaih etc. ah te sports columnist a lo ni tawh thin a, Cable TV- LPS, Skylinks, Zonet, Doordarshan (Aizawl) bakah AIR (Aizawl) ah te nitin thlirlawkna / thlirletna hun a hmang bawk. Zofate zinga Professional footballer nitura a kaihhruai tam tak zingah S.Malsawmtluanga (Mama), Lalrindika Ralte (Didika) etc. te pawh hi an sawi tel theih awm e.
Mamuana hian Audi Football Summit hi a hmunah enin a zarah ZoFooty chuan thlalak tha tak tak kan neih phah a, a chungah kan lawm tak zet zet a ni.
– Admin
Photos by Mamuana, Y2Goal
Audi Football Summit chu rin ang ngeiin a hlawhtling hle a. New Delhi leh a bulhnai khaw hrang hrang atangin football fans za tam tak chu Jawaharlal Nehru Stadium-ah kal khawmin FC Bayern Munich (German: Fußball-Club Bayern München) leh India inkhel hi an en a ni. Vawi li lai UEFA champion lo ni tawh leh Bundesliga champion vawi 22 lai lo ni tawhte hian 4-0 laia chakin an thiamthil an rawn pho lang a. Mahse, second half-a India team-te’n nasa taka thar an thawh avangin fans-te lawm an hlawh hle a ni.
Thomas Mueller-a’n goal hnih thunin (minute 29 leh 37-ah) Mario Gomez leh Bastian Schweinsteiger-a te chuan goal khat ve ve an score a ni (minute 14-ah leh 43-ah). Goal lut zawng zawng hi first half ami vek a ni.
Post-match conference-ah chuan Audi India Managing Director, Michael Perschke chuan team pahnih-te chu “sportsmanship spirit” nena an khelh avangin a fak a, New Delhi mipuite chuan football fans diktak an nih zia an ti lang tih a sawi bawk. Bhaichung-a pawh a hun lo kal zel turah duhsakna a hlan a ni.
Pic: Mamuana’n Emre Can leh Rouven Sattelmaier te inkhel a enpui.
(Emre Can leh Rouven Sattelmaier te hi Bayern Munich player ve ve anni a, Rouven Sattelmaier hi Bayern Munich Second Team keeper niin Emre Can hi Midfielder a ni thung, kum 18 chiah a upa Emre hi Bayern chairman Uli Hoeneß meuh pawn, “the midfielder of the future and a jewel for Bayern Munich” a lo tih tawh avangin a that dan tur chu kan hrethiam mai awm e. A captain na hnuaiah Germany U-17 Youth World Cup-ah pathumna a lo nihpui tawh a, Mesut Ozil angin Turkish thisen kai ni mahse Senior team-ah pawh Turkey tana khelh ai chuan Germany tana khelh a duhthu a lo sawi tawh bawk.)
Audi India chuan India football legend hi sports car – Audi Q5 an pe a. Hetih rual hian Union Minister leh AIFF President Phafulla Patel chuan India star striker Sunil Chhetri chu kum 2011 AIFF-Player-of-the-Year award a hlan bawk a ni.
Bhaichunga chuan football a luhchilh tan dante sawiin Audi India leh AIFF-te’n ropui taka an thlah avangin lawmthu a sawi a. “Ka international match hnuhnung ber atana Bayern min tum tir avangin Audi India leh AIFF chungah lawmthu ka sawi a ni”, “India team khan ka rin ai daihin kan khel tha a. First half-ah khan an player ropui tak takte avangin kan tim deuhva, mahse second half-ah chuan kan players-te’n nasa takin an bei let ve a ni. He match vang hian kan players nopang tak takte hi nasa takin hlawkna an nei dawn a ni.” tiin an match khelh tak chu comment a ni.
Bayern star Arjen Robben-a chuan tihian a sawi: “Indian players-te leh fans-te phur zia hmuh kha a nuam khawp mai. Indian team-te khan an that zia an ti lang a, facilities tha zawk nen phei chuan nasa takin hma an sawn thei a ni”. Bayern coach Jupp Heynckes paw’n India team-te performance chu fakin, “An (Indian team) phur zia kha hmuh a nuam em em a. Goal kan khung hnem lo nangin a result avang khan kan hlim tawk a ni. India team-te kha an fing a, second half-ah khan an that lohna te an thawm phui vek a ni”, tiin a sawi.
India coach Savio Medeira chuan, “Audi Football Summit-a Bayern kan tum avang hian nasa takin keimahniah inrintawkna min siam a. AFC Challenge Cup kan hmabakah pawh nasa takin min pui dawn a ni”, a ti a. Bhaichunga’n a kum ngaihtuaha football tana a thahnemngaihna nasa tak a la neih avangin a fak bawk a. “Indian team-a players dangte’n vawiina a thahnemngaih ang hian khel se chuan Indian football hian Bhaichunga tam tak kan nei ngei ang” a ti a ni.
Media Centre-ah Mamuana
Canadain viagra
Buy viagra in usa
#5 leh post khi kan ‘Like’ po phot mai teh ang… Didika goal duh aiin a shot anglo thei mah2 tih lovah chuan Jeje nen khan an khel tha dun khop mai. Bhaichung hi chuan hei aia ropuia thlah poh hi a phu a ni. Tin, a car dawn khi ka de khop mai a.. A man hria in awm m?? 🙂 (ka lei dawn tih na nilo nia..hre chak mai2 )
Good Post.. Banner an rawn focus a Jeje & Didika Future of Indian Football tih te pawh khan thinlung a chawk tho khawp mai.. Mizo siam pawh nise TV lama an rawn ti lang kha a hlu hrim hrim..
Good post,.,.
Bayern ho khan pet goal teuh duh ta se engzahnge an pet goal ang le? 😀 farewale match nilo se cu goal 10 cuang cu a luh ngei ka ring.insop ltk a tha lo an tia an khel vel mai2 in ka hria.india nep zia kha cu zahthlak khop mai.hahhaha.
post gyhnwm hle my.jeje a leh didika khel tha khp my
E khai, a va ṭha ve. Thlalak pawh a hmuhnawm hlawm hle mai. Ni e, a khelhah kha chuan khan lo deuh mah ila, second half-a India fight back kha chu hmuh a nuam ve khawp mai. Jeje-a leh Didika te rawn luh hnuah India game a ṭha sawt a, Mizo pahnihte hi India player langsar ber pahnih an ni mai angem? (Bhaichung Bhutia tih loh ah)
Pu Mamuana, thanks.